Faxi - 01.02.1964, Qupperneq 1

ásS
Reykjanesviti og nógrenni
Myndin er af Reykjanesvita og nágrenni hans. — Fremst til vinstri er Valahnúkur, en þar var
byggður fyrsti vitinn á Reykjanesi og sést enn móta fyrir honum fremst á hnúknum. Fellið, sem
vitinn nú stendur á, heitir Vatnsfell (Bæjarfell), og er vitavarðarbústaðurinn sunnan undir fellinu,
eins og myndin sýnir. Til hægri sést móta fyrir hlíðum Skálafells og aust-suðaustur af því er Há-
^ygjarbunga, en til vinstri frá Skálafelli er Sýrfell á svokölluðu hverasvæði. Einn leirhver er þar,
sem nefnist Gunnuhver, og telur Þorvaldur Thoroddsen hann ljótastan allra íslenzkra hvera, sem
hann hafi augum litið. Á miðri myndinni má vel greina veginn til Grindavíkur. — Núverandi vita-
vörður er Sigurjón Olafsson. (Myndin er frá ljósmynda- og málverkabúðinni Ásbrú, Reykjavík).