Faxi - 01.02.1986, Blaðsíða 10
Hluti Duustorfunnar nálægt síðustu aldamótum:
Fremst í vinstra homi sést á ,,brúarhandrið“ yfir Norðfjörðsrás, þá
er austurgafl Miðpakkhúss og norðan þess sér á Fischersverslun. Þá
er Gamiabúðin og þar norðan við blasir við ,,bæjarhóll“ gamla
Kellavíkurbæjarins (að því er talið er). Þar íraman við er fólk að
störfum á flskreit en fjærst er Duushúsið (íbúðarhús). Einnig mótar
fyrir suðurgafli Bryggjuhússins og flskþöktu stakksstæði. TVö
róðrarskip eru í Stokkavörinni og tilhöggvið grjót bíður þess að verða
að skjólgarði milli vararinnar og Miðbryggju. Fremst til hægri eru svo
bátar í nausti sunnan Miðbryggju.
Garðvegi, rétt norðan við núver-
andi byggð, og þar er nú mæli-
punktur frá Landmælingum ís-
lands. Þaðan lá svo bein lína í átt
að Kölku (sem var stór og mikil
hvítkölkuð varða á Háaleitinu)
þar til sjónlína úr Nástrandarrás
skar hana í holtinu suðvestur af
Iðavöllum.
Til suðurs frá Grófinni rís landið
mjög, svo að sjávarkanturinn nær
allt að 6 metra hæð og gengur
hann suður af svokallaðri
,,Stokkavör“ þar sem uppsátur
Kenavíkurbóndans hafði alltaf
verið.
Upp af þessum sjávarkanti reis
landið nokkuð og náði 9 metra
hæð á áberandi hól, og þar fast
fyrir sunnan mun bærinn hafa
staðið eftir sögn elstu manna, en
túninu hallaði frá bænum í allar
áttir.
Marta Valgerður Jónsdóttir get-
ur þess í grein í Faxa í maí 1947,
til sanndindamerkis um bæjar-
stæðið sunnan við hólinn, að
greint hali verið frá því, að þar
hefðu fundist greinilegar minjar
um byggt ból, er túnið var sléttað
í tíð eldri Duus.
Þá hafa einnig verið sagðar sög-
ur af miklum landspjöllum af
völdum sjávar. Bakkarnir með-
fram höfninni áttu að hafa verið
hærri og skagað lengra fram til
sjávar og undirlendi nokkurt fyrir
neðan bakkana, en sjórinn brotið
það land og bakkarnir hrunið
smátt og smátt fram.
Frá Stokkavör suður að Ná-
strandarrás reis landið aftur fram
við sjóinn, og náði sjávarltantur-
inn þar enn um 6 metra hæð, það
urðu mikil landbrot á því svæði,
sem ekki var stöðvað fyrr en 1949
er lokið var við að gera stein-
steyptan sjávargarð á verstu stað-
ina.
Ekki er vitað hvenær búskapur
hefur hafist hér í Keflavík, um
það eru engar sagnir, en ætla má
að það hafi verið nokkuð
snemma, en sennilega hefur sá
búskapur aldrei verið mikill, að-
eins kotbúskapur, sem að miklu
leyti hefur byggst á útræði.
1 Jarðabók Arna Magnússonar
og Páls Vídalíns frá 1703 segir svo
um Keflavík:
, ,Hér er fyrirsvar ekkert, jarðar-
dýrleiki óviss. Eigandi kongl.
Majestat. Ábúandi Halldór
Magnússon, landsskuld (þ.e. af-
gjald) 25 álnir, sem borgast 1 vætt
og 2 fjórðungar fiska í kaupstað í
reikning umboðsmannsins á
Bessastöðum.
Við til húsábóta leggur ábúand-
inn. Kúgildi er ekkert.
Kvaðir eru: mannslán, en fellur
niður fyrir bón kaupmannsins í
Keflavík fyrir vöktun búðanna.
Kvikfénaður eru 2 kýr, 1 hross og
1 foli þrívetur. Fóðrast l<ann 1 kýr
naumlega. Heimilismenn eru 6.
Skóg til kolagerðar hefur jörðin í
almenningi. Ibrfrista og stunga
eru viðsæmandi. Lyngrif í heið-
inni nokkuð. Fjörugrasatekja
nægileg. Eldiviðartaka af íjöru-
þangi hjálplegt. Rekavon lítil og
hrognkelsafjara valla reiknandi,
en skelflskfjara nokkur.
Heimræði (útræði) er árið um
kring og ganga skip ábúandans
eftir hentugleikum. Inntökuskip
eru hér engin, lending slæm.
Engar engjar, úthagar í betra
lagi og vatnsból í allra laltasta
máta sumar og vetur.
Kirkjuvegur langur og margoft
ófær um vetrartímann.“
Samkvæmt jarðabók er hægt að
gera sér grein fyrir því að land
jarðarinnar hefur verið ólíkt gras-
gefnara þá og fyrr, en varð á síð-
FRAMHALD Á BLS. 74
„5 DAGA ÁFORM“
Krabbameinsfélag íslands hafði frumkvæði að
því að hér á landi hafa veriö stofnuð samtök, RÍS
2000, sem hafa það að markmiði aö ísland verði
reyklaust árið 2000, en svipuð samtök hafa verið
stofnuð víða um heim. Ýmis samtök heilbrigðis-
stétta standa að RÍS 2000 og eru nú á döfinni mikl-
ar herferðir gegn reykingum á almannafæri og
gegn þeim sem hagnast fjárhagslega á að selja
tóbak.
Hér í Keflavík hafa nokkur námskeið verið hald-
in fyrir fólk sem hefur viljað hætta að reykja. S.D.
Aðventistar hafa veriö atkvæða mestir í þeirri bar-
áttu, en að síðasta námskeiði, sem haldið var frá
26. til 30. janúar sl., stóð íslenska bindindisfélag-
ið, sem er alhliða bindindishreyfing Krabba-
meinsfélags Suðurnesja og deild S.D. Aðventista í
Keflavík.
Námskeiðið fór l'ram í safnaðarheimili S.I).
Aðventista að Bliluibraut 2, Kefiavík.
Iæiðbeinendur voru Brynjar Halldórsson og
Arnbjörn Ólafsson, læknir. Þrjátíu og tveir innrit-
uðu sig í námskeiðið. Nokkrir heltust úr lestinni
en 26 héldu áfram út námskeiðið.
Brynjar Halldórsson. Arnbjörn Ólafsson.
Af þeim hafa alveg hætt reykingum 18—20. Að
loknu námskeiði eru haldnir vikulegir fundir fyrir
þá sem þurfa á styrk að halda. Barátta gegn reyk-
ingum hófst 1959 í U.S.A. en þá höfðu læknar og
vísindamenn sannfærst um skaösemi reykinga
fyrir heilsular reykingamanna og þá umhverfis
mengun er reykingar valda. Þessi námskeiö
U.S.A. manna, sem gengu undir nafniu ,,5 daga
áform“ hafa nú verið tekin upp í ílestum löndum.
Næsta námskeið verður haldið hér í apríl.
46 FAXI