Faxi - 01.06.1986, Blaðsíða 15

með aukinni áherslu á skipulagningu
og áætlanagerð, bæði til lengri og
styttri tíma. Þannig verði enn betur
tryggt að þeir fjármunir, sem til eru á
hverjum tíma nýtist sem best. Það
teljum við að takast megi með því:
Að leitað verði nýrra leiða til þess að
auka svigrúm fyrir frekari fjölbreytni
atvinnutækifæra. Enda er það ein af
leiðum til bættra lífskjara.
Að álögum á bæjarbúa verði stillt í hóf
eins og frekast er kostur, en að ýtrustu
hagsýni verði gætt til þess að fjármagn
bæjarins nýtist sem best, m.a. með því
að halda áfram á þeirri braut að fela
einstaklingum og/eða fyrirtækjurri
þeirra sem flest verkefni á vegum
bæjarins.
Að gera öldruðum kleift að búa sem
lengst í eigin húsnæði með sem
minnstri röskun á eigin högum. Þetta
gerist t.d. með aukinni heimaþjónustu
og heimahjúkrun. Áhersla verði lögð á
fyrirbyggjandi heilsuverndarstarf í mun
meira mæli en nú er. Einnig að haldið
verði áfram á þeirri braut að stuðla að
byggingu sérhannaðs húsnæðis, sem
verður selt eða leigt eldri borgurum
eftir því sem þörf gerist á hverjum tíma.
Að byggt verði við sjúkrahúsið
langlegudeild á kjörtímabilinu og
kannaðir verði möguleikar á
skammtímavistun aldraðra.
Aí hafin verði undirbúningur að bygg-
ingu elliheimilis í Keflavík.
Að byggt verði nýtt dagheimili við
Heiðarbraut á kjörtímabilinu, og haldið
verði áfram uppbyggingu
dagvistarheimila í bænum og einnig
verði störf dagmæðra metin að
verðleikum.
Að unnið verði skipulega að lausn
vanda grunnskóla bæjarins og
Fjölbrautaskólans í húsnæðismálum.
Að opna skólana frekar fyrir nemendur
utan kennslu.
Að hugað verði enn frekar að
málefnum fatlaðra og þroskaheftra.
Að hugað verði vel að undirbúningi
ferðamannaiðnaðar.
Að haldið verði áfram stórglæsilegri
uppbyggingu íþróttamannvirkja í
bænum með því að Ijúka byggingu
sundmiðstöðvar á kjörtimabilinu. Við
viljum búa íbúum bæjarins bestu
skilyrði til náms, íþrótta og annarrar
hollrar tómstundaiðju.
Að húsnæðismálum safna bæjarins
verði komið í viðunandi horf.
Að heimilin verði eftir sem áður horn-
steinn þjóðfélagsins, en það teljum við
mikilvægara nú en nokkru sinni, ekki
síst með hliðsjón af sívaxandi flæði
éfengis og annara vímuefna.
Nú í fyrsta skipt eru 6 flokkar og
flokksbrot með framboð í Keflavík,
vinstri flokkarnir hafa aldrei verið
sundraðri en nú, þess vegna hefur
aldrei verið brýnna en nú að efla einn
flokk til ábyrgðar, en það gerið þið best
með því að kjósa Sjálfstæðisflokkinn.
X-G
Alþýðubandalag
Jóhann Geirdal
Alþýðubandalagið er lýðræðislegur
flokkur sem hefur um langt skeið barist
fyrir eflingu lýðræðis og fyrir rétti
minnihlutahópa hér í Keflavík. Kemur
það m.a. fram í áherslu okkar á opnun
bæjarmálaumræðunnar, að tryggja
öllum flokkum sem fulltrúa eiga í
bæjarstjórn rétt til að fylgjast með og
taka þátt í umræðum í nefndum
bæjarins, það hafa forræðisflokkarnir
ekki viljað samþykkja. Alþýðu-
bandalagið hefur einnig tekið undir
óskir Foreldra- og kennarafélags
Holtaskóla um áheyrnarrétt í skólanefnd
en forræðisflokkarnir hafa ekki enn
viljað afgreiða þá ósk. Bærinn er
sameignarfélag okkar bæjarbúa og
þess vegna má ekki loka
bæjarmálaumræðuna í þröngum
farvegi.
Skýr stefna fyrir kosningar í stað
óljósra loforða
Alþýðubandalagið leggur á það
áherslu að þegar kosið er, eiga
kjósendur rétt á að vita hver stefna
frambjóðenda er til einstakra mála.
Loðnar yfirlýsingar eins og „vinna skal
skipulega að lausn á vanda
grunnskólans" eins og segir í „stefnu"
Sjálfstæðisflokksins eða loforð Alþýðu-
flokksins um að gera könnun á
ástandinu í atvinnumálum eftir
kosningar, flokkast ekki undir skýra
stefnu.
Atvinnumál
Alþýðubandalagið er þeirrar
skoðunar að ATVINNUMÁLIN séu nú
eins og ávallt mál málanna. Það á þó
sérstaklega við nú, þegar það litla sem
eftir er af innlendum atvinnutækifærum
er á heljarþröm eins og til dæmis
Hraðfrystihús Keflavíkur. Jafnvel er rætt
um að selja þurfi þá tvo togara sem
eftir eru burt af svæðinu. Það má ekki
gerast. Sé það nauðsynlegt að
bæjarfélagið komi þar til aðstoðar
verður að gera það. Heilagar
trúarsetningar íhaldsins, hvar í flokki
sem það er, gegn afskiptum opinberra
aðila af atvinnurekstri mega ekki ráða
þar ferðinni. Til þess er of mikið í húfi.
Alþýðubandalagið lætur sér heldur ekki
nægja að lofa könnun að loknum
kosningum það hefur þegar lagt mikla
vinnu í þá könnun og sent til allra
bæjarbúa tímanlega, svo þeir geti
kynnt sér okkr hugmyndir vel fyrir
kosningar. Okkar stefna þolir
gaumgæfilega skoðun og því þurfum
við ekki að bíða með að birta hana þar
til örfáir dagar eru til kosninga.
Skóli í Heiðarbyggð
Við höfum unnið skipulega að lausn
á húsnæðisvanda grunnskólans og
okkar stefna er sú að ekki eigi að tjasla
enn einni viðbyggingu við
Myllubakkaskóla, heldur eigi að byggja
nýjan skóla í Heiðarbyggð. Sennilga
hefði verið tjaslað við Myllubakkaskóla
án nokkurrar umræðu meðal bæjarbúa
ef forræðisflokkarnir hefðu einir ráðið
ferðinni. Þær hugmyndir mættu hins
vegar ávallt harðri andstöðu
Alþýðubandalagsins í bæjarstjórn og
þess vegna er enn hægt að fara skyn-
samlega leið við lausn á
húsnæðisvanda grunnskólans.
Aldraðir
Alþýðubandalagið hefur lagt mikla
áherslu á málefni aldraðra. Átt frum-
kvæði að lagfæringum á
dvalarheimilinu Hlévangi, sem var orðið
okkur til skammar en býr nú við um
betri aðstöðu eftir þær endurbætur
sem gerðar voru í kjölfar tillögu
Alþýðubandalagsins í bæjarstjórn.
Alþýðubandalagið hefur einnig um
langt skeið unnið ötullega að því að D-
álma sjúkrahússins verði reist, en það
er einkum mikilvægt fyrir aldrað og
sjúkt fólk.
Alþýðubandalagið og unga fólkið
Alþýðubandalagið vill að sjónarmið
allra hópa fái að njóta sín í bæjarstjórn.
Það á ekki hvað síst við um ungt fólk.
Alþýðubandalagið er því flokkur sem
þorir að setja ungt fólk til ábyrgðar.
Bæjarfulltrúi Alþýðubandalagsins hefur
verið yngsti bæjarfulltrúinn í Keflavík
síðastliðið kjörtímabil. Þrátt fyrir það er
þrettán árum yngri maður í baráttusæti
listans nú fyrir þessar kosningar. Jóhann
Björnsson er verðugur fulltrúi ungs fólks
í bæjarstjórn.
Alþýðubandalagið lætur sér ekki nægja.
að nota ungt fólk sem
„uppfyllingarefni" neðarlega á listum í
þeim eina tilgangi að lokka til sín
atkvæði ungs fólks. Það er reiðubúið til
að fela þeim fulla þátttöku og ábyrgð.
Það er líka óhætt.
X-H
Öháöir kjósendur
Gylfi Guömundsson
Eftir 16 ára samstarf tveggja sömu
flokka i bæjarstjórn er nú svo komið að
atvinnumál bæjarfélagsins eru í rúst.
Við setjum því atvinnumál á odd-
inn við þessar kosningar. Við teljum að
svo alvarlegt ástand hafi skapast í at-
vinnumálum að til greina komi að allir
flokkar sameinist í meirihluta, myndi
eina órofa breiðfyl kingu til þess að
byggja upp að nýju traust og gott at-
vinnulíf í Keflavík. Gott mannlíf og
hamingja fólks byggir auðvitað á að
þessi þáttur sé í lagi.
Óháðir kjósendur hafa markað sér
stefnu sem verður rækilega kynnt bæj-
arbúum í blöðum okkar. En hér skal
reynt að stikla á nokkrum málum.
D-Álma spítalans er ætluð öldruðu
sjúku fólki. Það er okkur mjög til vansa
Skólavist utan
Suðurnesja
Aó gefnu tilefni skal á þaö minnt aö sveitar-
félög á Suóurnesjum greiöa ekki námsvistar- eöa
skólagjöld fyrir þá Suöurnesjabúa er stunda
framhaldsnám utan Suöurnesja ef sækja má
sambærilegt nám vió Fjölbrautaskóla Suöur-
nesja. Þetta á þó ekki viö um iönnám.
Nánari upplýsingar eru veittar í Fjölbrauta-
skóla Suöurnesja.
Samband sveitarfélaga
ó Suðurnesjum
FAXI 139