Faxi - 01.02.1986, Side 14

Jón Tómasson:
BJARTSÝNI - VORHUGUR
ÍSLENDINGAR - ALLIR EITT
Allmörg undanfarin ár hefur hallað undan fæti hjá íslensku þjóð-
inni. Verðbólga hefur ætt áfram, meir en víðast hvar annars staðar
í heiminum. Slík þróun í verðlags- og peningamálum leiðir alls stað-
ar til ófarnaðar. Atvinnuvegir eiga í erfiðleikum, mörg fyrirtæki
hætta starfsemi, gefast upp oft með óbætanlegan skuldahala, sem
þjóðin verður á einn eða annan hátt að greiða. Atvinnuleysi er fylgi-
kvilli — en það getur orðið óbærilegt og bitnar fyrst og verst á fátæku
fólki — því fólki sem allir telja sig vilja vernda. Verðbólgan hefur leitt
til of hárra vaxta, sem með öðru hefur orðið fótakefli margra fyrir-
tækja og valdið ungu óreyndu fólki, sem stendur í því að eignast þak
yfir höfuðið, miklum fjárhagsörðugleikum og farið með andlega og
líkamlega heilsu þess. Þrúgandi áhrif verðbólgu, atvinnuleysis og
kreppu bælir niður atorku manna sem á normal tímum hefðu orðið
nýtir þjóðfélagsþegnar.
Bjartsýni manna hefur vaknað á ný og kemur þar margt til.
Kannski ber fyrst að nefna, að nú virðast ílestir ábyrgir menn hafa
séð að fjárhagsstaða þjóðarinnar var að hrynja og við að komast á
framfæri annarra þjóða — verða þurfalingar meðal þjóða. Virðing
okkar og stolt hefði varla afborið það.
Með nýgerðum samningum aðila vinnumarkaðarins virðist bóla á
auknum skilningi og von um frið og skynsamlega lausn mála. Það
er því nokkur von um að okkur takist að þumlunga okkur frá þeirri
heljarþröm er við vorum komin að. Almenningur fagnar fyrirheitum
um lækkandi vöruverð oglækltandi opinber gjöld. Þarfasti þjónninn
— bíllinn — er aftur að komast niður í viðráðanlegt verð, heimilistæki
lækka, þjónusta lækkar og vextir lækka — flest virðist vera að kom-
ast í viðunanlegt horf og laun hœkka.
Engum má líðast að blása á þessa spilaborg meðan samskeyti eru
að þéttast og hnökrar að hverfa — þá förum við innan tíðar að geta
staðið með báða fætur í íslensku þjóðlífi. Allir verða að sýna þegn-
skap — og sérkröfu potarar og uppreisnarseggir verða að sitja á strák
sínum, og fast verður að taka á öðrum þeim er kynnu að hafa að-
stöðu og vilja til að sprengja þessa viröingarverðu tilraun, sem gerð
er á hættustund.
Mikil aflabrögð víðast hvar við landið glæða vonir manna um að
vel takist á för oklair og bættum og traustari hag þjóðarinnar. Veður-
far er líka með eindæmum gott og vekur það vorhug og jákvæðan
vilja til að gera góða hluti.
Afburða góður árangur afreksmanna okkar á ýmsum sviðum, t.d.
í handbolta, sundi og skákíþrótt, svo eitthvað sé nefnt, staðfestir að
þessi litla þjóð býr yfir ótrúlegri getu; en það er eins og í hópíþrótt-
um, allir verða að leggja sig fram og vera samtaka ef vel á að takast.
ÍSLENDINGAR, ALLIR EITT!

KONUKT UNSUR
I HÆSTA GÆÐAFLOKKI
GLERAUGNAVERSLUN KEILAVÍKUR HAFNARGÖTU 17 SÍMI 3811
50 FAXI