Faxi - 01.05.1983, Blaðsíða 17

MINNING
Porkell Guðmundsson
KAUPMAÐUR
FÆDDUR 5. JANÚAR 1927
DÁINN 17. APRÍL 1983
Þriðjudaginn 26. apríl fór fram
kveðjuathöfn í Keflarvíkur-
kirkju um Þorkel Guðmundsson
kaupmann Hringbraut 94 Kefla-
vík, og var hann jarðsunginn að
Fáskrúðarbakka í Miklaholts-
hreppi miðvikudaginn 27. s.m.
Hann andaðist á Landsspítal-
anum sunnudaginn 17. apríl eftir
stutta legu.
Hann var fæddur á Nýjabæ,
Brimilsvöllum Fróðárhreppi
Snæfellsnesi 5. janúar 1927 og er
fjórði í röðinni af 10 systkinum.
Faðir hans var Guðmundur G.
Ólafsson sjómaður, fæddur í
Ólafsvík 13. júlí 1899, sonur
Ólafs Árna Bjarnasonar for-
manns í Ólafsvík fæddur 1860,
sonur Bjarna Ólafssonar frá Ytri
Bug fæddur 1823 og konu hans
Ingibjargar Guðmundsdóttur
fædd á Hellnum í Breiðavíkur-
hreppi 1826. Kona Ólafs Áma
Bjarnasonar var Katrín Hjálm-
arsdóttir, fædd að Tanga við
Stykkishólm 19. ágúst 1868,
dóttir Hjálmars Þórðarsonar
bónda, fæddur í Fellstrandar-
hreppi 1830 og konu hans Hólm-
fríðar Jóndóttur fædd í Klofn-
ingshreppi í Sölum 1831.
Móðir Þorkels var Sumarrós
Einarsdóttir fædd á Seyðisfirði
23. apríl 1902, en kom með for-
eldrum sínum að Vatnagarði í
Garði á fyrsta aldursári, en þau
voru Einar Sæmundsson fæddur
að Vatnagarði 4. maí 1874, sonur
Sæmundar Einarssonar fæddur
1839 og konu hans Þórunnar
Valgerðar Guðmundsdóttur
fædd 1840, og Ingveldur Steins-
dóttir fædd 1874.
Þorkell ólst upp með foreldr-
um sínum og systkinum í Ólafs-
vík til 18 ára aldurs 1945, en þá
flutti f jölskyldan búferlum suður
með sjó og bjó að Hólabrekku í
Garði og var Þorkell þar til heim-
ilis uns hann giftist.
Þorkell var tvígiftur. Fyrri
kona sinni Huldu Teitsdóttur frá
Litla Hólmi í Leiru giftist hann
1948. Þau eignuðust 1 barn,
Svanhvíti er lést á fyrsta ári. Þau
slitu samvistum.
Árið 1953 hóf Þorkell búskap
með unnustu sinni Hansínu Þóru
Gísladóttur frá Kleifarvöllum í
Miklaholtshreppi sem nú lifir
mann sinn, dóttir hjónanna Gísla
Guðmundssonar bónda þar og
konu hans Sigurborgar Þorgils-
dóttur. Og hinn 18. maí 1958
gengu þau í hjónaband og sama
dag fluttu þau til Keflavíkur í
húseignina Hringbraut 94 sem
þau höfðu fest kaup á, og þar
höfðu þau búið æ síðan.
Þeim Þorkeli og Hansínu varð
níu barna auðið, en þau eru:
a. Sigurborg fædd 27. desember
1952, gift Gunnari Arnórssyni
stýrimanni. Þau eru búsett á ísa-
firði.
b. Svanur Gísli fæddur 12. febrú-
ar 1954, giftur Cythíu Ann
Farrel, búsett í Kanada.
c. Guðmundur Þorgils fæddur
28. september 1955 býr með
unnustu sinni Ingibjörgu
Guðmundsdóttur úr Reykja-
vík.
d. Þórunn Ingibjörgfædd 13. maí
1960.
e. Páll Þór fæddur 3. janúar
1962.
f. Sæmundur fæddur 22. febrúar
1963.
g. Þuríður Árdís fædd 3. febrúar
1965.
h. Þorkell Hans fæddur 12. janú-
ar 1968.
i. Ólína Fjóla fædd 31. janúar
1969.
Þorkell hóf snemma störf við
sjóinn, ýmist á sjó eða sem land-
maður við landróðrabáta, fyrst í
Ólafsvík, og síðan hér syðra, og
síðar við verkstjóm í frystihús-
um, uns hann árið 1965 hóf sjálf-
stæðan verslunarrekstur, fyrst
með fiskbúð að Hringbraut 94 og
síðan einnig matvömverslunina
Friðjónskjör í Njarðvík, sem
hann rak báðar til dauðadags.
Þorkell bar mjög hlýjan hug til
æskustöðva sinna og Snæfells-
ness alls, og þegar félag Snæfell-
inga og Hnappdæla á Suðurnesj-
um var stofnað í Keflavík 19.
apríl 1962 var hann einn af stofn-
endum þess. Hann gegndi mörg-
um trúnaðarstörfum fyrir félag-
ið, og lagði sig allan fram til að
ættar og vinatengsl við heimahér-
uð væri sem mest.
Formaður félagsins var hann
1971 og 1972 og síðan aftur 1980
til dauðadags, og kom fram í
starfi hans öllu bæði heima og
heiman óvenju rík réttlætis-
kennd, þar sem hann tók málstað
þeirra minnimáttar, og einnig
hve fylginn sér og fastur hann var
fyrir, ef fylgja þurfti einhverju
máli fram, sem oft reyndi á.
Fyrir um sex árum veiktist Þor-
kell af sjúkdómi sem lamaði
fljótt starfskrafta hans og háði
honum mjög í starfi, en vilja-
kraftur hans og festa létu engan
bilbug á sér finna, og þó að heilsu
hans hrakaði gekk hann bæði til
starfa sinna og sinnti félagsmál-
um fram á síðustu stundu.
Hér hefur orðið stutt stórra
högga á milli í einni fjölskyldu,
því Þorkell er fimmta systkinið
sem fellur frá á þrem árum.
Félag Snæfellinga og Hnapp-
dæla á Suðurnesjum þakkar Þor-
keli gott og mikið starf í þágu
þess, og sendir konu hans og
börnum og öðrum aðstandend-
um innilegustu samúðarkveðjur
og biður Guð að styrkja þau í
sorg þeirra.
Blessuð sé minning hans.
Guðleifur Sigurjónsson.
Þetta var lifandi maður hann
Daníval, smástríðinn og var lítið
fyrir að láta hlut sinn. Hann var
mikill framsóknarmaður og við
vorum íhaldssamir í þá daga, hér í
Keflavíkinni. Sjálfstæðisflokkur-
inn hafði verið hér alls ráðandi og
okkur hefur e.t.v. fundist að þarna
væri kominn köttur í ból bjarnar,
þar sem Daníval var kominn.
En Daníval var skemmtilegur að
mörgu leyti. Skemmtilegastur var
hann að því leyti, að hann lét sig
aldrei í neinu, sem hann byrjaði á.
Það var eins og hann fílefldist við
öll mótmæli, enda var hann hér í
útgerðarráði, þegar verið var að
stofna það. Það var keyptur hér
bátur sem hét Keflvíkingur og
hann var þá á oddinum og fór mik-
ið inn í Landsbankann. Hann fékk
nú ekki alltaf greið svör, en alltaf
var hann kominn aftur, næsti mað-
ur til þess að flytja mál sitt.
Hér ætluðum við Þorgrímur að
setja kommu í viðtalið, en taka
upp þráðinn við fyrsta hentugt
tækifæri. En örlögin höguðu því
þannig, að sá, sem okkur er
meiri kom og setti punkt og
sögulok. Þorgrímur Eyjólfsson
lést nokkrum vikum eftir að
þetta viðtal var hljóðritað.
Eins og fram hefur komið í
þessum viðræðuþáttum þá
kunni Þorgrímur Eyjólfsson
fjölmargar sögur og sagnir, ekki
aðeins af Suðumesjum, heldur
einnig úr öðrum byggðum
landsins. En hér var bjargað fáu
einu af þeim fróðleik, sem hann
bjó yfir.
FAXI-133