Faxi - 01.02.1986, Blaðsíða 21
fyrstu peningarnir, sem ég sá
um ævina. Þá fannst mér ég vera
svo ríkur að ég gæti allt. Ég skuld-
aði 2000 kr. víxil í Sparisjóðnum
og borgaði hann upp, síðan hef ég
engum skuldað neitt.“
— Hvcrnig voru lífskjör þin d
yngri árum?
,,Þau voru bágborin, það var
ekkert nema saltfiskur og svart
4.<afíi og það þótti gott ef maður
hafði kartöflur með fiskinum, það
hefur áreiðanlega verið holl fæða
fiskurinn, að maður skyldi halda
lffi í þessum djö. . . . þrældómi.
Ég skal lýsa fyrir ykkur einum
einasta degi í athafnalííinu við bát
yfir vertíðina.
A morgnana var maður vakinn
með banki á gluggann. Þá var
byrjað að fara með lifur niður í
bræðslu, sem þá var hérna við
Sólvallagötuna sem nú er, bagsað
með hana á vögnum hvernig sem
veðrið var. Síðan var brunað niður
í íshús sem stóð við innanverða
Hafnargötu. Þangað var sótt sfld
til beitu. Það var brunað með
hana hérna niður í skúr. Henni
var fleygt um allt gólf til þess að
láta hana slakna svolítið. Á meðan
var sóttur sjór niður á bryggju, í
körum á vögnum til að fylla í
vöskunar körin. Svo fór maður að
beita svona undir hádegi og var að
til 3 og 4 eftir því hvað þetta var
löng lína. Þegar búið var að beita
þurfti að umsalta saltfisknum í
stæðuna. Svo kom báturinn að og
þá var allt keyrt á vögnum og síð-
an gert að aflanum. Þegar það var
búið svona kl. 11-12 á kvöldin, þá
var farið inn í skúr og farið úr að-
gerðargallanum og farið að stoklut
upp og að því var maður til 4-5 á
nóttinni. Svo dreif maður sig heim
í 2 tíma og þótti gott að sofa í 2
fi'ma, allur krækklóttur, skorinn
og stunginn á höndunum. Þetta
var bara einn dagur í starfi
manns.“
— Var eitthvad um skemmtanir
d þessum tíma?
,, Já, það voru skemmtanir hér.
1929 var stofnað ungmennafélag
hér, og var ég einn af stofnendum
þess. Síðan voru haldnir reglulegir
iundir og það var stolnað leikfélag
innan vébanda þess. Það var
stofnað knattspyrnufélag. At-
hafnalífið og samtökin voru svo
góð að það var ruddur fótbolta-
völlur upp á melum fyrir ofan
kirkjuna. Það var engin byggð þar
þá. Svo voru haldnir dansleikir í
gamla Skildi og það voru stofnað-
ir kórar.
dólaskemmtanir voru haldnar í
gamla Skildi á vegum ungmenna-
félagsins, þar til Skjöldur brann
1935 eða ’36. Það fórust margir,
bæði ungir og gamlir, það var
hryllilegt. Síðan stóð ungmenna-
félagið að byggingu sundlaugar-
innar."
— Hvernig líst þérá ungdóminn
í dag?
„Mjög vel, hreint frá sagt mjög
vel, það get ég staðið við hvar sem
ég er spurður.“
— I Ivernig Ifst þcr á framtíðina?
, ,Það þýðir ekki annað en að líta
björtum augum á það sem fram-
undan er. Framtíðin byggist fyrst
og fremst á ungdómnum. Þessi
gömlu hross eru að hverfa og þá er
það ykkar eða unga fólksins að
taka við. Ég efast ekki um að það
er alveg fullkomlega í stakk búið
til þess að glínta við framvindu
lífsins. Þetta er vel gefið og glæsi-
legt fólk. Sumt af því að minnsta
kosti.
Hver er sinnar gæfu smiður.
Glæsislegt fólk getur steypt sér út
í ógælu, veikindi ræður enginn
við. En ógæfa er það, þegar fólk
fer út í óreglu eða annað því um
líkt, þá er það þess eigið böl. Það
geta allir forðast ef haft er vit á að
gæta sín. Það er alveg ábyggilegt,
það skal ég segja ykkur drengir
mínir alveg í fyllstu alvöru, að
fyrsti sopinn af brennivímntr,
sem þið smakkið, það er hættu-
legt spor, því að vínið er fljótara að
ná tökum á fólki heldur en nokk-
ur getur trúað að óreyndu. Bara
byrja aldrei á því að reka tunguna
ofan í það. Og sem betur fer hef
ég verið blessunarlega laus við
það.“
Og líkur hér með þessu viðtali
við Guðmund Jónsson.
Að þessu viðtali unnu: Ólafur
Eggertsson ogMarteinn G. Valdi-
marsson, 8—A.
GLÆSILEG SUMARAÆTLUN
FERÐANÝJUNGAR ÚTEÝNAR 1986
í glæsilegri sumaráætlun verða
kynntar á Glóðinni í Keflavík í
hádeginu miðvikudaginn 12. mars frá
kl. 12-14.
Komið og notfærið ykkur þjónustu og
upplýsingar margreyndra fararstjóra
og sölufólks Útsýnar.
FERÐASKRIFSTOFAN ÚTSÝN
TILKYNNING FRÁ
SÍMASTÖÐINNI í KEFLAVÍK
Fermingarskeytaþjónusta veröur meö sama hœtti og
undanfarin ár.
Sunnudaginn 23. mars verður fermingar-
skeytamótttaka opin kl. 10.00—19.00
Skírdag 27. mars kl. 10.00—19.00
Annan í páskum 31. mars kl. 13.00—18.00
Sunnudaginn ó. apríl kl. 10.00—19.00
Sunnudaginn 13. apríl kl. 10.00—19.00
Geymiö auglýsinguna og notiö þjónustuna.
PÓSTUR OG SÍMI
KEFLAVÍK
57 FAXI