Faxi - 01.07.1986, Blaðsíða 25
„Hvað myndu
menn segja
ef hátíðahöld
Sjómannadagsins
féllu niður?“
Jón Olsen er formaður Sjómannadagsráðs. Hann er einnig for-
maður Vélstjórafélags Suðumesja. Jón hefur um áraraðir gegnt
forystu fyrir sjómenn á sviði kjaramála. Hann hefur þótt harður
í horn að taka, fylginn sér en mildur og hlýr þegar það á við. Störf
i Sjómannadagsráði hafa tekið drjúgan hluta tíma hans síðast-
liðin 6 ár. Faxi átti tal af Jóni og fer samtalið hér á eftir:
Er undirbúningur fyrir
siómannadaginn vandasamt
starf?
„Líklega má segja það. Við er-
um þrír sem erum í ráðinu. Ásamt
mér eru þeir Karl Sigurbergsson
frá Skipstjórafélaginu og Gunnar
Guðnason frá verkalýðsfélaginu.
Það kann margur að halda að
þetta sé lítið umleikis, en löngu
fyrir sjómannadaginn komum við
ætíð saman til að skipuleggja og
ráða ráðum okkar. Það eru rúm-
lega 33 atriði, sem þarf að huga
að, ef allt á að ganga upp.“
Hvernig gengur að fá menn
til starfa?
„Það hefur nú oft verið höfuð-
verkur hjá okkur. Störfin hafa í æ
ríkari mæii lent á örfáum einstak-
lingum. Þetta eru auðvitað allt
sjálfboðaliðsstörf. Það virðist sem
þjóðfélagsbreytingar hafi orðið til
þess að færri en áður sinni slíku.
Oft hefur mér runnið tii rifja hve
fáir sjómenn gefa sér tíma til að
gera daginn sem rismestan .“
Hefur þetta verið hraðfara
breyting?
, ,Um það vil ég ekki dæma, en
þessi ár sem ég heft verið í ráðinu
hefur sífeilt haliað undan fæti í
þessum efnum. Hér áður fyrr,
þegar Keflavík var sjávarútvegs-
bær sem reis undir nafni voru
menn boðnir og búnir til verka.
Nú hefur tilfinningin fyrir þessu
dofnað. Ég vii að það komi þó
fram að þeir sem sinna kalli vinna
afar gott verk.“
Áttu cinhverjar skýringar á
þessu?
„Skýringarnar eru margar að
sjálfsögðu. Það er mjög eðlilegt að
sjómenn, sem hafa verið lengi
burtu frá ijölskyldu sinni, telji
nær að sinna henni en eyða tíman-
um í vanþakklát félagsstörf. Svo
má líka ætla að við hinir höfum
ekki verið nógu duglegir við að
laða unga og hressa menn að
þessu.“
Blaðamanni er kunnugt að
þrátt fyrir vonbrigði Jóns hefur
hann tröllatrú á sjómönnum.
Lífsstarf hans hefur markast af
þeirri hugsjón að vinna sjó-
mannastéttinni ailt sem honum
er unnt. Hann er afar nákvæm-
ur og hafa samstarfsmenn haft á
orði að honum sé ekki rótt fyrr
en allt hefur verið skipulagt
fram í ystu æsar. Á sjómanna-
degi þarf að skipuleggja dag-
skrá, gæslu kappróðrarbáta,
færslu þeirra úr og í hús, huga
að viðhaldi þeirra, komast að
samkomulagi um það hvern
skuli heiðra, útvega og gæta
verðlaunagripa o.fl. o.fl. Sjó-
mannadagurinn hér á sér langa
sögu. Ekki hafði verið hirt um
skrásetningu hinna ýmsu at-
burða og verkefna er Sjómanna-
dagsráð hafði annast. Jón mun
hafa eytt ómældum tíma til að
skrá þessa hluti og koma í
skipulegt horf. Þvx spyr ég Jón:
Var það erfitt að ná saman
vitneskju um liðna tíð?
„Það var býsna snúið. Menn
hirtu lítið um þessa hluti hér áður
fyrr. Töldu líðandi stund geymast
mönnum í fersku minni. Erfiðast
var að ná því saman hverjir hafa
verið heiðraðir á sjómannadag-
inn. Ég tel mig vera búinn að ná
því að mestu. Jafnframt var það
heilmikið bras að skrá verðlauna-
veitingar fyrir kappróðurinn.
stakkasundið o.fl. En þetta hefur
tekist að mestu og nú hefi ég skil-
að þessum gögnum á skrifstofu
verkalýðsfélagsins / ‘
En hvernig hefur samstarfið
verið í sjóma nnadagsráði ?
„Það hefur verið býsna gott.
Þeir Karl Sigurbergs og Gunnar
Guðnason eru reyndar sóma-
menn, sem hafa lagt sig fram á all-
an hátt. Ég veit að stundum rýk ég
upp og er þá skömmóttur, en það
rýkur úr mér jafnfljótt. Ég vona
bara — reyndar veit ég að þeir hafa
í gegnum tíðina ekki látið það á
sig fá. Jú, samstarfið hefur verið
gott og ánægjulegt.“
Hver er framtíð sjómanna-
dagsins?
Hátíðahöld sjómannadagsins
mega ekki leggjast af. Þau eru
snar þáttur í bæjarlífmu, menn-
ingarleg hefð. Þau mega ekki
leggjast af. Hvað segðu sjómenn
eða aðrir bæjarbúar ef hátíða-
höldin féllu niður? Þá er ég
hræddur um að heyrast myndi
hljóð úr horni. Nú þurfum við að
fá nýtt blóð í sjómannadagsráð,
nú þegar ég læt af störfum. Ný
kynslóð með ný viðhorf verður að
gæta þess að láta merkið ekki
falla.
Eitthvað að lokum?
„Þakkir til samstarfsmanna og
þá einkum sjómanna. Þá færi ég
Björgunarsveitinni Stakki sér-
stakar þakkir fyrir mikilsvert
framlag í þágu dagsins mörg und-
anfarin ár.“
K.S.
Atvinna
Samband sveitarfélaga á Suöurnesjum aug-
lýsir laust til umsóknar starf viö atvinnuleit og
vinnumiölun fyrirfatlaöa á Suöurnesjum. Um er
aö rœöa V2 starf frá 15. júlí til 31. desember
meö hugsanlegri framhaldsráöningu.
Starfssviö er auk beinnar milligöngu viö ráön-
ingu öryrkja á almennan vinnumarkaö, m.a.
þaö aö gera sér grein fyrir þeim úrrœöum öör-
um sem til þurfa aö koma í atvinnumálum
þessa hóps á Suöurnesjum. Leitaö er eftir
manni meö félagslega menntun og/eða
reynslu, svo og þekkingu á atvinnulífi á Suöur-
nesjum.
Umsóknir ásamt upplýsingum um menntun og
fyrri störf berist skrifstofu Sambands sveitarfé-
laga á Suöurnesjum, Vesturbraut 10,230 Kefla-
vík, eigi síðar en 1. júlí 1986.
Samband sveitarfélaga á Suöurnesjum
Svœðisstjórn Reykjanessvœðis
málefna fatlaðra
FAXI 189