Faxi - 01.10.1964, Blaðsíða 5
Langþráðu takmarki náð
Spjall við formann ÍBK, Hafstein Guðmundsson
í sambandi við hinn frækilega sigur
Keflvíkinga í nýafstöðnu Islandsmóti í
knattspyrnu, hitti ég að máli Hafstein
Cuðmundsson, formann ÍHK. og rabbaði
við hann um knattspyrnuna og mótið. En
það munu flestir vita, sem nokkuð hafa
fylgst með þróun þessara mála suður hér,
að þar er Hafsteinn hnútunum kunnug-
astur, hefir unnið manna mest að þvi að
byggja upp knattspyrnuna hér í Keflavík.
— Til hamingju með sigurinn, Haf-
steinn. Þú hlýtur að vera hreikinn af
frammistöðu piltanna?
— Jú, vissulaga er ég ánægður. Það er
óneitanlegá mjög skemmtilegt að Keflvík-
ingar skuli vera orðnir Islandsmeistarar
í knattspyrnu, enda hefir markvisst verið
að því stefnt á undanförnum árum.
— Hvað hefir þú annars um mótið að
segja?
— Það byrjaði mjög vel fyrir okkur og
við unnum 3 fyrstu leikina. Síðar urðum
við fyrir því óhappi, að hinn ágæti mið-
framherji okkar, Jón Jóhannsson meiddist
og var af þeim sökum frá keppni á annan
mánuð. Þetta dróg liðið nokkuð niður og
áttum við þá 2 jafnteflisleiki við lökustu
liðin, Þrótt og Fram. Síðari hluta mótsins
náði liðið sér aftur vel á strik og vann 3
leiki á móti sterkari liðum og gerði jafn-
tefli við KR í lokaleiknum, sem nægði
IBK til vinnings í mótinu.
— I hvaða leik álítur þú að Keflavík
hafi sýnl bezta frammistöðu?
— Að allra áliti sýndi liðið bezta knatt-
spyrnu sem ísl. lið liefir sýnt lengi, í fyrri
hálfleik á móti KR í Reykjavík.
— En hvaða leikur var lélegastur?
— Leikurinn við Þrótt í Njarðvík. Þá
vorum við í sókn allan leikinn, áttum
mörg góð tækifæri, en skoruðum aldrei,
°g endaði sá leikur 0:0.
— Hvernig hafa æfingar verið stund-
aðar?
■—• Æfingar hafa verið mjög vel sóttar.
Hinn kunni knattspyrnuþjálfari, C3li B.
Jónsson, var fenginn hingað fyrsta apríl í
vor og hefir hann þjálfað liðið í sumar við
ágætan orðstý.
— Hvernig eru skilyrði til æfinganna?
— Þau eru ekki nógu góð. Að vísu höf-
um við nú fengið ágætan malarvöll, en
við erum eina liðið í fyrstu deild, sem ekki
getur boðið upp á grasvöll sem heimavöll.
— Er alveg knýjandi nauðsyn að fá úr
þessu bætt hið bráðasta. Það sem raunveru-
lega hefir bjargað okkur, bæði í sambandi
við æfingar og keppnir, er að við höfum
fengið af æfa og keppa á grasvellinum í
Njarðvík. Erum við Njarðvíkingum mjög
þakklátir fyrir skilning þeirra í þessu máli
og ómetanlega aðstoð.
— Hvað er að frétta af knattspyrnu
yngri flokkanna?
— Allir yngri flokkar bandalagsins, eða
2., 3., 4. og 5. flokkur, tóku nú eins og
áður þátt í Islandsmótinu. Stóðu þeir sig
allir sæmilega, einkum þó 4. og 5. flokkur.
En í þeim flokkum er mikið af efnilegum
knattspyrnumönnum, sem ég hefi trú á
að muni geta orðið mjög snjallir, ef þeir
fá góða tilsögn og æfa af kappi. Ættu þeir
þá seinna meir að geta gert garðinn frægan
á sama hátt og nýbakaðir Islandsmeistarar.
— Já, vel á minnst. Er þú segir þetta,
Hafsteinn, koma mér í hug svipuð um-
mæli þín frá því fyrir mörgurn árum, er
við ræddum um knattspyrnuna hér, sem
þá var ekki upp á marga fiska. Eg man
að þú bentir mér þá á yngri flokkana,
taldir þá líklega til mikils frama og jafnvel
spáðir því, að þeir mundu líklegir til að
koma heim með Islandsbikarinn á tíu ára
afmæli Í.B.K. Þessi spádómur þinn fannst
mér þá lýsa fullmikilli bjartsýni, en nú
hafa staðreyndirnar sannfært mig.
— Já, vissulega var ég bjartsýnn í þá
daga, því að sýnilegt var, að þar voru á
ferðinni mjög efnilegir og athyglisverðir
leikmenn. Við settum okkur þá strax það
takmark, að verða Islandsmeistarar á 10
ára afmæli IBK. Þetta takmark okkar hefir
fyllilega náðst, þar sem bandalagið er enn
aðeins tæplega 9 ára.
— Þetta var vel af sér vikið. En hvert
er svo takmarkið nú?
— Vandi fylgir vegsemd hverri. Nú,
þegar við erum ornir Islandsmeistarar,
verða miklar kröfur gerðar til okkar og
munum við leggja áherzlu á að standa
okkur vel og auka enn á hróður Keflavík-
ur og keflvískrar æsku. Lið okkar er ungt
að árum og á því framtíðina fyrir sér. Með
þrotlausum æfingum og virðingu fyrir
íþróttinni og sjálfum sér ættu piltarnir að
geta náð enn lengra og verið eitt af leið-
andi knattspyrnuliðum landsins næstu
árin, — eða þangað til hinir ungu leik-
menn, sem nú eru að vaxa upp í yngri
flokkunum og ég nefndi áðan, geta tekið
við jafnóðum og hinir eldri draga sig í hlé.
— Já, ég er þér sammála, Hafsteinn.
Víst væri gaman, ef Keflavík yrði eins og
Akranes var um skeið, frægt og rómað
knattspyrnuveldi.
— Að því verður stefnt, og höfum við
nú ráðið Ola B. Jónsson til þess að þjálfa
liðið í vetur og næsta sumar, og mun hann
búa það undir væntanleg stór átök í sumri
komanda. Höfum við fullan hug á því að
lýsa malarvöllinn betur upp, svo hægt
verði að stunda þar æfingar í vetur af full-
um krafti.
H. Th. B.
Bikarkeppni KSÍ.
ÍBK lék 4. október við KFt b í Bikarkeppni
KSI. Liðinu tókst illa upp, enda forföll og
veikindi í liðinu, og töpuðu Keflvíkingar með
0:2.
Hafsteinn Guðmunds-
son, formaður IBK,
þakkar gjafir, sem
bandalaginu bárust
í sigurhófinu.
FAXI — 129