Faxi - 01.02.1986, Qupperneq 2
VINNUSLYS Á KEFLAVÍKURFLUGVELLI
Nokkuð alvarlegt vinnuslys
varð á Keflavíkurflugvelli, mið-
vikudaginn 12. febrúar sl. Árni
Árnason, til heimilis að Suður-
götu 16 í Keflavik, var þá að vinna
við að taka sundur byggingar-
krana, er hann stjórnar hjá Aðal-
verktökum. Þetta var snemma
morguns og var veður afleitt, rok
og rigning.
Búið var að taka kranann sund-
ur að mestu leyti og flytja hann af
staðnum, en eftir var að fara með
brautir þær er kraninn stendur á.
Var verið að hífa þær upp á vöru-
bílspall, þegar slysið varð. í þess-
um brautum eru hafðar þungar
steinhellur til að gera brautirnar
stöðugri, hver steinhella vegur um
70 kfló og eru um 30 talsins í
hverri braut. Slysið varð með
þeim hætti, að festing sem heldur
steinhellunum í brautinni, heíur
líklegast losnað og skipti það eng-
um togum, að einn steinninn féll
úr brautinni.
Árni stóð við vörubflinn, þegar
þetta skeði og lenti steinninn fyrst
á höfði hans. Árni féll við höggið
og er eins og steinhellan hafi oltið
niður eftir líkama hans, því svo
víða varð Árni fyrir meiðslum.
Mjög fljótt var brugðið við og
kallað eftir sjúkrabifreið. Ekki
leið langur tími þar til hún kom og
var Árna ekið á Sjúkrahús Keíla-
víkur, þar sem gert var að mestu
að sárum Árna. Að því loknu var
honum ekið inn á gjörgæsludeild
Borgarspítala. Er meiðsli hans
höfðu verið könnuð til hlítar, kom
í ljós, að einn hálsliðurinn hafði
brotnað, annað lungað hafði
skaddast og sár var á höfði, þar
sem hlífðarhjálmurinn hafði
brotnað. Báðir fæturnir höfðu
brotnað. Var hnéskelin brotin á
öðrum þeirra, en á hinum var op-
ið brot ofan við ökla.
Sá er þetta viðtal tók vissi ekki
við hverju mátti búast, þegar
hann náði tali af Árna, þegar hann
nokkrum dögum seinna var kom-
inn af gjörgæsludeild. Það kom
því þægilega á óvart að hitta Árna
hressan og í góðu jafnvægi.
Hann er að vísu í gifsi á báðum
fótum upp í nára og með strekk
um hálsinn.
Ef marka má frásagnir sjónar-
votta og þeirra er að komu, þá er
það ekkert annað en kraftaverk,
að svo hress maður liggur nú á
Sjúkrahúsi Keflavíkur (28. feb.)
en þar er ráðgert að Árni dvelji
fyrst um sinn. Nú tekur við nokk-
urra vikna lega, en eftir það hefst
endurhæfmg á fullu. Faxi óskar
Árna hins besta bata.
Helgi Hólm
Kapp-fatnaður undir
sjóstakkinn
Sjóvettlingar
Frystihússvuntur
Ermahlífar
Gúmmívettlingar
Vinnuskórí miklu úrvali
Sjógallar og
vaðstígvél
FATABÚÐIN
HAFNARGÖTU 30 - SÍMI 1075
Kaupfélag Suðurnesja Keflavík
38 FAXI