Faxi - 01.09.1960, Blaðsíða 2
106
F A X I
Marta Valgerður Jónsdóttir:
Minnmgar frá Keflavík
Vestan við Þorvarðarhús var stór gras-
flöt. sem náði niður að lóðum húsanna sem
nú tilheyra Vesturgötu, en þau hús voru
Hjörtsbær, hús Jóns Olafssonar, Sigurðar
Bjarnasonar og Teits Helgasonar. Niður
eftir náði flötin að húsi Olafs pósts, en upp
eftir alla leið að Onnubæ og að húsi Þor-
varðs Þorvarðarsonar, en þar fyrir ofan var
Péturshús, þá Jónshús og gegnt því Möll-
ershús. Fleiri hús voru þá ekki á þessu
svæði.
Það var mikið rými á flötinni fyrir
krakkana í Vesturbænum til leika, enda
óspart notuð allan ársins hring. A vorin
slógu lestamenn þar tjöldum sínum, eins
og á Garðshorni- og Garðbæjarflötunum,
en lestirnar voru ein mikilsháttar hátíð
krakkanna í kauptúninu, þeim fylgdi önn
og ys og kauptíð. Sveitabændur komu með
afurðir sínar og seldu útvegsbændum og
sjómönnum fyrir fiskæti, saltfisk, grásleppu
og hertan fisk að ógleymdum þorskhaus-
unum. En fyrirferðarmiklir voru þorsk-
hausarnir, er búið var að búa þá upp á
hestana, en þetta þótti hollur og gómsætur
matur og sóttust bændur eftir þessu harð-
æti. Avallt reyndu lestamenn að hafa sem
styzta viðdvöl í Keflavík, því hagar voru
litlir sem öngvir fyrir hestana.
Við göngum nú frá húsi Þorsteins Þor-
varðarsonar skáhalt í vestur yfir flötina í
áttina að Vesturgötu, förum fram hjá
Önnubæ á vinstri hönd og komum þá að
húsi Þorvarðs Þorvarðarsonar, en Þorvarð-
ur var hálfbróðir Þorsteins Þorvarðarsonar
(Faxi 6. tbl.). Voru þeir samfeðra synir
Þorvarðs beykis Helgasonar. Móðir Þor-
varðs var Guðrún Högnadóttir hin ágæt-
asta kona. Hún bjó hjá syni sínum í Kefla-
vík frá því að hann reisti þar bú 1890 til
dánardægurs 1910, en í Reykjavík hafði
hún dvalizt lengst ævi og þar var Þorvarður
fæddur 19. nóv. 1857 og uppalinn þar.
Hann hét fullu nafni Þ. Guðmundur
Guðrún var lengi húskona í Vigfúsar-
koti í Reykjavík hjá þeim hjónum Þórði
Torfasyni og konu hans Ragnheiði Steph-
ensen foreldrum Þorgríms læknis í Kefla-
vík. Var rótgróin vinátta milli Guðrúnar
og tengdaforeldra minna, var hún aufúsu-
gestur á heimili þeirra. Hún var skemmti-
leg kona fróð og minnug og bjó yfir
margskonar fróðleik, sem vert hefði verið
að festa á blað. Guðrún var lítil kona vexti,
grönn og vel vaxin höfðingleg í framkomu
og góðlátleg. Þrifin svo að af bar og snyrti-
lega klædd hversdagslega en ævinlega bjóst
hún í betri föt er hún brá sér að heiman.
Hún var ágætlega vel verki farin og kunni
allskyns hannyrðir, en ekki hafði það orðið
hennar hlutskifti að geta að nokkru ráði,
setið við gullsaum og fína iðju. Hún hafði
unnið fyrir sér í húsum rikra manna í
Reykjavík og voru verk hennar eftirsótt,
en það sem meira var um vert, var að í
mörgum tilfellum, bundu húsbændurnir
vinskap við hana sem hélzt ævilangt. Mátti
glöggt sjá þess merki, hve börn þessa fólks
mundu hana og sýndu henni vináttu er
fundum bar saman löngu síðar. Séra
Friðrik Hallgrímsson varð prestur í Ut-
skálaprestakalli 1899, hann sat í Keflavík
fyrsta árið. Þá hnýttust á ný á fagurlegan
hátt gömul vinabönd þeirra Guðrúnar og
unga prestsins, en hans hafði hún gætt
þegar hann var lítill. Var hún mörg ár í
húsi foreldra hans og dáði hún þau mikið
enda héldu þau vináttu við hana til æviloka.
Guðrún Högnadóttir var fædd 8. ágúst
1825 á Litlu-Drageyri í Skorradal. Voru
foreldrar hennar Högni Jónsson bóndi
þar og kona hans Margrét Jónsdóttir.
Guðrún ólst að mestu upp hjá ömmu sinni,
Guðrúnu Jónsdóttur er bjó langa ævi á
Indriðastöðum i Skorradal, bjó hún þar
ásamt seinni manni sínum Sigurði Gísla-
syni en hann var sonur Gísla bónda á
Mófellsstöðum (1801) Vernharðssona'rJ
Guðrún á Indriðastöðum var tvígift. Var
fyrri maður hennar Jón f. 1756 Magnússon
bónda á Neðra-Skarði í Leirársveit f. 1711
Jónssonar bónda á Efra-Skarði í Leirár-
sveit (sýsl. IV,427.)
Þau Guðrún og Jón bjuggu á Galtar-
holti í Leirársveit og þar fæddist Margrét
dóttir þeirra 1790, en hún var móðir Guð-
rúnar Högndóttur. Fær allt þetta fólk
mikið falleg ummæli í húsvitjunarbók
Leirársóknar. Högni faðir Guðrúnar var
f. á Akranesi 1790. Voru foreldrar hans
Jón Bjarnason og kona hans Guðrún f.
1766 Ólafsdóttir. Kann ég ekki að rekja
ætt þeirra.