Faxi - 01.01.1991, Blaðsíða 15

Á vetrarfundi Hitaveitu Suðurnesja 30. nóvember sl. flutti Ingólfur
Aðalsteinsson, forstjóri H.S. eftirfarandi erindi um Bláa lóniö. Ingólfur hefur
sennilega manna mest látið sig þetta mál skipta og þær hugmyndir sem hann
setur fram í erindinu eru mjög athyglisverðar. Hann telur m.a. að Bláa lónið
gæti orðið kveikja að stórframkvæmdum á Suðurnesjum.
Hitaveita Suðurnesja er ábyrg fyr-
•r upphafi og tilvist Bláa lónsins og
hún verður að taka afleiðingunum
af þeirri staðreynd. Ennfremur má
það verða okkur hitaveitumðnnum
umhugsunar- og gleðiefni, ef starf-
semi tengd Bláa lóninu gæti í fram-
tíðinni orðið undirstaða blómlegs
atvinnurekstrar og þar með betra
mannlífs á Suðurnesjum.
I dag er Bláa lónið orðið mjög
þekkt. Það þarf varla að kynna það
íyrir einum einasta íslendingi, sem
farinn er að fylgjast með fréttum.
tJað kveður jafnvel svo rammt að
frægð þess, að líklegt er að hægt sé
að hitta mann hvar sem er í heimin-
um, sem hefir heyrt um Bláa lónið.
Þessu til sönnunar vil ég segja frá
því að nýlega var ég á ferð í London
og átti tal við leigubílstjóra frá Pak-
istan. Hann hafði aðeins dvalið eitt
ár í Englandi. Þegar ég sagði honum
mitt þjóðerni, sagði hann, ísland, ég
veit ekkert um það annað en að þar
er blátt lón, sem hægt er að baða sig
í og fá þar með lækningu við húð-
sjúkdómum.
Eflaust geta flestir ykkar sagt hlið-
stæðar sögur. Til glöggvunar vil ég
aðeins rifja upp sögu lónsins.
Árið 1971 hófust fyrstu boranir
fyrir heitu vatni í Svartsengi og þá
þegar var Ijóst að vatnið, sem úr
borholunni kom var salt og innihélt
um það bil % af seltu sjávar, auk fjöl-
margra uppleystra steinefna.
Frá þeim tíma hafa verið boraðar
12 heitavatnsholur mismunandi
djúpar, eða frá 240 m, sem var dýpt
fyrstu holu og allt niður í 2000 m.
Sameiginlegt er það öllum þessum
borholum að lögurinn, sem úr þeim
kemur, hefir nokkurnveginn sömu
eiginleika. Þetta vatn er óhæft til
beinnar upphitunar, þar sem kísill
myndi fylla allar leiðslur á skömm-
um tíma, auk þess sem tæringar-
vandamál torvelda eðlilegan rekst-
ur hitaveitunnar. Holurnar voru
virkjaðar með hliðsjón af þessari
staðreynd og upphitunarvandamál-
ið leyst með því að setja upp varma-
skipta, þar sem ferskt vatn er hitað
upp með gufunni úr jarðsjónum,
sem kemur úr holunum. Jarðsjórinn
er þannig nýttur niður í 70 °C, en
við það hitastig er hann látinn renna
út í hraun. Þegar jarðsjórinn kemur
út úr orkuverinu er selta hans trú-
lega orðin nálægt seltu úthafs sjáv-
ar, þar sem talsvert magn upphaf-
legs vatns í formi gufu hefir farið til
upphitunar á ferskvatninu.
Saltvatnið sem þannig rennur út
írá varmaorkuverinu er allt að 1000
tonnum á klukkutíma, en það er
þetta saltvatn sem hefir nú myndað
FAXI 15