Faxi - 01.06.1983, Blaðsíða 27
röviisi\isiiiA(.
ÍOVIiSTAKSKOIi
ItiÓÁr 'lr! ára
------Framhald af bls. 144-
því ekkert meðal er betur til þess
fallið að hvfla og endurnæra
mannshugann. En hver er staða
Tónlistarskólans á þessum merku
tímamótum? Um það eru mjög
skiptar skoðanir og mat manna
misjafnt. Sumir telja venjulega
íþróttaatburði einnar viku meira
virði en 25 ára þrotlaust menning-
arstarf Tónlistarfélagsins, svo
dæmi sé nefnt.
Á sama hátt er fjárveitingavald
ríkis og bæjar oft á tíðum verulega
litað af sjónarmiðum þeirra er
harðast ganga fram í fótamennt og
öðrum íþróttum.
Síst ber oss að fordæma áhuga á
hollum íþróttum, en hafa verður
það í huga, að þá fyrst er sterkur
og vel þjálfaður bkami einhvers
virði, er hann hýsir heilbrigða og
menntaða sál. Það eru ekki íþrótt-
ir sem skilja manninn frá dýrum
merkurinnar, heldur sköpunar-
máttur hugans og hæfileiki til að
njóta þess sem fegrar og göfgar.
Heilbrigð sál í hraustum líkama
skilur mann frá dýri.
Lengi framan af stóð Tónlistar-
félagið eitt, með stuðningi styrkt-
arfélaga, undir reksri skólans og
var þá oft erfitt að ná endum sam-
an. Eftir að landslög gerðu ríki og
bæ skylt að standa að fjárhagsleg-
um reksti tónlistarskólanna,
breyttist óneitanlega staða félaga
Tónlistarfélagsins, sem þurftu
ekki lengur að bera persónulega
fjárhagslega áhættu af rekstri skól-
ans, og gátu jafnvel veitt sér þann
munað, að hætta þrautsetum í
lánastofnunum, til að halda þessu
hugarfóstri sínu gangandi. Þá
fannst mörgum sem hlutverki
Tónlistarfélagsins væri lokið. Það
hefur þó sýnt sig að full þörf er
fyrir farsælt starf Tónlistarfélags-
ins til að halda við og vernda þann
anda er skólinn var stofnaður til.
Lokaorð Sævars:
Ég minntist í upphafi ræðu
minnar á afmælisbörnin tvö. Það
eru Tónlistarfélagið og Tónlistar-
skólinn. Hverjir eru foreldrarnir?
Hverjir voru svo undarlega þenkj-
andi áriö 1957, meðan gullæðið var
í algleymingi hér í heiðinni, og
þorskurin stór og ormalaus, að
gefa sér tíma til að stofna Tónlist-
arskóla og reka hann fyrir eigin
reikning?
Rakti Sævar nöfn stofnenda
félagsins, en þeirra er getið í grein
Margrétar hér að framan.
í ávarpi sínu sagði Elínborg Ein-
arsdóttir, formaður skólanefndar,
meðal annars:
„Fyrir hönd skólanefndar Tón-
listarskólans, býð ég ykkur öll
hjartanlega velkomin á 25 ára af-
mælistónleika Tónlistarfélagsins
og Tónlistarskólans.
Ég ætla, að nefna megi þá tíma
er tónlistarfélag var stofnað hér
fyrir 25 árum, ,,árdaga tónlistarlífs
í KeflavíkKeflvíkingar báru þá.
gæfu að eiga dugmikið og áræðið
áhugafólk um tónlistarmál, sem
hrinti í framkvæmd sínu áhugamáli
þrátt fyrir mikla byrjunarörðug-
leika. Tónlistarfélag var stofnað
með því aðal markmiði að reisa
hér tónlistarskóla og einnig til að
geta boðið hingað listafólki til tón-
leikahalds. Við eigum þessu fólki
rnikið að þakka og tel ég á engan
hallað þó ég nefni hér nokkur nöfn
stofnendanna og ber þá hæst Vig-
dísi Jakobsdóttur, sem var fyrsti
formaður Tónlistarfélagsins og
formaður skólanefndar Tónlistar-
skólans hátt á annan áratug. Guð-
mundur Norðdal var einn aðal-
hvatamaðurinn að stofnun félags-
ins og Ragnar Björnsson, er var
fyrsti skólastjóri skólans og gegndi
því embætti í fjölda ára. Færi ég
þeim öllum hjartans þakkir.
Eins og Vigdís Jakobsdóttir hef-
ur tjáð mér, voru erfiðleikar við'
rekstur skólans fyrstu árin miklir.
Oftast hafði hún áhyggjur er nálg-
aðist mánaðamót hvort til væru
peningar í launagreiðslur kennar-
anna og fyrir húsaleigu, o.fl. Húsa-
kostur skólans fyrstu árin var mjög
bágborinn eins og vænta má.
I 25 ár hafa keflvískir nemendur
notið tilsagnar hinna færustu
kennara og einnig var nokkuð um
að nemendur kæmu í skólann frá
nágrannabyggðarlögunum áður
en þar voru stofnaðir Tónlistar-
skólar.
Ég álít það sjálfsagt og nauðsyn-
legt að ungt fólk sem fullorðnir, er
þess óska, geti átt þess kost að afla
sér tónlistarmenntunar, en því mið-
ur er það enn í dag víða um land,
að þess er ekki kostur og er leitt til
þess að vita.
Með lögum menntamálaráðs frá
1975, um rekstur tónlistarskóla
þar sem segir til um að sveitafélag
annist launagreiðslur, en ríkis-
styrkur nemi 50% launakostnað-
ar, breyttust aðstæður Tónlistar-
skólans og Tónlistarfélagsins mik-
ið.
Allar breytingar taka sinn tíma í
framkvæmd en í dag þarf Tónlist-
arfélagið ekki að sjá um fjárhags-
legan rekstur skólans og getur því
snúið sér nær óskipt að öðru stofn-
máli félagsins, það er að segja tón-
leikahaldi, og vona ég að við eig-
um eftir að njóta margra ánægju-
stunda á þeim vettvangi á ókomn-
um árum.
Frá því ég kom í skólanefnd
skólans 1978, fyrst sem eini fulltrúi
bæjarins í nefndinni, hef ég ekki
kynnst öðru en velvilja og stuðn-
ingi bæjaryfirvalda á fjárhagsleg-
um þörfum og málefnum þessarar
menningarstofnunar, og nú síðast
en ekki síst vil ég þakka myndar-
lega fjárveitingu bæjarins sem ger-
ir okkur kleift að halda svo veglega
upp á 25 ára afmælið.
Skólstjóri skólans síðastliðin 7
ár hefur verið Herbert H. Ágústs-
son. í skólanefnd eru nú þrír full-
trúar frá bæjarfélaginu og tveir frá
tónlistarfélaginu.
Ég vil að endingu þakka fyrrver-
andi og núverandi skólastjórum og
kennurum þeirra störf við skól-
ann, og einnig öllum þeim sem
leggja okkur nú lið við að gera
þetta kvöld sem ánægjulegast.“
Þess má að lokum geta, að mik-
ið og gott tónlistarlíf í Keflavík á
síðustu áratugum, hefur vafalítið
átt sinn þátt í því að nú eru starf-
andi tónlistarskólar í flestum
byggðum skagans við stöðugt vax-
andi aðsókn, flestum til yndisauka
og mannbætandi áhrifa.
Faxi þakkar öllum sem stuðlað
hafa að þessu menningarstarfi.
TÍSKAN í DAG:
Álrammar og smellurammar. Ál-
rammar í tilbúnum stæröum frá
20x25 cm til 60x80 cm, verö frá
235 kr. og einnig eftir máli.
Smellurammar í stæröum frá
13x18 cm til 60x80 cm, verö frá
60 kr.
Málverkasala og grafík í úrvali.
SENDUM í PÓSTKRÖFU
UMALLTLAND
FAXI-167