Faxi - 01.07.1986, Blaðsíða 21

Sveinn lætur eftir sig þrjú börn
frá fyrra hjónabandi, sambýlis-
konu og fósturbarn.
Áki Gránz
Q
veinn hafði um skeið átt í
stríði við skæðan sjúkleika, en
hélt utan til hjartaðgerðar. Honum
hafði samt ekki fallið verk úr
hendi, og var fullur bjartsýni um
skjótan bata.
Viðbrögð Sveins við sjúkdómi
sínum voru hin sömu og við flest-
um þeim vandamálum er hann
fékkst við um dagana. Hann
skoðaði vandamálið, leitaði upp-
lýsinga, krafðist svara og tók síð-
an ákvörðun, sem hann fram-
kvæmdi umsvifalaust og fylgdi
síðan fast, þétt og ákveðið eftir.
Sveinn hafði starfað hjá Varnar-
liðinu á Keflavíkurflugvelli í tæp
35 ár, er hann iést. Hann komst
skjótt til frama í slökkviliði Kefia-
víkurflugvallar, og ungur að árum
tók hann við starfi slökkviliðs-
stjóra varnarliðsins. Hannvar eini
einstaklingurinn í slíku starfi hjá
flota Bandaríkjanna, sem ekki var
bandarískur borgari. Með ein-
stökum metnaði, stjórnsemi,
kjarki, einbeitni og fylgni tókst-
Sveini að gera slökkvilið Kefiavík-
urflugvallar og rekstur þess slík-
an, að almennt var viðurkennt af
ábyrgum aðilum, að jafngildi
fyndist ekki, hvorki innan Banda-
ríkjanna, né á herstöðvum þeim
er Bandaríkjamenn reka utan
þeirra. Það væri löng saga, að
rekja allar þær viðurkenningar og
verðlaun er féllu í hlut slökkvi-
liðsins í tíð Sveins Eiríkssonar. En
verðugustu verðlaunin eru að
sjálfsögðu fólgin í árangri þeim er
slökkviliðið hefur náð við að
bjarga verðmætum og forða slys-
um. Siíkan árangur er erfitt að
meta í tölum og fjölda mannslífa.
En óumdeiit er, að verðmætin eru
mikil og mannslífin mörg.
Svo einstæðum árangri, sem
þeim er Sveinn náði á starfsferli
sínum, verður ekki náð án góðra,
hæfra og trúrra starfskrafta. Enda
var og er þar valinn maður í hverju
starfi, og þótt á stundum væri
greint á um aðferðir var hópurinn
hans jafnan samstilltur og störf-
uðu allir sem einn, ætíð er á
reyndi.
1 starfi mínu átti ég oft samskipti
við Svein. Það var alltaf ánægju-
legt og hressandi að starfa með
Sveini. Það fýlgdi honum ákveð-
inn og þróttmikiil blær. Það þurfti
engar vangaveltur um skoðanir
hans á vandamálum líðandi
stundar. Hann naut virðingar og
trausts allra þeirra er áttu við
hann samskipti, ísiendinga sem
Bandaríkjamanna. Hann var
samlöndum sínum oft til mikils
álitsauka og starfi sínu til mikils
sóma.
Guðn/ Jónsson
HVAR ER BEST AÐ BÚA?
Í kosningaslag grípa frambjóðendur
til ýmissa ráða til að auka fylgi sitt.
Oft er þá byggt á hugsjónum eða
fræðisetningum sem flokksstefnan er
byggð á. Einnig er talnafræði notuð
grimmt og er þá stundum örðugt að
fóta sig á því hála svelli.
Þegar ég leit yfir grein um fjármál,
þar sem bæjarfélög landsins gera
grein fyrir ýmsum þáttum er varða
afkomu íbúanna datt mér í hug að
Suðumesjamenn hefðu gaman af því
að fá dálítinn samamburð. Þar má sjá
að við álganingu útsvara notar
Grindavík 10,4%, en það er sú % sem
flest bæjarfélög nota. I Keflavík og
Njarðvík er % talan 10.2. Seltjarnar-
nesið er lægst með 9.6%. Fjórtán
bæjarfélög em með 10.4% og er það
hæsta álagningin.
Fasteignaskattar em nánast þeir
sömu í Suðumesjabæjunum og í neðri
kanti miðað við Íandsmeðtaltal.
Sama er að segja um önnur þjón-
ustugjöld til bæjarfélaganna.
En hvemig er innheimtuhlutfallið?
Það skiptir miklu máli fýrir starfsemi
bæjanna hvemig gjöldin skila sér í
bæjarsjóðina. Árferði og aflabrögð
hafa þar að jafnaði mikil áhrif þó
kannske sé það ekki algild regla. Það
er t.d. athyglisvert ef skoðað er inn-
heimtuhlutfall 1985 að þá er aflasæld-
arbærinn Ólafsvík lægstur með aðein
50.8% innheimtu og hafði fallið úr
79.3% á fyrra ári. Annar aflasældar-
bær, Neskaupstaður, er með hæsta
innheimtu, 95.1%. Á hæla hans kem-
ur Eskifjörður með 93.1%, Akranes
með 93.8% og Húsavík með 93.9%.
Innheimta er fremur slök í Suður-
nesjabæunum. í Grindavík 66.2%,
fer aðeins batnandi, í Keflavík
75.4%, hefuraðeinshrakaðogíNjarð-
vík 80.9%, en þar er munurinn hvað
mestur frá ári til árs. í Reykjavík var
innheimta 72%. Bæjarfélög þurfa
mikið fé til framkvæmda og annarra
rekstrargjalda og því áríðandi að álögð
gjöld innheimtist reglulega.
FAXA VANTAR!
Svohljóðandi bréf barst til Faxa frá
Háskólabókasafninu:
Reykjavík 26.5. 1986
Þakka skjóta afgreiðslu á vöntunun-
um í Faxa. Þar sem við gerum okkur
litlar vonir um að geta útvegað okkur
hér 7. tbl. 1984 af Faxa, sem er upp-
selt, biðjum við ykkur að reyna að
hafa uppi á einu eintaki af þessu tölu-
blaði svo að Háskólabókasafn geti
varðveitt Faxa heilan handa komandi
kynslóðum.
Með kveðju
Sigbergur Friðriksson
Ef einhver ætti þetta blað, en væri
ekki að safna Faxa væri það vel þegið
fyrir Háskólabókasafnið þar eð það er
ekki lengur til á lager blaðsins.
Við þetta má svo bæta að blaðinu er
kunnugt um að allmargir fyrstu ár-
gangar blaðsins voru nýlega seldir á
1000.- krónur árgangurinn. Einnig
mun kunn fornbókaverslun í Reykja-
vík hafa óskað eftir tilboði í heilt og
gott eintak af Faxa frá byrjun.
TIL FYRIRMYNDAR
Það var gott fordæmi sem þeir sýndu,
eigendur verslunarinnar Nonni og
Bubbi í Keflavík, bræðurnir Jónas og
Hannes Ragnarssynir, er þeir gáfu
körfuknattleikdsdeild Í.B.K. kr.
50.000,- til styrktar starfsemi deild-
arinar.
Körfuknattleikspiltarnir hafa lagt
hart að sér við þjálfun og þess vegna
náð góðum árangri, sem tekið hefur
verið eftir af bæjarbúum.
Það er því verðug viðurkenning og
hvati til áframhaldandi dáða, í drengi-
legri íþrótt, þegar slíkur stuðningur er
veittur.
Þetta framlag bræðranna er athygli-
verðara fyrir það, að sjálfir hafa þeir
lítt haft tíma til íþróttaiðkana, sökum
þess að þeir hafa orðið að leggja hart
að sér við að vinna upp sín fyrirtæki.
Kannske skilja þeir þess vegna beútr
það álag og fórnir, sem ötulir íþrótta-
iðkendur verða að leggja á sig til að ná
árangri.
Það færi vel á því, að fleiri færu að
fordæmi bræðranna — minnugir þess
að holl íþrótt og sá þroskagjafi, sem
hún veitir er gulli betri.
Hér er Jónas Ragnarsson til hœgri að afhenda Sigurði Valgeirssyni, gjaldkera ÍBK,
ávísun uppá kr. 50.000,- sem er viðurkenning verslunarinnar Nonni & Bubbi fyrir
gott íþróttastarf ÍBK.
FAXI 185