Faxi - 01.05.1964, Blaðsíða 9
Barnastúkan Nýársstjarnan 60 ára
Barnastúkan Nýársstjarnan nr. 34 í
Keflavík minntist 60 ára afmælis síns
tnanudaginn 20. apríl meS veglegu sam-
kvæmi í Ungmcnnafélagshúsinu í Kefla-
vik. Sakir fjölmennis varð að tvískipta
þessum afmælisfagnaði, en stúkan telur nú
mnan sinna vébanda um 600 ungmenni.
Var fyrri skemmtunin kl. 4 um daginn
fyrir yngri börnin, eins og tíðkast á al-
tnennum fundum stúkunnar, en seinni
skemmtunin, fyrir eldri börnin og gesti,
var kl. 8,30 um kvöldið.
I afmælishófinu rakti Guðlaug I. Guð-
jonsdóttir kennari sögu stúkunnar í stór-
um dráttum, en þær Framnessystur, Guð-
laug og Jónína, hafa verið gæzlumenn frá
1919 og áttu því 45 ára starfsafmæli nú um
s. 1. áramót, Þegar systurnar tóku við stúk-
Unni hafði starfsemi hennar legið niðri um
hríð, en á þessum 45 árum hefir hún starf-
að óslitið og við sívaxandi vinsældir, sem
vafalaust má þakka farsælli stjórn þessara
agætu systra, sem varið hafa tíma sínum
og kröftum í þágu þessa góða málefnis, til
heilla fy rir hinn sístækkandi barnahóp
Keflavíkur, sem segja má að streymi inn
i stúkuna þeirra, þiggur þar sína fyrstu
fræðslu um bindindi, sækir þangað leið-
beiningar, livatningu og hollráð, sem mun
reynast þeim þroskavænlegt vegarnesti út
i lifið. Og allt hefir þetta verið gert án
endurgjalds, utan þess að finna sig vera
að hjálpa hinum unga mannlífsgróðri til
þroska og hamingju.
Stú'kan Nýársstjarnan var stofnuð á ný-
ársdag 1904 af Jóni Arnasyni stórgæzlu-
manni, með 14 meðlimum. Fyrstu gæzlu-
menn stúkunnar voru: Einar Einarsson,
járnsmiður, og Jón Jónsson, trésmiður. —
Einar var gæzlumaður hennar um 6 ára
skeið, en þá tók við Sólmundur Einarsson,
kennari, næstu 2 árin, þar til við því starfi
tóku þær Jóna Sigurjónsdóttir, kennari, og
Ingibjörg Jónsdóttir, sem lengi bjó hér á
Melgötu 6 í Keflavík. Eins og að framan
er frá sagt, féll starfsemi stúkunnar niður
um nokkurt árabil, en var hafin til starfs
á ný á Skírdag 1919, fyrir tilhlutun st.
Keflavík, sem þá var hér starfandi og varð
„verndarstúka" Nýársstjörnunnar meðan
hennar naut við, en eftir að st. Keflavík
Iagðist niður, hefir Nýársstjarnan starfað
sjálfstætt.
En eins og fyrr er frá sa^t, hafa gæzlu-
menn stúkunnar verið óslitið frá þvi hún
var endurvakin 1919, þær Framnessystur,
Guðlaug og Jónína Guðjónsdætur.
1 þessu fjölmenna afmælishófi Nýárs-
stjörnunnar, sem mun vera fjölmennasta
barnastúka landsins, var að vonum margt
til fróðlciks og skemmtunar, og þar var
einnig margt góðra gesta, bæði heima-
manna og aðkominna.
Næstur á eftir gæzlumanni stúkunnar,
Guðlaugu 1. Guðjónsdóttur, tók til máls
stórgæzlumaður unglingastarfs, Sigurður
Gunnarsson, kennari, er ræddi við börnin
Dóttir skýjakonungsins
Sitjandi frá vinstri:
Einar Stefánsson,
Arnheiður Guðnad.,
Magnús Kjartansson,
Sigurbjörg Alfreðsd.,
Eiríkur Hermannsson,
og Þorsteinn Olafsson.
Standandi frá vinstri:
María Haraldsdóttir,
Guðbjörg Jónsdóttir,
Guðrún Lúðvíksdóttir,
Sigurður Ragnarsson,
Erna Björnsdóttir og
Gerður Olafsdóttir.
um reglulífið og þýðingu þess fyrir land
og lýð og flutti stúkunni árnaðaróskir Stór-
stúku íslands og þakkir fyrir heilladrjúgt
starf á liðnum 60 árum. Einnig tóku til
máls við þetta tækifæri og fluttu stúkunni
heillaóskir, þeir Guðni Magnússon, um-
boðsmaður st. Víkur í Keflavík, sóknar-
presturinn sr. Björn Jónsson, og Sveinn
Jónsson bæjarstjóri Keflavíkur, er færði
stúkunni peningagjöf frá bæjarstjórninni.
Þá var sýnt leikritið „Dóttir skýjakon-
ungsins" eftir Ragnheiði Jónsdóttur, við al-
menna hrifningu, að lokum var svo dans
stiginn af miklu fjöri, en „Hljómar" léku
fyrir dansi af sínum alkunna dugnaði.
Að leiksýningunni lokinni fengu börnin
góðgerðir, en þá hóf hljómsveitin að leika
fyrir dansinum og ungmennin þustu út á
dansgólfið, þar sem þau tvistuðu af öllum
lífs og sálarkröftum á meðan gestirnir
þágu höfðinglegar góðgerðir og nutu þeirra
meðan danslagið dunaði og svall.
Að lokum færi ég Framnessystrum og
Nýársstjörnunni innilegar hamingjuóskir
í tilefni af báðum þessum merkisafmælum.
Megi Kefavík og keflvísk æska enn um
langt skeið fá notið góðra hæfileika þeirra
og mikilla mannkosta. H. Th. B.
Enibættismcnn í eldri stúkunni.
Embættismenn í yngri stúkunni.
FAXI — 77