Faxi - 01.02.1983, Blaðsíða 7
1
í Reykjavík vinna 5 stúlkur og 5
hér í Keflavík - með mér bætist
Guðrún við (en hún er verslunar-
stjórinn, kannske framkvæmda-
stjórinn, getur manni heyrst á
Magna, sem er þá forstjórinn).
Og á saumastofunni, sem við
byrjuðum með 1981, vinna nú 7
konur, allt húsmæður flestar í
hálfu starfi, nema hvað þær verða
að vera í fullu starfi í desember
við jólaundirbúning viðskiptavin-
anna.
Sauma þær einnig gardínur fyrir
búdina í Reykjavík?
Já. Viðskiptavinurinn velur sér
efni og síðan er saumað hér. Þess
má geta að um 70% af umsetningu
okkar er í Reykjavík. Það er því
nokkur og skemmtileg tilbreyting í
atvinnulífi okkar hér, að fram-
leiða fyrir höfuðborgarmarkað-
inn. Við gerum okkur vonir um að
það sér örugg framtíð í þessu og
leggjum okkur fram við glugga-
tjaldaframleiðsluna. í því skyni
þurfum við að bæta aðstöðuna
hér. Við erum að láta teikna við-
bót við verlunarhús okkar á Tjarn-
argötu 17. Teikningin var raunar
samþykkt daginn fyrir gamlárs-
dag. Það verður byggt hér alveg
fram að götu, tvær hæðir 80 fer-
metrar í grunnflöt, þannig að
verslunarrýmið stækkar um 80 m2
og saumastofan um 80 m2. Grunn-
urinn er þegar kominn og við
stefnum að því að geta tekið
stækkunina í notkun á næsta ári.
Þetta hefur allt gengið eins og í
sögu hjá ykkur?
Það hefur gengið, en það hefur
verið erfitt. Svona uppbygging
tekur kannske aldrei enda - má
sjálfsagt ekki gera það. Það verður
alltaf að fylgjast með kröfum tím-
ans og helst af öllu að skapa kröf-
urnar - hafa frumkvæði til endur-
bóta og úrbóta fyrir viðskiptavin-
ina. Ef árangur á að nást þarf stöð-
uga umhyggju og mikið álag. Það
þarf alltaf eitthvað að vera að ger-
ast til að halda áhuga kúnnans vak-
andi - nýjar vörur, nýjar hug-
myndir, ný vinnubrögð.
Með hvaða hœtti rná það takast?
Til þess að fylgjast vel með því
helsta og nýjasta sem er að gerast í
þessari grein förum við á helstu
vörusýningar í Evrópu og gerum
okkar innkaup á þeim og erum því
avallt með það besta sem er á
markaðnum hverju sinni. Við tök-
um að okkur alla þjónustu sem
fylgir gluggatjöldum og gradínu-
brautum, erum með ráðgjöf, mæl-
mgar í heimahúsum ef með þarf,
saumum og setjum upp fyrir glugg-
ana ef fólk þarf aðstoð til þess.
Stundum sjáum við um alla þessa
hluti fyrir heil hús. T.d. vorum við
uýverið að mæla út fyrir gardínu-
brautum í stórt hús, ráðleggja um
Hilmar Ivarsson smídar Zetubrautir og sér um smíðaverksUedið.
val á gluggatjöldum og öllu fyrir-
komulagi í því sambandi. Þetta var
þriggja tíma vinna sem við gerum
okkur vonir um að húsráðendur
verði ánægðir með og fái að njóta í
marga mánuði. Stundum eru hug-
myndir fólksins fast mótaðar og
ekki annað að gera en að fullnægja
óskum þess, í öðrum tilvikum
eins og t.d. hjá ekkjumanni, sem
ég var hjá nýlega, verður maður að
vera leiðandi, sýna fram á þarfim-
ar og möguleika sem fyrir eru, þar
eð hann hafði aldrei komið nærri
slíku meðan kona hans var á lífi.
Finnst ykkur vera munur á við-
skiptavinum ykkar í Reykjavík og
hér í Keflavík?
Já. Það er mikill munur á því
hvað Suðurnesjakonur eru kröfu-
harðari og skilningsbetri á gildi
þess að glugginn líti vel út. Þær
leita vel og fara mikið til Reykja-
víkur, halda kannske að þar sé
betri vara og kaupa svo oft í Álna-
bæ í Reykjavík. En það er ánægju-
leg þróun að konur úr Grindavík,
Garði og Sandgerði koma nú mjög
mikið meira hingað en þær gerðu
áður.
Hvað veldur því?
Sennilega eru ýmsar ástæður
fyrir því. Betri samgöngur einkum
við Grindavík síðan að Steindór
Sigurðsson hóf áætlunarferðir
þangað, og svo erum við ekki í
vafa um að aukin og stórbætt þjón-
usta okkar á þar verulegan þátt í.
Hvað vinnur margt fólk hjá ykk-
ur alls?
í desember vorum við með 19
manns á launaskrá en aðeins færri í
janúar, en það er í flestum verslun-
um rólegasti mánuður ársins.
Og að lokum - hverju getur
svona ungt fyrirtœki þakkað þá
velgengni sem raun er á hjá Álna-
bæ?
Því er fyrst til að svara að við
erum svo heppin að vera með af-
burða gott starfsfólk, sumt hefur
verið hjá okkur frá byrjun. Það er
mikilvægt fyrir ungt fyrirtæki að
hafa á að skipa traustu og þjálfuðu
fólki. Sjálf höfum við verið vinnu-
söm og bjartsýn og svo lánsöm að
takast á við rétt verkefni á réttum
tíma. J.T.
ORÐSENDING
Frá Rafveitu Keflavíkur
Ef bilanir verða á rafveitukerfinu utan vinnutíma
eru upplýsingar um vaktþjónustu veittar
í síma 2039 (símsvari).
URVAL-
GÆÐI-
ÞJÓNUSTA
ÚRVAL AF GLUGGATJALDAEFNUM í ÁLNABÆ
ÚRVAL AF STÓRESEFNUM í ÁLNABÆ
ÚRVAL AF ELDHÚSGLUGGATJÖLDUM [ ÁLNABÆ
ÚRVAL AF BLÓMASTÓRESUM í ÁLNABÆ
Síðumúla 22 - Sími 31870
Keflavík - Sími 92-2061
Við tökum að okkur saum á gluggatjöldum og gardínuköppum.
Við mælum og setjum upp ef óskað er.
Við bjóðum greiðsluskilmála.
Við sendum í póstkröfu um land allt.
i Verið velkomin eða hringið, því við höfum alltaf eitthvað við yðar hæfi.
FAXI-35