Faxi - 01.12.1964, Blaðsíða 53
Færeyjaför Bridgefélagsins
Síðastliðið sumar fóru 8 bridgespilarar
úr Bridgefélagi Keflavikur í keppnisför
til Færeyja. Ferðin tókst í alla staði mjög
vel og verður ógleymanleg þeim, sem þátt
tóku í henni. Það gerir sér áreiðanlega
engin grein fyrir því, hve miklir höfð-
ingjar Færeyingar eru heim að sækja, sem
ekki hafa notið gestrisni þeirra. Þetta er
í annað skipti, sem Keflvíkingar keppa í
Færeyjum, en Færeyingar hafa komið
hingað til Keflavíkur jafn oft og keppt
við okkur. I fyrstu þrjti skiptin sigruðu
Færeyingar bæjarkeppnina, en að þessu
sinni tókst okkur að sigra með nokkrum
yfirburðum. Til samanburðar er rétt að
geta þess að í Torshavn búa ca. 10 þús.
íbúar. Ahugi fyrir bridge er mjög mikill
og munu félagar í Bridgefélagi Thors-
havnar vera að minnsta kosti 4—5 sinn-
um fleiri en liér hjá okkur í Keflavík. Til
skamms tíma, eða þar til nú í vetur, hafa
aðeins verið virkar 4—5 sveitir innan fé-
lagsins hér.
Við félagar lögðum af stað með Drottn-
ingunni á föstudegi 21. ágúst frá Reykja-
vfk. Sjóferðin gekk að óskum, þrátt fyrir
slæmt sjóveður og ég held að allir í hópn-
um hafi sloppið við sjóveiki. Mestan hluta
leiðarinnar var setið við spilaborðið, þ. e.
a- s. þegar menn voru ekki uppteknir við
að borða eða sofa. Til Thorshavnar kom-
um við um hádegisbilið á sunnudeginum
og var vel fagnað af félögum okkar í
Thorshavn. Eftir að okkur hafði verið
vísað til gistiherbergja að Flotel Hafnia,
en þar dvöldum við í boði Bridgefélags
Thorshavnar, var ekið með okkur til
Kirkjubæjar. Þar sýndi Paul Paturson
okkur staðinn og sagði frá ýmsum fróð-
leik í því sambandi. Með okkur í þessari
ferð voru nokkrir bridgefélagar frá Thors-
havn. Höfðu þeir meðferðis smávegis
hressingu og var skálað í Kirkjubæ á
Færeyska vísu. Því var skotið að okkur
Keflvíkingum, að þau væru ótalin staup-
in, sem tæmd höfðu verið á þessum stað
undir svipuðum kringumstæðum. Þessi
heimsókn í Kirkjubæ var sérstaklega fróð-
leg og skemmtileg. Sé ég enn þá fyrir
mér Paul Patturson, tignarlegan í Fær-
eyskum þjóðbúningi.
A mánudeginum kl. 2 hófst svo bæjar-
keppnin í Klúbbhúsinu, en það er um
það bil 200 ára garnalt hús. 1 þessu húsi
hafa aðsetur ýmis félög, þ. á m. bridge-
félagið. Fyrir Thorshavn byrjaði keppn-
ina sveit Aage Dahl, en fyrir Keflavík
sveit Gunnars Sigurjónssonar. Spilað var
í fjórum áföngum, 16 spil í hverjum.
Eftir fyrsta áfanga komu þeir inn í keppn-
Færeyjafarar Bridgefélags Keflavíkur ásamt formanni félagsins. Sitjandi frá vinstri: Gestur
Auðunsson, formaður félagsins, Sigurður Finnbogason, Sæmundur Einarsson fararstjóri og
Sigurhans Sigurhansson. Standandi: Högni Oddsson, Gunnar Sigurjónsson, fyrirliði kepp-
enda, Skúli Thorarenssen, Guðmundur Ingólfsson og Njáll Skarphéðinsson.
ina Sigurhans Sigurhansson og Njáll
Skarphéðinsson og spiluðu tvo áfanga.
Sveit Aage Dahl spilaði aftur á móti
óbreytt þar til í síðasta áfanga, að breytt
var um annað parið. Endanleg úrslit urðu,
að Keflavík sigraði, hlaut 99 stig, en
Thorshavn 52 stig.
A þriðjudaginn fór svo fram tvímenn-
ingskeppni í tveim riðlum, 16 pör í hvor-
um. I öðrum riðlinum sigruðu Högni
Oddsson og Gunnar Sigurjónsson, en í
hinum Skúli Thorarensen og Guðmund-
ur Ingólfsson. A miðvikudeginum var svo
enn keppt í sveitakeppni og fór svo að
við sigruðum einnig í það skipti.
A fimmtudagskvöldið var svo haldið
hóf fyrir okkur, þar sem afhent voru verð-
laun. Færeyingar höfðu gefið nýjan bikar
til keppninnar, en þann eldri höfðu þeir
unnið til eignar. Akveðið var að Færey-
ingar kæmu til Keflavíkur að tveim árum
liðnum.
Eftir að hafa verið tepptir einn sólar-
hring í Miðvogi, flugum við heim með
flugvél frá Flugfélagi Islands og komum
heirn laugardaginn 29. ágúst.
Einn úr hópnum.
<^<><><><^<><><><><X><><><><><><><><<><><><><><X><><><><>
5TEINHÚDUN H.F.
Jafnt íyrir híbýli sem
vinnustaði: ULBRIKA
húðun d GÓLF og
STIGA, ón samskeyta.
mikið slitþol. einlitt og
og litmynztrað. ULBRIKA
ó LOFT og VEGGI.
Vamar sprungum, spara
má fínpússningu,
fjölbreytt áferð og
litaval.
Sími 2 38 82
F A X I — 205