Faxi - 01.11.1960, Blaðsíða 4

136
F A X I
ar saman er ég gekk í Góðtemplarastúk-
una Vonin nr. 15.
Ingibjörg sótti þangað hvern fund, er
hún mátti. Hún lét oft til sín heyra á
fundum, var skýr í máli og rökrétt í mál-
flutningi, enda naut hún virðingar og
sjónarmið hennar voru mikils metin. Þá
lágu leiðir okkar enn saman í söngflokk-
um, en hún hafði fallega altrödd og beitti
henni vel og örugglega.
Ingibjörg var fædd í Engey 4. marz
1866. Hún var alin upp í Hrólfsskála á
Seltjarnarnesi, fósturdóttir Sigurðar Ing-
gjaldssonar bónda þar og frænda hennar,
en dóttir ]óns bónda og skipasmiðs í Eng-
ey, f. 8. jan. 1812 d. 15. jan. 1878 Pétursson-
ar bónda og smiðs í Skildingarnesi svo
Engey, f. 1786, drukknaði á leið út í Engey
22. sept. 1852 Guðmundssonar lögréttu-
manns síðast bónda á Lágafelli Jónssonar.
Kona Guðmundar var Guðríður Ottadótt-
ir, alsystir Ingjalds bónda í Hrólfsskála
föður Sigurðar fósturföður Ingibjargar.
Kona Péturs og móðir Jóns var Olöf f.
1782 d. 16. febr. 1844 Snorradóttir ríkis-
bónda í Engey, f. um 1753 d. 12 nóv 1841.
Er mjög fjölmenn ætt frá þessum hjónum
(Kl. J. Saga Reykjavíkur bls. 285).
Móðir Ingibjargar var Margrét f. 19.
júní 1836, d. 11. maí 1905, Hansdóttir
bónda og vefara á Varmá og Eyði í Mos-
fellssveit f. 22. des. 1807 d. 5. apríl 1867,
Hanssonar (danskur). Móðir Hans var
Margrét f. 1782 d. 4. júlí 1842 Illuga-
dóttir prests í Villingaholti f. 14. sept. 1753,
d. 29. júní 1821, Hannessonar lögréttu-
manns að Hofi á Kjalarnesi, Vigfússonar.
Margrét Illugadóttir varð síðari kona
Magnúsar hreppstjóra Magnús. á Lamba-
stöðum á Seltjarnarnesi svo Seli við R.vík.
Dóttir þeirra var Soffía Magdalena kona
Fischers kaupm. í Reykjav. Albróðir Mar-
grétar Hansdóttur var Pétur Þórarinn fað-
ir Sigurjóns verksmiðjueiganda á Álafossi.
Kona Hans á Eyði (5. okt. 1834) var Ólöf
f. 1812 Jónsdóttir bónda á Eyði í Mosfells-
sveit f. 1765 d. 5. marz 1835 Vigfússonar
og konu hans Ingibjargar f. 1771 d. 29.
júlí 1835 Salomonsdóttur bónda á Arnar-
drangi á Síðu f. 1743, dáinn milli 1771 til
1774, Þorsteinssonar bónda á Steinsmýri í
Meðallandi f. 1708 d. 11. ág. 1791, Þor-
steinssonar.
Kona Salomons og móðir Ingibjargar á
Eyði var Rannveig f. 1736 d. 21. ág. 1786
Þorgeirsdóttir bónda á Arnardrangi f. 1704
á lífi 1762 Oddssonar.
Rannveig var mikil merkiskona. Hún
Ingibjörg Jónsdóttir.
var tvígift, fyrst Salomoni, svo Gísla bróð-
ur hans og fékk konungsleyfi til seinni
giftingar. Börn Rannveigar og Salomons
voru fimm, sem komust til fullorðins-
ára. Dætur Gísla og hennar voru fimm.
Það er mikill og merkilegur ætthringur
frá þessum börnum Rannveigar. Ingibjörg
Salomonsdóttir og Rannveig Gísladóttir
hálfsystir hennar, ólst upp hjá Páli klaust-
urhaldar, síðast á Elliðavatni, Jónssyni
og fyrri konu hans og móðursystur þeirra
systra Valgerði Þorgeirsdóttur. Þau hjón
fluttust suður frá Hörgslandi að Hlíðar-
húsum við Reykjavík, er Skaftáreldar
brunnu og hafa þær fósturdæturnar þá ver-
ið 12 og 8 áa, er þær fóru hina löngu og
erfiðu ferð. Rannveig Gísladóttir giftist
Sveini Sigurðssyni verzlunarstjóra á Eyr-
arbakka og er ætt frá þeim í Arendal í
Noregi.
Jón Vigfússon á Eyði, maður Ingibjarg-
ar Salomonsdóttur var einnig skaftfell-
ingur og voru þau hjón systkinabörn, því
Jón var sonur Vigfúsar bónda á Ytri-Dal
í Fljótshverfi, Þorgeirssonar. Var hann
bróðir Rannveigar á Anardrangi og Val-
gerðar konu Páls Klausturshaldara. For-
eldar Jóns bjuggu á Ytri-Dal 1783, en lét-
ust bæði í ógnum Skaftárelda.
Pétur Jónsson í Keflavík var fæddur 21.
maí 1865 á Breiðabólsstað í Vesturhópi.
Voru foreldrar hans Jón Jónsson og Her-
dís Pétursdóttir, vinnuhjú þar, en brátt
reistu þau bú á Efri-Þverá í Vesturhópi,
bjuggu þau þar og í Gottorp og Katadal
og víðar í Húnavatnssýslu. Höfðu þau Jón
og Herdís flutzt með séra Olafi Thorberg
frá Helgafelli að Breiðabólstað, en Jón
hafði að mestu leiti alist upp hjá prests-
hjónunum á Helgafelli.
Það var löng ævi og mikil örlög sem
þessum hjónum voru búin. Eftir langan
starfsdag urðu þau bæði blind og áttu
samt eftir langa leið ófarna, en sambúð
þessara hjóna var með ágætum, segir Jón
sjálfur í afmælisspjalli, er hann var 100
ára og rekur minningar daganna, að er
hann kom þreyttur heim, „þá græddist
það fljótt því okkur Herdísi kom svo vel
saman.“ Þegar þau voru bæði orðin blind
fluttust þau að Skógarkoti í Þingvallasveit
til Ólínu dóttur sinnar konu Jóhanns
Kristjánssonar bónda þar, en þar andaðist
Herdís háöldruð.
Jón fluttist með dóttur sinni og manni
hennar frá Skógarkoti til Reykjavíkur
1935 og andaðist á heimili þeirra 11. jan.
1944.
Jón va fæddur 11. okt. 1842 á Dældar-
koti í Helgafellssveit. Voru foreldrar hans
Jón Jónsson bóndi þar og fyrri kona hans
Ragnhildur f. 1805 d. 21. júlí 1843 Jóns-
dóttir. Mb. 11. okt 1941.
Herdís kona Jóns var fædd 26. ap. 1839
á Sandi á Snæfellsnesi dóttir Péturs sjó-
manns á Sandi f. 1799 Ólafssonar í Stagley
á Breiðafirði, Höskuldssonar. Kona Péturs
og móðir Herdísar var Helga Bjarnadóttir
fædd 1817 í Ingjaldshólssókn. Bróðir Her-
dísar var Guðjón sem fyrr er getið í þess-
ari grein.
Börn Ingibjargar Jónsdóttur og Péturs
Jónssonar voru tvö. Helga er giftist Eyjólfi
forstjóra í Reykjavík Jóhannssyni frá
Brautarholti og Sigurður Ingjaldur lengi
mótorbáteskipstjóri í Keflavík, nú í
Reykjavík kvæntur Birnu Hafliðadóttur í
Reykjavík, Jónssonar, eru þau lijón að
þriðja og fjórða að frændsemi frá Olöfu
Snorradóttur og Pétri Guðmundssyni í
Engey.
Ingibjörg Jónsdóttir fluttist á efri árum
til Helgu dóttur sinnar og Eyjólfs tengda-
sonar síns að Sveinatungu við Silfurtún og
átti þar góða daga, en hún sat þar ekki
auðum höndum. Hún sat löngum við
prjónavélina sína, er hún hafði flutt með
sér og prjónaði eins og áður og til sauma
tók hún þess á milli.
Hún andaðist 3. ág. 1953.
Austfirðingafélag Suðurnesja hélt aðalfund
i síðastliðnum mánuði. Félagið, gekkst fyrir
þorrablóti og nokkrum spilakvöldum á 'síð-
asta vetri, enn fremur var farið á vegum
þess í Þórsmörk í sumar. Var sú för mjög
fjölmenn. Formaður er Friðjón Þorleifsson.