Faxi - 01.04.1960, Blaðsíða 2
50
F A X 1
r
Kjartan Olason sjötugur
Hinn 3. apríl síðastliðinn átti einn vel-
þekktur borgari þessa bæjar sjötugsafmæli.
Afmælisbarnið var Kjartan Olason, Klapp-
arstíg 8, er um langt skeið var innheimtu-
maður hjá Rafveitu Keflavíkur, en hefur
nú nýskeð hætt þeim störfum.
Kjartan er fæddur að Kasthvammi í
Laxárdal í Suður-Þingeyjarsýslu, 3. apríl
1890. Kjartan telur sig þö ávallt Húsvík-
ing, því að til Húsavíkur fluttist hann
með foreldrum sínum á 5. aldursári. Þar
ólst hann upp og átti síðan heima til 22ja
ára aldurs. Þar á hann sínar brensku- og
æskuminningar.
Foreldrar Kjartans voru þau hjónin Oli
Jónatansson og María Indriðadóttir, sem
lengst af bjuggu í Húsavík.
Kjartan er eitt af aldamótabörnunum,
sem Jifað hafa hina mestu umbrota- og
byltingatíma, er orðið hafa í íslenzku þjóð-
lífi. A slíkum tímum, þegar tæknin er að
nema land, verða menn að fylgjast með,
ef þeir eiga ekki að verða undir í lífsbar-
áttunni. Ungur kom Kjartan auga á þessa
staðreynd. Um fermingaraldur byrjaði
hann sjómennsku og seytján ára tók hann
við formennsku á 6 smálesta þilbáti og þá
jafnframt vélstjórnina.
Haustið 1812 fluttist Kjartan frá sínum
æskustöðvum til Stykkishólms. Þar stund-
aði hann sjóinn næstu 10 árin á vélskipum
frá Stykkishólmi. Var hann um tíma vél-
stjóri á skonnortunni „Hans“, er var póst-
skip og flutti vörur milli Reykjavíkur og
Breiðafjarðar.
Á Sandi átti Kjartan heima í 4 ár, en
fluttist þaðan suður til Njarðvíkur 1928 og
bjó í Stapakoti. Var hann þá vérstjóri á
vélbátnum Sigurfara, er þeir áttu þá Innri-
Njarðvíkingar. En 1929 verður hann vél-
stjóri á vélbátnum Runólfi, er átti Elin-
mundur Ólafs, eigandi Keflavíkur. Hytur
þá Kjartan til Keflavíkur, og þar hefur
hann átt heima síðan.
í Stykkishólmi kynntist Kjartan konu
sinni, Sigríði Jónsdóttur. Þau giftust 7.
nóv. 1914 og byrjuðu búskap í Stykkis-
hólmi. Hjónaband þeirra hefur verið ham-
ingjuríkt og hafa þau eignazt 8 börn, og
eru 7 á lífi, öll uppkomin.
Kjartan er félagslyndur maður og hefur,
síðan hann kom til Keflavíkur, tekið
drjúgan þátt í félagsmálum. Hann var
Kjartan Ólason.
einn af stofnendum Vélstjórafélags Kefla-
víkur og fyrsti formaður þess 1938. Hann
hefur alltaf verið í stjórn félagsins og síð-
ari árin gjaldkeri þess. Bindindismaður er
Kjartan einlægur, og áhugasamur félagi
í stúkunni Vík. — Slíkir menn sem Kjart-
an er, traustur og samvizkusamur, kom-
ast ekki hjá því að starfa fyrir fjöldann.
Hann hefur því átt sæti í ýmsum nefnd-
um og unnið þar dyggilega fyrir félag sitt
og bæjarfélagið.
Eftir að Kjartan hætti sjómennsku gerð-
ist hann starfsmaður Rafveitu Keflavíkur,
1942. Fyrstu árin var hann vélstjóri, síðan
um árabil innheimtumaður, en því starfi
hætti hann á þessu ári, en vinnur þó áfram
hjá rafveitunni.
Eg hef hér stuttlega drepið á nokkur
æviatriði Kjartans Ólasonar, en annars áttu
þessi orð að vera afmæliskveðja mín til
hans fyrir ánægjuleg kynni á liðnum ár-
um. Og þótt Kjartan hafi nú sjötíu ár að
baki, ber hann það ekki með sér. Hann
hefur ávallt verið heilsuhraustur, þar til
nú síðustu árin. Hann er glaður og hress
hvar og hvenær sem hann hittist. Slíkir
menn eldast ekki, þótt árum fjölgi. Með
þeim er ávallt gott að vinna.
Lifðu heill um ókomin ár.
Ragnar Guðleifsson.
Þetta er engin afmælisgrein, Kjartan
minn, og værir þú hennar þó maklegur á
þessum merkis tímamótum ævi þinnar, —
það eru aðeins örfá og fátækleg þakkarorð
til þín frá okkur félögum þínum í stúk-
unni Vík, en í þeim mæta félagsskap hefur
þú eytt dýrmætum tómstundum þínum
síðan stúkan var stofnuð fyrir 12 árum.
Það eru nú liðin 25 ár frá því ég fluttist
til Keflavíkur og fundum okkar bar fyrst
saman, en þá veitti ég strax athygli festu-
legum og einbeittum svip þínum, samfara
óvenju ljúfmannlegri og höfðinglegri
framkomu, sem vakti mér löngun til að
kynnast manninum nánar. Við stofnun
stúkunnar Víkur varð mér að ósk minni,
þá lágu leiðir okkar saman á ný og síðan
höfum við átt samleið og sameiginleg
áhugamál, helguð hugsjónum Reglunnar
um bræðralag manna og bindindi. Marga
höfum við fundina haldið um þessi hug-
sjónamál og ýmislegt hefur verið gert þeim
til framdráttar síðan stúkan tók til starfa,
og þar hefur þú ætíð verið ein styrkasta
stoðin, — alltaf reiðubúinn til hinna góðu
verkanna, ólatur, hjartahlýr og tillagna-
góður. Slíkir eðliskostir eru góðum mál-
efnum mikilsvirði og samfélagið hlýtur
að vera í þakkarskuld við menn, sem þann-
ig lifa og starfa.
Eg mun nú ekki hafa þessi orð öllu
fleiri eða geta annarra starfa þinna að fé-
lags- og menningarmálum, enda er það
gert af öðrum hér í blaðinu. Eg vildi svo
að endingu gjarna ljúka máli mínu með
þeiri einlægu ósk til handa stúkunni okkar
og bæjarfélaginu í heild, að þitt óeigin-
gjarna starf í þágu bræðralagshugsjónar-
innar og bindindismálsins megi verða
öðrum góðum mönnum og konum hvöt
til að hefja baráttu fyrir hinu göfuga mál-
efni Reglunnar og vinna henni stóra og
glæsilega sigra á komandi dögum.
Til hamingju með ævistarfið og af-
mælið. H. Th. B.
Kynningarmót.
Þriðjudaginn 1. marz gekkst Félag kennara
í Keflavík fyrir kynningar- og skemmtikvöldi
í Aðalveri í Keflavík. Skemmtun þessa sóttu
kennarar úr Kópavogi, Hafnarfirði og skól-
unum hér ó Suðurnesjum. — Var almenn
ánægja með samkomu þessa, sem var vel sótt
og er fyrirhugað að halda fleiri slíkar í fram-
tíðinni.
Skólaskemmtun.
Hin árlega skemmtun skólabarna barna-
skólans í Keflavík var haldin í Ungmennfé-
lagshúsinu í Keflavík föstudaginn 18. marz
kl. 4 og 8,30. — Til skemmtunar var söngur,
hljóðfæraleikur, tvö leikrit o. fl. Sáu börnin
sjálf um öll skemmtiatriði, sem þóttu takast
vel. Var húsfyllir í bæði skiptin.