Faxi - 01.06.1960, Blaðsíða 21
F A X I
101
Japanskur fjölbragðameistari í Keflavík.
Björn Ingvarsson lögreglustj. á Keflavíkur-
flugvelli bauð fréttamönnum blaða að vera
viðstaddir sýningu lögreglumanna af Kefla-
víkurflugvelli og úr Keflavík á ýmsum sjálfs-
varnaraðferðum, sem japanskur fjölbragða-
> meistari, Sawamura Masouka, hafði kennt
þeim um tveggja mánaða skeið. Sýningin fór
fram í leikfimisal barnaskólans í Ytri-Njarð-
vík og hófst með því, að yfirlögregluþjónninn
á Keflavíkurflugvelli, Benedikt Þórarinsson,
flutti stutt ávarp, þar sem hann bauð gesti
velkomna, lýsti tilgangi sýSningarinnar og
kynnti hinn japanska kennara, sem hann kvað
vera þrítugan að aldri og hafa æft japanska
fjölbragðaglímu frá því hann var 15 ára. Sagði
Benedikt ennfremur, að aðferð sú, er hann
hefði kennt lögreglumönnunum, væri kölluð
jyjo-do og væri þá eingöngu um sjálfsvarnar-
aðferðir að ræða. Hann sagði, að japanska
fjölbragðaglíman skiptist í 4 flokka, sem
nefndúst jyo-do, judo, akito og karati. Þjálfun
manna væri svo skipt í mörg stig og væru t.
d. 6 stig í jyo-do, en til gamans mætti geta
þess, að þrátt fyrir miklar og stöðugar æfingar
lögreglumanna í 2 mánuði, væru þeir aðeins
að nálgast að ljúka fyrsta stiginu. Til þess að
ljúka öllum 4 aðferðunum þyrfti þriggja ára
nám.
Þessu næst hófst sjálf sýningin undir stjórn
! hins japanska meistara. Fyrst var sýnd „judo“-
velta, en hún er þannig, að menn láta sig falla
á herðarnar, velta sér svo, spretta örskjótt og
fjaðurmagnað upp aftur. Veltan var einnig
sýnd þannig, að 2 menn lögðust á 4 fætur,
hlið við hlið, og kom þá sá, er veltuna sýndi,
og lét sig ekki muna að velta sér eins og fyrr
er lýst yfir þessa 2 krjúpandi menn, þannig,
að hann stakk sér á höfuðið, kútveltist eins
og kettlingur og spratt síðan upp mjúkt og
fjaðurmagnað. Þá var sýnt, hvernig hægt er
að kollvarpa andstæðingi með einfaldri axlar-
sveiflu og gera hann óskaðlegan, án þess að
valda meiðslum. Ymis einföld tök voru þarna
sýnd, sem voru þó mjög áhrifarík. Þar var
sýnt, er lögreglumaður ætlaði að greiða höf-
uðhögg með kylfu sinni, en var af kunnáttu-
manni afvopnaður á svipstundu. Vakti það
atvik nokkra ánægju meðal viðstaddra. Þá
var sýnt, er maður gerði tilraun til að berja
annan með tómri flösku í andlitið. Sá, sem
fyrir árásinni varð, kunni einfalda vörn við
ódæðinu. Þannig mætti lengi halda áfram að
lýsa þessari sérkennilegu sýningu, en rúms-
ins vegna í blaðinu verður þetta látið nægja,
en þó er að lokum vert að geta þess, að lög-
regluþjónarnir, sem sýndu þessi brögð, virt-
ust hafa tiieinkað sér mikla kunnáttu á ekki
lengri æfingatíma. Og vissulega munu æfing-
arnar koma þeim að góðu gagni síðar meir.
Eftir sýninguna bauð Björn Ingvarsson lög-
reglustjóri gestum til kaffidrykkju á matstof-
unni Vík í Keflavík. Meðan setið var að kaffi-
drykkju, kvaddi lögreglustjórinn sér hljóðs
og færði hinum japanska þjálfara þakkir sín-
ar og lögreglunnar fyrir gott og mikið kennslu
starf. Hann gat þess, að á þeim 2 mánuðum,
sem námskeiðið stóð, hafi lögreglumennirnir
hlotið þjálfun í 40—50 stundir. Þessi þjálfun
ætti að auðvelda þeim störfin og gera þá
hæfari til þess að gæta laga og réttar. Enn-
fremur gat hann þess, að sér væri sérstök
ánægja, að kynna Sawamura Matsouka fyrir
blaðamönnum. Hann hefði kennt japanska
fjölbragðaglímu víða um heim og þá einkum
lögreglumönnum. Við kennslustörf hafi hann
fengizt m. a. í Bandaríkjunum, Þýzkalandi,
Frakklandi, Belgíu, Hollandi og verið sérstak-
lega fenginn til þess að þjálfa lögregluna í
Helsinki. Matsouka hefði dvalið hér í 3 ár og
væri kvæntur íslenzkri konu og ætti þá ósk
heitasta, að setjast að á íslandi og gerast ís-
lenzkur þegn.
Að síðustu flutti Benedikt Þórarinsson ræðu
og þakkaði lögreglustjóra áhuga hans á þess-
um málum. Einnig flutti hann þjálfaranum
þakkir lögreglumannanna og óskaði honum
alls góðs í framtíðinni.
Áðalskoðun
bifreiða í Gullbringusýslu,
sunnan Hafnarfjarðar
Aðalskoðun bifreiða í Gullbringusýslu, sunnan Hafnarfjarðar,
fer fram sem hér segir:
Njarðvíkurhreppur og Hafnahreppur:
Þriðjudaginn 14. júní. Miðvikudaginn 15. júní.
Fimmtudaginn 16. júní.
Skoðunin fer fram við samkomuhús Njarðvíkur.
Gerðahreppur:
Þriðjudaginn 21. júní. Miðvikudaginn 22. júní.
Skoðunin fer fram við barnaskólann í Gerðum.
Miðneshreppur:
Fimmtudaginn 23. júní. Föstudaginn 24. júní.
Skoðunin fér fram við barnaskólann í Sandgerði.
Grindavíkurhreppur:
Þriðjudaginn 28. júní við barnaskólann.
V atnsley sustrandarhreppur:
Miðvikudaginn 29. júní við barnaskólann.
Bifreiðaskoðunin fer fram ofangreinda daga frá kl. 9—12 og 13—18,30.
Við skoðun ber að greiða bifreiðaskatt og sýna skilríki fyrir því, að
lögboðin vátrygging fyrir hverja bifreið sé í gildi, er fullgild öku-
skírteini skulu lögð fram.
Vanræksla á að færa bifreið til skoðunar á áður auglýstum tíma
varðar ábyrgð skv. umferðarlögum nr. 26 1958 og bifreiðin tekin
úr umferð hvar sem til hennar næst.
Geti bifreiðareigandi eða umráðamaður bifreiðar ekki fært hana til
skoðunar á áður auglýstum tíma, ber honum að tilkynna það bréflega.
Athygli er vakin á því, að umdæmismerki bifreiða skuhi vera vel
læsileg og er því þeim, er þurfa að endurnýja númeraspjöld bif-
reiða sinna ráðlagt að gera svo nú þegar.
Þeir, sem hafa útvarpsviðtæki í bifreiðum sínum, skulu við skoðun
sýna kvittun fyrir greiðslu afnotagjalds.
Eigendur reiðhjóla með hjálparvél eru sérstaklega áminntir um að
færa reiðhjól sín til skoðunar.
Þetta tilkynnist hér með öllum, sem hlut eiga að máli.
Lögreglustjórinn í Gullhringu- og Kjósarsýslu,
8. júní 1960.
Björn Sveinbjörnsson.
(settur).