Faxi - 01.02.1986, Side 4

Gardyrkjumaður í Getsemane. Sum trén eru væntanlega frá tímum Jesú.
Síðan héldum við áfram niður
hlíðina og komum í Getsemane-
garðinn. Jesús dvaldi þar nóttina
eftir síðustu kvöldmáltíðina og
þar var hann tekinn fastur (Mark.
14:32). JVén í garðinum eru allt að
3000 ára gömul svo ætla má að
sum þeirra hafi verið samtíma
Jesú.
Getsemane þýðir vínþrúgu-
pressa sem án efa hefur verið
þarna. Hún hefur væntanlega ver-
ið svipuð þeirri sem við sáum í
Kapernaum fyrr í ferðinni. I Get-
semane er Kirkja allra þjóða sem
á sér langa sögu að baki. Árið 379
var byggð basilíka á staðnum þar
sem Jesús baðst fyrir. Persar eyði-
lögðu þá kirkju 614 en á 12. öld
endurbyggðu krossfarar kirkj-
una. Núverandi kirkja, sem er ein
af fegurstu kirkjum í Jerúsalem,
var byggð á árunum 1919—1924.
16 þjóðir lögðu fram fé til bygging-
arinnar og þess vegna er hún
nefnd Kirkja allra þjóða.
Er við höfðum skoðað kirkjuna
fögru við rætur Olíufjallsins, sem
skartar að innan bláa litnum, lit
Krists og Maríu, ókum við að
Hanagalskirkjunni (St. Peter in
Gallicantu), sem gnæfir yfir Kid-
rondalinn. Hún var reist 1931 á
þeim stað sem hús Kaifasar
æðstaprests er talið hafa verið.
Þangað var farið með Jesú úr Get-
semanegarðinum. Hann dvaldi á
staðnum um nóttina og var hann
dreginn fyrir rétt (Lúk.
22:63—71). Þarna grét Pétur
postuli er hann hafði afneitað
Jesú þrisvar áður en haninn gal-
aði tvisvar og af þeim atburði er
nafn kirkjunnar dregið. Mér
fannst minnisstætt að koma niður
í dýflissuna undir kirkjunni. Þar
voru krossmörk á veggjum eftir
fangana. Við sáum einnig aðsetur
varðmanna sem gættu þeirra. Á
staðnum hafa fundist leifar
bysantískrar kirkju. Til hliðar við
kirkjuna eru aldagömul þrep sem
Jesús gekk um er leið hans lá um
Kidron dalinn.
Við héldum ferðinni áfram upp
Síonfjall og skoðuðum loftsalinn
þar sem Jesús stofnsetti heilaga
kvöldmáltíð með lærisveinum
sínum. Vonandi geta kristnir
menn áður en langt um líður sam-
einast þar sem annars staðar um
borð Drottins ef einingarviðræður
kirkjudeilda bera tilætlaðan ár-
angur.
Kirkja var reist á staðnum á
fyrstu öld og á Síon voru aðal-
stöðvar frumkirkjunnar. Kirkjan
var síðar stækkuð og nel'nd Heil-
aga Síon. Gegnum aldirnar hefur
staðurinn minnt á návist Guðs
sbr. versið úr barnasálminum
góða:
,,Sjúlfur Guð á Síons-fjöllum
sól og skjöldur reynist öllum
barnaskara í böli og hörmum,
ber hann þau á foðurörmum".
Sumir ætla að fjallið dragi nafn
sitt af kirkjunni en ekki öfugt.
Persar eyðilögðu kirkjuna 614 en
krossfarar endurbyggðu hana á
12. öld. 1176 var gröf Davíðs kon-
ungs fundinn staður undir kirkj-
unni. Árið 1552 voru kristnir
menn hraktir burt af Tyrkjum úr
efri l<apellunni og henni breytt í
mosku með því að reisa við hana
turn (mínaretu) og bænaaltari
sem við sáum.
Síðdegis á Þorláksmessu fórum
við Guðni og Siguróli á fund með
ísraelum til undirbúnings fyrir
kóramótið í Betlehem og Jerúsal-
em. Fundurinn var í Þjóðleikhús-
¥%**?*&
Þinghúsið, Knesset.
Útsýnispallurinn á Olíufjallinu.
40 FAXI