Faxi - 01.01.1964, Blaðsíða 2
Sagnaþulur Suðurnesja
Frú Marta Valgerður Jónsdóttir sjötíu og fimm ára
Frú Marta Valgerður Jónsdóttir varð 75
ára þann 10 janúar síðastliðinn, en hún er
fædd að Landakoti á Vatnsleysuströnd
árið 1889, dóttir hjónanna Guðrúnar Hann-
esdóttur og Jóns Jónssonar, sem bæði voru
ættuð úr Rangárþingi.
Með foreldrum sínum fluttist frú Marta
til Keflavíkur 1898, þá 11 ára gömul, og
hjá þeim átti hún heima þar til hún giftist
Birni Þorgrímssyni, ungum og glæsilegum
skrifstofu- og verzlunarmanni. En Björn
var sonur hins nafnkunna læ'knis og at-
hafnamanns, Þorgríms Þórðarsonar, sem
lengi var héraðslæknir í Keflavík við mik-
inn orðstí. Auk þess að vera góður læknir
var hann sannur framfaramaður í verk-
legum efnum og brautryðjandi. — Mun
Sparisjóður Keflavíkur m. a. lengi halda
nafni hans á lofti sem slíkum.
Árið 1920 fluttu þau hjónin til Reykja-
víkur og gerðist Björn þá gjaldkeri við
verzlunarfyrirtæki Páls Stefánssonar frá
Þverá og vann við það um 30 ára skeið.
Starfi þessu hélt hann áfram eftir að eig-
endaskipti urðu á fyrirtækinu og vann þá
hjá nýjum húsbændum þar til hann missti
sjónina nú fyrir nokkrum árum.
Meðan Marta var á heimili foreldra
sinna í Keflavík, tók hún virkan þátt í fé-
lagsmálum staðarins. Ung gekk hún Góð-
templarareglunni á liönd og starfaði þar
af lífi og sál. Hún mun snemma hafa lært
á orgel og kom það sér vel í Reglustarf-
inu, þar sem hún lék undir allan söng á
stúkufundum.
Þegar Keflavíkurkirkja var byggð 1914
varð Marta fyrsú orgelleikari hennar. —
Hún var ein af stofnendum Kvenfélagsins
Freyju í Keflavík og innan þess félags-
s'kapar og einnig innan vébanda stúkunn-
ar mun hún hafa fengizt við leikstarf og
farizt það mjög vel úr hendi eins og allt
annað. Þá lét hún ekki sitt eftir liggja á
málfundum félaga sinna, enda flugmælsk
og hugmyndarík, að sögn kunnugra. En
það sem á eftir rak og örfaði til framtaks
var hugsjónaeldur og umbótavilji alda-
mótaæskunnar, sem hlypti móði í alla,
er nokkurs voru megnugir á andlega svið-
inu, en þar var Marta Valgerður í fremstu
víglínu. — Gáfuð, mælsk og góð. Til við-
bótar því, sem að framan er nefnt, má geta
þess hér, að Marla varð fyrsti sfmstjóri
Keflavíkur, en auk þess fékkst hún ung
nokkuð við verzlunarstörf, svo sýnt er, að
Hjónin Marta Valgcrður Jónsdóttir
og Björn Þorgrímsson.
hún hefur ekki setið auðum höndum hér
í Keflavík, enda bæði fjölhæf og vinnufús.
Eftir að þau hjónin fluttust til Reykja-
víkur breyttust aðstæður og lífsviðhorf
nokkuð, og fór Marta þá fljótlega til við-
bótar við húsmóðurstörfin, að fást við eitt
aðaláhugamál sitt, ættfræðina, en fyrir
störf sin á þessu sviði er hún löngu þjóð-
kunn orðin, sem trúr og mikilvirkur sagn-
fræðingur. Hér verður þessi þáttur ævi-
starfs Mörtu ekki rakinn lengra að sinni,
cn þó get ég ckki skilizt svo við hann, að
ég ekki nefni og þakki hinar gagnmerku
greinar hennar hér í blaðinu undir fyrir-
sögninni: „Minningar frá Keflavík“. Með
þeim ritstörfum hefur Marta reist sér og
Faxa óbrotgjarnan baustastein, sem hvorki
mölur né ryð fær grandað.
Þau hjónin eignuðust ekki börn, en ólu
upp tvær syslur, bróðurdætur Björns, Jó-
hönnu og Onnu Sigríði, konu Olafs Páls-
sonar verkfræðings, en frú Anna er kjör-
dóttir þeirra hjónanna.
1 tilefni af 75 ára afmæli frú Mörtu var
boð inni á hinu stórglæsilega heimili þeirra
hjóna, Onnu og Olafs, en þangað fjöl-
menntu vinir og vandamenn til þess að
heiðra afmælisbarnið og þrýsta hönd þess-
ara heiðurshjóna, sem um lángt skeið hafa
haft „opið hús“ íyrir Keflvíkinga í Reykja-
vík og stutt þá með ráðum og dáð. Eg cr
einn þeirra mörgu, sem þar hefur borið
að garði og þegið þar ráð og fyrirgreiðslu.
Framan af var það einkum blaðið Faxi,
sem tengdi mig þessum ágæta sendiherra-
búslað okkar Keflvíkinga, en á síðari ár-
um liefi ég og við hjónin oft lagt þangað
leið okkar, og þá fyrst og fremst í þeini
tilgangi að eignast glaðværa stund yfir
góðum kaffisopa umvafin ástúðlegu við-
móti þessara clskulegu hjóna.
Fyrir þetta allt þökkum við af heilum
liug um leið og ég flyt afmælisbarninu,
frú Mörtu Valgerði, innilegar afmælis-
kveðjur frá blaðstjórn Faxa, sem þakkar
henni frábært og ómetanlegt fræðistarf
hennar í þágu blaðsins og biður henni
allrar blessunar.
H. Th. B.
Bókabúð Keflavíkur
DAGLEGA Í LEIÐINNI
2 — FAXI