Faxi


Faxi - 01.02.1986, Blaðsíða 25

Faxi - 01.02.1986, Blaðsíða 25
Erna Guðlaugsdóttir: Blaa lqrdð Þegar keyrt er áleiðis til Grinda- víkur kemst maður ekki hjá því að sjá mikinn og hvítan reykjarmökk sem stígur tignarlega til himins. — Þar standa hin miklu mannvirki Hitaveitu Suðurnesja. Þegar kom- ið er að stöðvarhúsinu undrast maður hina miklu orku sem stað- urinn býr yfir. - Öll þessi orka úr iðrum jarðar sem hægt er að beisla og nota til hinna ýmsu gagnlegu hluta, — hita upp húsin okkar og framleiða rafmagn. Allt umhverfi í kringum stöðvar- húsið er mjög aðlaðandi og hita- veitunni til mikils sóma. Baka til við stöðvarhúsið er stórt lón — afrennslislón hitaveitunnar - sem vekur athygli hjá manni íyrst og fremst fyrir hinn fallega bláa lit sem er á því. Hvernig varð það til — og hvern- ig er hægt að gera gagn með þvf? Þegar byrjað var að bora fyrir heitu vatni í Svartsengi, kom í ljós að ekki yrði hægt að nota vatnið beint til upphitunar. Vatnið er brimsalt — hefur um tvo þriðju hluta af seltu sjávar og auk þess ýmis önnur uppleyst efni, — svo sem kísil - kalk - kalíum - magnesíum - brennistein og fluor. Ef það yrði notað beint til upp- hitunar myndu allar hitalagnir stíflast á örskömmum tíma. Upp- hitunarvandamálið var leyst með því að setja upp varmaskipta þar sem ferskt vatn er hitað upp með vatnsgufu úr saltvatninu, sem kemur úr holunum. Það er þetta salta vatn — afrennslisvatnið sem hefur myndað hið marg fræga Bláalón. Saltvatnið í lóninu er mettað af kísli, sem smám saman botnfellur, eftir því sem vatnið kólnar. Kísillinn fellur út úr salt- vatninu í örsmáum ögnum — sem svífa í vatninu áður en þær íalla til botn. Það eru þessar agnir sem orsaka bláa lit lónsins, en stærð þeirra veldur því að þær endurkasta mest bláa ljósinu úr dagsbirtunni. Árið 1981 kom psoriasis sjúkl- ingur til framkvæmdastjóra Hita- veitu Suðurnesja til að leita eftir leyfi til að baða sig í lóninu. Leyfið fékkst með því skilyrði, að sjúkl- ingurinn tæki alla ábyrgð á sig, — því að lónið þótti ekki hentugur staður fyrir almenningsböð. Þessi tilraun til að halda sjúkdóminum niðri tókst mjög vel. Fréttin um þetta barst víða — ekki aðeins hérna innanlands heldur líka til útlanda. Böð til heilsubóta hafa verið stunduð frá fornu fari, og þar sem við höfum þetta marg- fræga Bláalón við bæjardyrnar hjá okkur — þá er það íhugunar- efni hvort ekki sé hægt að byggja staðinn upp — ekki bara fyrir psoriasis og exem sjúklinga held- ur lfka fyrir allan almenning til að geta stundað útiveru og böð að vild. Það hefur margt veriö gert síðan Erna Gudlaugsdóttir fyrsti einstaklingurinn fór að baða sig þarna. — Það hefur verið kom- ið fyrir búningsklefum með sturt- um í — aðstaðan fyrir baðgesti úti við hefur verið bætt — svo hefur risið upp gistiheimili við lónið þar sem gestir geta dvalið um styttri eða lengri tíma eftir því hvað hent- ar hverjum og einum. Það hefur verið rætt mikið um að reisa heilsuhæli eða endurhæfingastöð á staðnum. Það kæmi sér ábyggi- lega vel því að slfkar stöðvar eru of fáar hér á landi og anna ekki þörf — sem þegar er fyrir — og við lifum í vaxandi þjóðfélagi og það eru engar horfur á öðru en að þörf fyr- ir slíkar stöðvar aukist á næstu ár- um. Staðhættir við Bláalónið er mjög ákjósanlegir — því að þar er margt forvitnilegt að sjá. Reykjanes- Keflvíkingar Fasteignagjöld Annar gjalddagi fasteignagjalda 1986 er 15. mars. Góöfúslega geriö skil og foröist þar meö álagningu dráttarvaxta sem reiknast á fasteignagjöld mánuöi frá gjalddaga. Dráttarvextir eru nú 2,75% per mánuö. Bæjarsjóður - Innheimta. 61 FAXI

x

Faxi

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Faxi
https://timarit.is/publication/678

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.