Faxi


Faxi - 01.02.1986, Blaðsíða 24

Faxi - 01.02.1986, Blaðsíða 24
Frá sýningu Krabbameinsfélags Sudurnesja. Auk mynda barnanna er tóku þátt ísamkeppninni var mikið af frœðslumyndum og öðrum uplýs- ingum varðandi krahbameinsvarnigogneðst til vinstri er bið nýju hús og heimili Krabbameinsfélags íslands. Ljósm. J.T. Athyglisverð sýning — api með sfgarettu — í vetur var sett upp fræðslusýning á Kjarvalsstöðum um helstu áhættuþætti krabbameins — sjúkdómsgreiningu og hugsanlega lækningu. Áður hafði farið fram samkeppni í grunnskólum lands- ins hjá börnum 9 til 12 ára, um hugmyndir þeirra að orsökum krabbameins, settar fram á myndmáli. Mikill fjöldi mynda barst í samkeppnina og voru margar þeirra settar upp á Kjarvalsstöðum. Sýningin fékk góða dóma og var gerð úr henni farandsýning, sem síðan hefur verið farið með víða um land. Krabbameinsfélag Suðurnesja fékk hana til Keflavfkur og var hún sett upp í Holtaskóla. Hún var opin frá 12. til 15. febrúar og sóttu hana um 350 manns. Það vakti athygli sýningargesta að reykingar voru efstar í hugum flestra barnanna svo og alls konar mengun og kjarnorka. Margar myndirnar voru vel gerðar, hugmyndarfkar og táknrænar, t.d. myndin af apa að reykja sígarettu. Það tákn held ég að margir muni lengi muna. Hugmyndin með myndtúlkun barnanna var að ýmsu leyti snjöll, opnaði ímyndunaraflinu ótal leiðir, hvatti til íhugunar um skað- semi tóbaksnotkunar og annarra vímuefna og til skilnings á um- hverfismálum. J.T. Stjórn Krahhameinsfélags Suðurnesja. Frá vinstri: Björgvin Lúthersson, Jón Sœmundsson, formaður, Margeir Jónsson og Andres Fœrseth. Kon- rúð Lúðvíksson var ekki viðstaddur. ALHLIÐA AHUGI Blaðasölukóngar og drottning- ar Faxa hafa mörg börn orðið á 45 ára ferli blaðsins. Sumra þeirra hefur verið getið í blaðinu en þó ekki nærri allra. Það var einu sinni miðað við að barnið seldia.m.k. lOOblöðí götusölu. í seinni tíð er slíkur fjöldi barna við söluna að erfitt er að ná þeirri tölu og fá börn sem fá svo mörg blöð — aðeins þau dugleg- ustu. Gísli Einarsson, Lágmóa 6 í Njarðvík hefur oft orðið sölu- kóngur, t.d. seldi hann 117 jóla- blöð og fékk fyrir það kr. 2925.—. Þegar ég skilaði blaðinu til hans í desember leit ég inn í lítið einkaherbergi hans. Það var mjög snyrtilegt og vel búið hús- gögnum og áhugaverðum hlut- um s.s. sjónvarpi. Þá sagði móð- ir hans mér aö hann hefði sjálfur keypt alla þessa muni og hús- gögn fyrir fé er hann hefur aflað sér fyrst og fremst með blaðsölu og dreifingu á Morgunblaðinu. Það er til mikils sóma þegar börn og unglingar fara vel og skipulega með það fé sem þau afla. Gísli, sem nú er 13 ára, er áhugamaður um fleira en blað- sölu og búnað í herbergi sitt. Hann er mikill áhugamaður um íþróttir, stundar handbolta, hef- ur verðlaunapeninga fyrir keppni í fótbolta og körfubolta, hefur einu sinni keppt í sundi og fékk þá silfurverðlaun. Og nú hefur skákáhuginn gripið hann sterkum tökum — enda er hann vel liðtækur í þeirri grein. Það er greinilega góður efni- viður í drengjum, sem hafa slik- an eldmóð og það verður gaman að fylgjast með hvernig Gísla tekst að vinna úr sínum mörgu áhugaefnum. J.T. Sölukóngurinn Gísli Einarsson. Slysfarir árið 1868 29. ágúst árið 1868 lá í Keflavíkurhöfn skipið Cathinka, eign Duus kaupmanns, 211^ lest að stærð. Skipstjóri var Larsen. Var skipið búið að fá í sig fullfermi af fiski, lýsi og ull. Átti skipið að leggja af stað til Kaupmannahafnar að 1—2 dögum liðnum. Um morguninn var fremur hvass landsynningur, en er kom fram undir hádegi tók hann að rjúka á austan. Slitnaði þá önnur ankerisfesti skipsins og skömmu síðar hin. Mátti heita að skipið væri á svip- stundu komið upp í klettana, niður undan húsum eigandans og mun eigi hafa skipt meir en fjórðungi stundar frá því að ankeris- festin brast þangað til skipið var mölbrotið. Var farmurinn hins vegar um ströndina, en skipverjar allir, fimm að tölu, drukknuðu. Sama dag sleit upp fiskijagt Njarðvíkurmanna, Ásbjörns hrepp- stjóra Ólafssonar o.fi., þar á víkinni og brotnaði í spón. Hún var mannlaus. Heimildir: Annálar N. Ben. 60 FAXI

x

Faxi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Faxi
https://timarit.is/publication/678

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.