Faxi - 01.12.1960, Blaðsíða 10

154
F A X I
Sveitarstjórinn í Sandgerði spurður frétta
Núna á dögunum hitti ég að máli sveit-
arstjórann í Sandgerði, Björn Dúason, til
þess að spyrjast fyrir um atvinnuhorfur
þar og verklegar framkvæmdir. Björn er
ættaður frá Siglufirði og stundaði þar alla
algenga vinnu á uppvaxtarárum sínum.
Hann útskrifaðist frá Verzlunarskóla Is-
lands 1937 og gerðist þá kaupfélagsstjóri
hjá Samvinnufélagi Fljótamanna í Haga-
nesvík. Síðar vann hann um skeið sem
deildarstjóri við Kaupfélag Siglufjarðar og
einnig við skipamiðlun þar á staðnum. Þá
starfaði hann um sinn við síldarmat og
síldarskoðun á Siglufirði og ýmislegt fleira
fékkst Björn við á þessum árum. Hingað
suður fluttist hann fyrir 6 árum, gerðist
fyrst skrifstofumaður hjá Hraðfrystihúsi
Keflavíkur h.f. og var í þjónustu þess fyr-
irtækis árið sem Kaupfélag Suðurnesja
keypti það.
Þegar sveitastjórastarfið í Sandgerði
var sett á laggirnar, tók Björn það að sér
og hefur gegnt því með mestu prýði und-
anfarin tvö ár. Kvæntur er Björn Olgu
Þórarinsdóttur, ættaðri frá Húsavík.
— Hvernig kanntu við sveitarstjóra-
starfið í Sandgerði, Björn?
— Samvinnan við hreppsnefndina og
hreppsbúa hefur verið hin ákjósanlegasta
og hér ríkir mikill framfarahugur.
— Hvað um framkvæmdir?
— Tvö síðastliðin sumur hefur verið
unnið að stækkun hafnargarðsins og er
búið að lengja hann um 50 metra.
— Er sú lenging til mikilla bóta?
— Já, tvímælalaust. Útgerðaraðstaða hér
hefur gjörbreytzt við þessar framkvæmdir.
Eins og þér er kunnugt, hafa bátar hér
sem annars staðar stækkað mjög á undan-
förnum árum, en sú þróun krefst aftur á
móti bættra hafnarskilyrða. Aður fyrr lágu
bátarnir úti á legunni milli þess, sem þeim
var róið til fiskjar, um annað var ekki að
ræða þá. Nú geta þeir legið við bryggju
að mestu, nema í aftaka veðrum.
— Verður þessum hafnarframkvæmd-
um haldið áfram?
— Já, eftir því sem fjárhagur leyfir
hverju sinni, því þó við tcljum, að mikið
hafi verið gert að undanförnu, þá er hitt
þó meira, sem enn er ógert til þess að
höfnin geti talizt örugg í hvaða veðri sem
er.
Björn Dúason
— Eru fleiri framkvæmdir á döfinni
hjá ykkur?
— Já. I sumar var myndað hlutafélag
með það fyrir augum, að stofnsetja og
starfrækja hér fiskiðjuver, þar sem m. a.
verði framkvæmd niðursuða og pökkun
síldar og annarra sjávarafurða. Er nú þeg-
ar hafin bygging á 1200 fermetra húsi
undir þessa starfsemi og standa vonir til,
að við þetta skapist hér góð sumaratvinna
fyrir unglinga og kvenfólk, en þar til í
sumar hefur slík atvinna verið hér af
mjög skornum skammti. Fyrir svona iðju-
verum er nú vaxandi áhugi og á nokkrum
stöðum eru þau tekin til starfa, t. d. á
Akureyri. Hér í Sandgerði ættu þó skil-
yrði til slíkrar starfsemi að vera hin ákjós-
anlegustu, þar sem staðurinn liggur svo
nærri hinum fengsælu fiskimiðum.
— Eru ekki frystihús í Sandgerði?
— Jú, þau eru hér tvö. Miðnes h.f., eign
þeirra Ólafs Jónssonar og Sveins Jónsson-
ar, og Fiskverkunarstöð Guðmundar Jóns-
sonar á Rafnkelsstöðum. Þessir aðilar hafa
jafnframt fiskverkuninni rekið hér síldar-
söltun nú um nokkur undanfarin haust,
en sú starfsemi er, eftir því sem ég bezt
veit, tiltölulega ung hér um slóðir. Bæði
hraðfrystihúsin tóku upp þá þörfu ný-
breytni í sumar, að frysta humar og annan
góðfisk og bætti það mjög afkomu manna
hér, enda var þess ekki vanþörf, til að vega
á móti bágborinni afkomu heimilisfeðr-
anna, er síldveiðar stunduðu fyrir Norður-
og Austurlandinu í sumar.
— Hefur nokkuð aukizt við skipastól-
inn?
— Já. Guðmundur á Rafnkelsstöðum
fékk á sumrinu sitt nýja og glæsilega skip,
Víði II., eins og flestir muna, og nú er
hann að láta smíða annan bát í Hollandi,
sem er væntanlegur næstu daga.
— Hafið þið fleiri framkvæmdir á
prjónunum?
— Já. Hér er verið að stækka barna-
skólann til stórra muna, en gamli skólinn
var fyrir löngu orðinn of lítill og ófull-
nægjandi húsnæði. Er vonast til, að þessu
verki ljúki fyrir næsta skólaár.
— Verður með þessari skólabyggingu
séð fyrir húsnæðisþörf barna og unglinga
hér á staðnum?
— Nei, síður en svo sé. Húsnæðið mun
naumlega nægja fyrir barnafræðsluna,
hvað þá meir.
— Hvað verður þá um unglingana?
— Það hefur lítillega verið rætt um að
fá inni fyrir þá í hinum væntanlega gagn-
fræðaskóla í Keflavík, sem nú er í smíð-
um, og mundi þar leysast mikill vandi.
En þar til hann tekur til starfa, munu
unglingar hér að sjálfsögðu fá uppfræðslu
heima, eftir því sem aðstæður leyfa.
— Þið hafið fengið sjálfvirkan síma eins
og aðrir hér á Suðurnesjum. Hvernig
reynist hann?
— Hann er til stórbóta og mikils örygg-
is á öllum sviðum, t. d. varðandi slys og
læknaþjónustu.
— Já, vel á minnzt, — þið hafið sjúkra-
skýli í Sandgerði?
— Rauði kross Islands hefur um ára-
tugi starfrækt hér sjúkraskýli, en með bætt-
um samgöngum við Keflavík, og þó alveg
sérstaklega við tilkomu sjúkrahúss þar,
sem Miðneshreppur er aðili að, lagðist
þessi starfsemi niður. Nú á síðastliðnu
sumri keypti svo hreppurinn eignina með
það fyrir augum, að flytja í húsið allt
skrifstofustarf hreppsfélagsins. Þar verður
einnig bækistöð fyrir Keflavíkurlækna, er
þeir koma hingað í sjúkravitjanir, einnig
verður lögreglan þar til húsa. Þá verður
þar líka ljósbaðstofa, ásamt vatns- og gufu-
böðum fyrir almenning, eftir finnskri fyrir-
mynd. Erum við mjög ánægðir með þessi
kaup, því með þeim leystist á heppilegan
hátt húsnæðisþörf hreppsfélagsins.
— Hvað er að frétta af félagslífinu ?