Faxi - 01.04.1960, Blaðsíða 13
F A X I
61
4. ársþing Iþróttabandalags Keflavíkur
Framhald.
Sund.
Ahugi fyrir sundi hefur aukizt mikið á
s.l. starfsári. Voru æfingar illa sóttar
íraman af árinu en í haust breyttist þetta
og hafa æfingar verið mjög vel sóttar
síðan. Hafa milli 30 og 40 manns að stað-
aldri mætt á æfingum. Guðmundur Ing-
ólfsson, sem verið hefur þjálfari í sundi
hjá ÍBK s.l. ár og náð hefur ágætum ár-
angri, hætti þjálfarastörfum s.l. vor og
tók Magnús Guðmundsson við störfum
hans í haust.
Sundmeistaramót Keflavíkur var haldið
í Sundhöll Keflavíkur 28. des. og var
þátttaka í því allgóð. Keflvíkingar háðu
tvær bæjarkeppnir í sundi við Akranes og
Hafnarfjörð. Sigruðu Keflvíkingar Akur-
nesinga og unnu bikar þann, sem keppt
hefur verið um undanfarin ár, til eignar,
en í keppninni við Hafnfirðinga, sem nú
er háð í fyrsta skipti, sigruðu Hafnfirð-
■ngar. Þá var haldið sundmót í sambandi
við afmæli UMFK og var þátttaka í því
meiri en í nokkru öðru sundmóti, sem
her hefur verið haldið eða rúmlega 70
manns, en öllum beztu sundmönnum
landsins var boðið í þetta mót.
S.l. sumar fóru þrír keppendur ásamt
fararstjóra í keppnisferð til Danmerkur og
var keppt þar í nokkrum borgum. Var
ferð þessi farin fyrir frumkvæði Iþrótta-
bandalags Akraness en keppendur voru
alls 8 frá þessum stöðum.
Frjálsar íþróttir.
Heldur hefur verið dauft yfir frjálsum
íþróttum á árinu. Þó hafa nokkrir menn
<æft á árinu og náð góðum árangri.
Höskuldur Karlsson stjórnaði inniæfing-
um. Keflvíkingar háðu nú í fyrsta skipti
bæjarkeppni við Hafnarfjörð í frjálsum
íþróttum en bæjarkeppnin við Selfoss féll
niður í ár. Þá tóku Keflvíkingar þátt í
hinni árlegu fjögra héraða keppni ÍBK —
ÍLA — UMSE — UMSK. Einnig var
tekið þátt í mörgum mótum í Reykjavík
°g minni háttar mót voru haldin hér í
Keflavík (innanfélagsmót). Að venju hélt
UMFK drengjahlaup og var þátttaka í
þvi agæt eða 20 keppendur.
Mjög háir það frjálsum íþróttum hér í
Keflavik hvað skilyrði til æfinga úti eru
slæm og ber brýna nauðsyn til að ráða
bót á þessu hið fyrsta.
I. deildarlið í. B. K. 1959.
Fremri röð frá vinstri:
Þórhallur Helgason,
Hörður Guðmundsson,
Heimir Stígsson,
Páll Jónsson.
Aftari röð frá vinstri:
Skúli Skúlason,
Haukur Jakobsson,
Þórhallur Stígsson,
Gunnar Albertsson,
Guðm. Guðmundsson,
Hafsteinn Guðmundsson,
Sigurður Albertsson,
Garðar Pétursson,
Högni Gunnlaugsson,
Á myndina vantar
Guðm. Kr. Þórðarson.
Fimleikar.
Fimleikaæfingum var haldið uppi í
íþróttahúsinu tvisvar í viku fyrir karla
en einu sinni í viku fyrir konur. Hafa
æfingar verið all vel sóttar. Þórunn
Karvelsdóttir hefur kennt konum en
Höskuldur Karlsson körlum.
Þjálfunarnámskeið.
Tveir knattspyrnumenn, þeir Högni
Gunnlaugsson og Hólmbert Friðjónsson,
fóru nýlega til Englands þar sem þeir
munu þjálfa með atvinnumannaliðinu
Queen Park Ranger.
Skemmtifundir.
Skemmtifundir voru haldnir fyrir yngri
félagana. Voru á þeim haldin fræðslu-
erindi, kvikmyndasýningar og skemmti-
þættir. M. a. var haldinn fræðslufundur
með unglinganefnd KSl, sem var mjög
vel sóttur og tókst prýðilega.
Bandalagsmerki.
A s.l. ári keypti bandalagið frá Þýzka-
landi félagsmerki (prjónmerki) sem Skúli
Fjalldal teiknaði. Eru merkin komin í
umferð og eru seld á kr. 20,00 stk.
Búningsklefar.
Brátt verða teknir í notkun nýir bún-
ingsklefar við íþróttavöllinn. Verður að
þessu mikil bót og breytist öll aðstaða til
æfinga þá mjög til batnaðar. Þegar því
verki er lokið þarf nauðsynlega að hefja
af krafti framkvæmdir við nýja íþrótta-
svæðið.
Vinabæir.
IBK hefur staðið í bréfaskiptum við
vinabæi Keflavíkur á Norðurlöndum með
athugun á gagnkvæmum heimsóknum i
huga. Hafa þegar borizt jákvæð svör frá
Danmörku og Svíþjóð en of snemmt er
að ræða þessi mál frekar að sinni. Von-
andi tekst að koma á samvinnu við þessa
bæi áður en langt um líður.
LokaorS.
Hér að framan hefur verið getið þess
helzta sem stjórn IBK hefur fjallað um
á s.l. starfsári. Stjórn IBK þakkar öllum
íþróttamönnum og íþróttasamtökum ágæta
samvinnu á liðnu starfsári. Stjórnin væntir
þess að á komandi árum eigi bandalagið
enn eftir að styrkjast og auka hróður kefl-
vískrar æsku um land allt.
Högni og Hólmbert keppa í Englandi.
Um s.l. mánaðamót fóru þeir Högni
Gunnlaugsson og Hólmbert Friðjónsson
til Englands til æfinga með hinu þekkta
atvinnuknattspyrnuliði Queen Park Ran-
gers í London.
Fréttir hafa nú borizt af þeim og eru
þeir mjög ánægðir með dvöl sína. Búa
þeir hjá varaframkvæmdarstjóra félagsins
og stunda æfingar af kappi daglega. S.l.
laugardag kepptu þeir með amatörliði í
London. Er þess að vænta að þessi ferð