Faxi - 01.01.1984, Blaðsíða 15

ámað heilla... ámað heilla... ámað heilla... ámað heilla... ámað
Egill
pGrfinnsson
sjötugur
Það átti fyrir Agli Þorfinnssyni
að liggja að verða sjötugur á jóla-
dögunum síðast nánar 27. desem-
ber. Þessi tímamót munu hafa liðið
hljóðlaust hjá, án þess blásið vœri í
horn eða málmgjöll slegin. Fœddur
austur í Biskupstungum, á Spóa-
stöðum árið 1913, og löngu kom-
inn hingað í bœinn, löngu horfinn
úr nágrenni Skálholts hvar allt ang-
(,r af sögu síðustu þúsund ára, en
þar bjuggu foreldrar hans, Þor-
finnur Þórarinsson og Steinunn
Egilsdóttir, - hún mun hafa tekið
kennarapróf hjá Magnúsi Helga-
syni í Kennaraskólanum í árdög-
um hans. Heimili þeirra hjóna er
sagt hafa verið með miklum menn-
ingarbrag. Þar vappaði hinn ungi
sveinn um hlöðin fyrstu árin, uns
hann tók sinn poka með góðu nesti
að heiman, fór til náms, fyrst að
Eaugarvatni, þá að Laugum í
Þingeyjarsýslu, lauk síðan prófi í
skipasmíði við lönskólann 1938,
og hélt vestur á ísafjörð, til náms og
starfs í iðninni. Hann gerði meira
þar. Þar hitti hann vœna konu,
Astrúnu Jónsdóttur, systur Krist-
nianns skálds, og giftist henni 1940.
Þau hafa átt samleið síðan.
Fil Keflavíkur fluttust þau hjón
1941. Hann var ráðinn verkstjóri
og skipasmiður í Dráttarbraut
Keflavíkur það ár, og gegndi hann
þeim störfum fram um 1960. Minn-
ast má frá þeim dögum, að ýmsum
þótti hin ungi, festulegi maður taka
vasklega til hendi, og höfðu á orði
hve sjaldan geiguðu höggin hjá
honum við að seyma byrðing. Sá
kann nú til verka sögðu þeir, snjall
smiður. Á þessum árum gerði Egill
mikið af skipateikningum, sem
mjög reyndust eftirsóttar, og eru
skip af gerð hans dreifð víða við
latid og einnig erlendis, eitthvað á
þriðja hundrað. Hugur og hönd
hafa vissulega náð kostamikilli
samvinnu þarsem Egillfór.
1964 gerðist Egill forstöðumað-
ur Vélbátatryggingar Reykjaness,
og er það enn. Samtímasögu er
óþarft að rekja um sinn. Ætla má
að í því starfi komi honum vel
starfskunnátta frá fyrri árum, þeg-
ar virða þarf verðmœti flotans, eða
meta óhöpp og tjón á honum.
Auk þess sem stuttlega er að vikið
hér að framan og ekki er ástæða til
að rekja nánarað sinni, hefurhann
komið víðar við, svo sem kennslu í
iðnskóla, þátttöku í ýmsum sam-
tökum og félögum, Iðnaðar-
mannafélagi Suðurnesja, Rótary-
klúbbi Keflavíkur, Málfundafélag-
inu Faxa o.fl. o.fl., ráðgjöf um
tryggingar, innfluting efnis til
skipasmíða. Fleira mætti eflaust
telja, en þar sem þess má vænta að
enn sé nokkuð langt í sögulok
skipasmiðsins verður það ekki gert
hér. Slíks vœnta að vísu allir sér til
handa, sem eru á Egils reki, og við
sæmilega heilsu, annað er varla
sæmandi hinu konunglega viðmóti
lífsins.
Börn Egils og Astu (Ástrúnar)
eru Þorfinnur, lögfrœðingur í
Reykjavík og Steinunn, húsfreyja í
Keflavík, myndarfólk.
í átthögum Egils rennur Brúará í
ævafornum farvegi, vatn hennar er
kalt og djúpt, eins og vitund
manns. Alla daga kalt og djúpt. I
kjarri á bökkum hins kalda vatns,
sprettur upp lind með sjóðheitu
vatni. Þar eiga þau hjón búsetustað
að sumri. Þar er ylur í ranni. Hið
kalda vatn Brúarár er tíðum vígt
atburðum sögunnar úr nágrenni
Skálholts, svo sem drekkingu
guðsmannsins Jóns Gerrekssonar
fyrir meira en 500 árum, - lind hins
heita vatns kemur úr neðra, það er
að segja frá hjartarótum landsins,
þaðan sem meirihluti þjóðarinnar
fagnar nú nægum hita. I andstæð-
unum miklu, - kulda, hita - býr
lífsþorstinn, hið hvetjandi afl.
Glaðbeittur, íhugull, gæti Egill
tíðum hafa reikað um bakka fljóts-
irts eins og hann vœri skáld, en það
er hann ekki, hugað að straumkasti
hins tærasta vatns, stundum í leit
að fiski. Meðal sinna félaga á hann
miklum vinsældum að fagna, þar
sem í iðu straumsins liggur oft fisk-
ur undir steini. Orðheppinn, mein-
ingarfastur og góður að hugsa,
sveifiar hann, þegar það á við,
sleggju sinni eins og fyrr, og hittir
,,spíkarana“ í höfuðið í fáum
höggum hvern á fætur öðrum,
mjög hreinskiptinn maður.
Félagar Egils og vinir óska hon-
um og fjölskyldu hans allra heilla
um ókomin ár, með þökkum fyrir
ágœt kynni.
Valtýr Gudjónsson
Við erum farin að taka á móti
pöntunum á mat fyrir
fermingarveislur.
VEISLUÞJÓNUSTAN
Hafnargötu 62 - Keflavík - Sími 1777
NJARÐVÍKURBÆR
FASTEIGNA-
GJðLD
Ákveðið hefur verið að skipta fasteignagjöldum
niður á þrjá gjalddaga, þ.e. 15. janúar, 15. marz og
15. maí.
Þeir gjaldendur er ætla að notfæra sér þessa þrjá
gjalddaga, verða að standa skil með hvern gjald-
daga, annars falla öll gjöldin í eindaga.
Bæjarsjóður - Innheimta.
FAXI-15