Faxi - 01.02.1983, Blaðsíða 12
Karl Hermannsson:
Öryggisbeltin bjarga
SPENNIÐ BELTIN
Síðastliðinn janúarmánuð urðu 82 umferðarslys í Keflavík,
Njarðvík og Gullbringusýslu. í þessum slysum slösuðust 6
manneskjur, þrír ökumenn, tveir farþegar og einn gangandi
vegfarandi. í mjög hörðum árekstri sem varð á Reykjanesbraut
þakkar annar ökumaðurinn bflbeltunum fyrir að hann stórslas-
aðist ekki, en hann slapp ómeiddur. Einu áverkamir sem hann
hlaut var mar eftir öryggisbeltin, en bifreið hans gjöreyðilagð-
Bílvelta á Reykjanesi.
Okumaður þessarar bifreiðar slasaðist mjög illa, en hann var ekki í öryggisbelti
og kastaðist því út úr bílnum. Ökumaðurinn telurengan vafaá þvíað hann hefði
sloppið betur ef hann hefði verið í öryggisbelti, og haldist inni í bílnum.
Dœmigerð mynd um hvaðgerist þegar ökumaður lendir íárekstri og er ekki með
öryggisbeltin spennt. Ókumaður þessarar bifreiðar slasaðist að vísu ekki mjög
mikið, en hann kastuðist fram í rúðu og á stýrið. Hlaut hann áverka á höfði og
brjósti. Ókumaður telur að hann hefði að öllum líkindum sloppið ómeiddur ef
hann hefði spennt á sig beltin. Það er álit lögreglunnar að á því leiki enginn vafi.
ist. Menn geta reynt að gera sér í hugarlund hvílíkt gífurlegt
högg hefur verið um að ræða og hvað hefði gerst ef ökumaður-
inn hefði verið laus í sæti sínu.
Pví miður er alltof sjaldgæft að öryggisbeltin séu notuð og í
þessum 82 umferðarslysum í janúar notuðu aðeins 10% aðila
öryggisbeltin. í þéttbýli notuðu aðeins 6,5% beltin, en 25% í
dreifbýli. Það er alger misskilningur ef fólk heldur að það sé
síður þörf á að nota beltin í þéttbýli. Talandi dæmi um það kom
upp í einu umferðarslysi innanbæjar í Keflavík nú í janúar. Pá
slasaðist farþegi í bifreið talsvert mikið þegar hann kastaðist úr
sæti sínu fram í mælaborð bifreiðarinnar. Fullvíst er að ef hann
hefði verði spenntu í öryggisbelti þá hefði hann sloppið ómeidd-
ur. Dæmi sem þessi eru alltaf að koma upp og mikið atriði að
fólk geri sér grein fyrir því öryggi sem öryggisbeltin veita.
Tvo síðastliðna mánuði þ.e.a.s. í desember og janúar s.l.
hefur slysatíðni verið svo mikil í Keflavík, Njarðvík og Gull-
bringusýslu að það á sér enga hliðstæðu. Þessa mánuði urðu
umferðarslysin 155 talsins, en sömumánuði í fyrra voru þeir 93.
Petta er gífurleg aukning eða um 67%. Nú segja eflaust sumir
að á þessu sé eðlileg skýring, tíðarfarið hafi verið svo slæmt að
undanförnu. Það er rétt, tíðarfarið hefur verið slæmt, en er það
nægjanleg skýring? Þurfum við ekki að mæta versnandi akst-
ursskilyrðum með aukinni aðgæslu? Þurfum við ekki að búa
bifreiðar okkar betur út þegar færðin versnar? Þarf ekki að
leggja meiri vinnu í að hreinsa göturnar og sandbera hættuleg-
ustu gatnamótin?
Það er staðreynd að meginþorra allra umferðarslysa má rekja
til óaðgæslu ökumanna, ekki til náttúruaflanna. 1/4 hluta þess-
ara umferðarslysa í desember og janúar má rekja til þess að
menn hafa ekið ógætilega afturábak. Er það tíðarfarinu að
kenna? 1/10 hluta þessara umferðarslysa má rekja til þess að
menn virða ekki aðalbrautarréttinn. Er það tíðarfarinu að
kenna? 1/10 hluta má rekja til þess að menn aka of nálægt
ökutæki sem á undan ekur. Er það tíðarfarinu að kenna? Nei,
það er ekki hægt að kenna tíðarfarinueingöngu um, þó það spili
að sjálfsögðu inn í.
Spennið beltin — og
öryggið margfaldast
40 - FAXI