Faxi - 01.05.1984, Blaðsíða 14

ABYRGÐARSTARF VIÐ
ERFIÐ SKILYRÐI
Veðrasamur og snjóþungur vet-
ur er liðinn. Þess munu fá dæmi -
ef nokkur í manna minnum - hve
jörð hefur oft verið hvít hér á Suð-
urnesjum á þessum vetri. Sára fáa
daga hefur jörð verið auð frá því
nokkru fyrir jól og til sumarmála,
og oft verið hríöarveður. Sam-
göngur um Reykjanesið og til höf-
uðborgarsvæðisins hafa þó að
jafnaði verið sæmilegar og ekki oft
þurft að grípa til snjóruðnings-
tækja. Þó hefur veðurfarið valdið
nokkrum umferðaróhöppum á
Reykjanesbrautinni og víðar um
skagann.
Þegar vetrarstormar og byljir
lemja okkar traustu og hlýju hús
verður manni fyrst hugsað til sjó-
mannanna sem heyja sína ströngu
lífsbaráttu á hafinu. Ekki sofa aliir
rótt við válegan veðurgný þótt
sjálfir séu óhultir. Sjóslys hafa
verið blessunarlega fá í vetur þrátt
fyrir allt. Skip eru betri og betur
búin tækjum en áður. Stöðugt
unnið aö því að gera þennan
hættulega atvinnuveg öruggari og
eftirsóttari hraustum drengjum.
Svipaða sögu er að segja um flugið
og samgöngur á Iandi, allt verður
þetta erfiðara og áhættusamara við
slæm veðurskilyrði. Okkur verður
líka hugsað til barnanna, sem
brjótast í skólann í ófærðinni í
svarta myrkri löngu fyrir sólarupp-
rás. Þó er allt þetta kannske bama-
leikur á við það sem var hér fyrir
svo sem einum mannsaldri. Ein
var sú stétt manna á árum áður,
sem kunn var fyrir harðfyigi og
dugnað, en það voru landpóstar.
Oft áttu þeir í römmum leik við
veðurfar og torfærur. Enn er þessi
stétt manna til en býr nú við mun
betri aðstæður og hefur hentug
ökutæki til umráða. Skyld at-
vinnugrein er blaðburður. Fyrr
var hann einkum í höndum barna
og gamalmenna. Kannske hefur
forvitnum og kröfuhörðum blaða-
kaupendum þótt þjónusta þeirra
hamlast um of af vondum veðrum
og krankleik, fleiri ástæður kunna
þó að hafa komið til, t.d. hafa blöð
margfaldast að magni og þunga og
hentar því varla nema hraustleika
fólki, að annast blaðburð, og aug-
ljóst er að þessi atvinnugrein hefur
færst meira og meira yfir á herðar
húsmæðra. Þær eru góður og
traustur vinnukraftur til þessa
starfs. En hverjar eru ástæður fyrir
því að húsmæður gefa sig í þetta
erfiða starf?
Vetrarmynd úr Keflavík - Jafnvel á snjóléttasta hluta landsins svignuðu garðtrén
undan snjóþunganum - Myndir: J. T.
Margoft fylgdist ég með kon-
unni sem ber út blöð hér í götunni í
vetur. Klukkan 6 - 7 á hverjum
morgni kom hún fyrir götuhornið,
bar tvær stórar blaðatöskur og átti
fullt í fangi með að brjótast á móti
norðan stormi og hríð. Kæmi mað-
ur svo í Samkaup við opnunartíma
til að ná sér í eitthvað í morgumat-
inn þá stóð hún þar við kjöt-
vinnslustörf, en hún vinnur í Kjöt-
seli, sem er í sama húsi og Sam-
kaup. Þar vinnur hún til kvölds -
þá tekur hún til hendinni sem
heimavinnandi húsmóðir. Eg náði
tali af henni hér á gangstéttinni og
vildi forvitnast svolítið um hennar
hagi og hennar mikla vinnuálag.
Hún lét lítið yfir því og vildi sem
minnst um það tala. Mér gat þó
skilist að hún hefði alist upp við
mikla útivist og útivinnu. Henni
félli því vel blaðburðurinn, hún
væri árrisul og útivistin væri heill-
andi og heilnæm. Blaðburðurinn
var þó í fyrstu nauðsynleg tekju-
öflun fyrir heimilið vegna veik-
indaforfalla eiginmannsins. Krist-
ín Jónsdóttir er Þingeyingur að ætt
og uppruna. Árið 1955 fluttist hún
til Keflavíkur og giftist unnusta
sínum Einari Jósepssyni, vélstjóra.
Þau hófu búskap að Túngötu 22 en
búa nú að Suðurgötu 47, en það
hús keyptu þau fyrir 9 árum. Þau
eiga þrjár uppkomnar dætur, ein
þeirra býr á Selfossi en hinar eru
hér í Keflavík.
Eg hygg að allir þeir er njóta
blaðburðarþjónustu Kristínar séu
mér sammála um að skyldurækni
hennar og dugnaður í því starfi sé
með ágætum. J.T.
HITAVEITA
SUÐURNESJA
óskar Suðurnesja-
mönnum gleðilegs
sumars og þakkar
ánægjuleg samskipti
á liðnum vetri.
110-FAXI