Faxi - 01.05.1975, Blaðsíða 2
SÍRA BJÖRN Á FÖRUM
Otal heillaóskir
íylgja síra Birni
og Sjöfo konn hans
Séra Björn Jónsson og fjölskylda
hans mun flytja til Akraness um næstu
mánaðamót. Með glæsibrag sigraði hann
í prestkosningum, er þar fóru fram í
vetur.
Við, sem höfum haft mikil og góð
kynni af honum og starfi hans hér,
fögnuðum kosninganiðurstöðum inni-
legsa með þeim hjónum. Úrslitin voru
staðfesting á þeirri vissu okkar að séra
Björn er úrvals prestur og ágætis mað-
ur, sem á auðvelt með að nálgast fólk
á öllum aldri, á auðvelt með að skilja
hinar ólíkustu skapgerðir manna og er
hlaðinn vilja til að verða öllum að liði.
Þá hefur séra Björn enn einn þann eig-
inleika, sem íslendingar hafa kunnað
vel að meta fram til þessa, en það er
óvenjumikil starfsorka. Flestum okkar
er til þekkjum er það ráðgáta hvernig
hann kemst yfir að leysa alla þá vinnu
af höndum er hann framkvæmir.
Ekki ætla ég að tíunda mikið nánar
um störf séra Björns hér, en get þó ekki
látið hjá líða að þakka honum sérstak-
lega fyrir hönd unga fólksins, — varð-
andi Keflvíkinga og Njarðvíkinga, á
hverjum tíma — öll þau ár sem hann
hefur þjónað hér. Það hefur jafnvel
ekki þurft foreldra til að sjá, hversu
mjög hann hefur lagt sig fram um að
opna börnum og unglingum sýn til réttr-
ar áttar og varða þeim veginn til mann-
dóms og farsældar. Akurnesingar hafa
vafalítið haft nokkur kynni af prestin-
um okkar og hans miklu viðleitni til
mannbætandi og hvetjandi áhrifa á æsk-
una — já, þeir vissu hvað þeir voru að
gera er þeir gáfu séra Birni atkvæði
sitt.
Öll félög, ungra sem aldina, er starfa
á kristilegum bræðralagsgrundvelli með
almenningsheill í huga og að markmiði,
eiga vissan stuðning og atorku séra
Björns.
Kornungur, nýkominn frá lokapróf; í
prestaskólanum, kom hann hingað og
sótti um Keflavíkurprestakall ásamt
þremur öðrum ágætis prestum. Hann
kom með myndarlegan kosningasigur
frá þeirri drengilegu keppni, aðeins 2i
ára gamall. í 23 ár hefur hann þjónað
prestakallinu og helst hefðum við kos-
ið að hann hefði verið áfram leiðtogi
safnaðarins í næstu 23 ár, en þá hefði
hann náð þeim aldri, sem gert er ráð
fyrir að ríkisstarfsmenn hætti störfum
þ.e.a.s. orðið 70 ára.
Ástæða fyrir ákvörðun hans um
stöðuskipti er mér ekki kunn — nema
ef vera kynni ofþjökun í vinnu, sem
hann hafi átt erfit með að sneiða frá
sér, Það skiptir heldur ekki máli —
hinsvegar ánægjulegt að óskir hans
náðu fram að ganga.
Ótal heillaóskir fylgja séra Birni,
Sjöfn konu hans og börnum þeirra til
Akraness. Þar tekur hann við prests-
skap af tengdaföður sinum séra Jóni M.
Guðjónssyni, sem hefur áunnið sér ást-
sæld og virðingu Skagamanna og reynd-
ar víðar, — orðið landskunnur fyrir
störf sín í þágu slysavarna og grunn-
lagningu og uppbyggingu stórmerks
byggðasafns að Görðum. Það er von
mín og trú, að það megi verða þeim
báðum til blessunar, bæði fráfarandi og
viðtakandi presti, að svona skyldi til
takast um prestsval þeirra Akurnesinga.
Að lokum vil ég fyrir hönd blaðsins
FAXA þakka honum fyrir allar jóla-
hugvekjurnar og annað það efni, sem
hann hefur lagt blaðinu til á umliðnum
árum, og við væntum þess að fá frá
honum efni til birtingar í blaðinu öðru
hverju.
Jón Tómasson.
Nýr
prestur
Keflvíkinga
Sunnudaginn 9. mars s.l. var Ólafur
Oddur Jónsson, cand. theol. kosinn prest-
ur í Keflavíkurprestakalli. Kosningin
var lögmæt. Atkvæði greiddu 1699, 9
seðlar voru auðir og 2 ógildir. Á kjör-
skrá voru 3311.
Ólafur Oddur var vígður af biskupi
íslands, Sigurbirni Einarssyni, á skír-
dag, 27. mars s.l. Fór vígslan rafm í
Séra Ólafur Oddur Jónsson, kona hans Edda Björk Bogadóttir og sonur þeirra Birgir örn. Dómkirkjunni í Reykjavík.
50 — F A X I