Faxi - 01.01.1991, Blaðsíða 25

Boddý-bílar og brúsahús
Nokkuð var um að vörubílar voru
notaðir til mannflutninga (hóp-
ferða) og þá í lengri ferðir var sett
„boddý" á bílpallinn í hvert sinn er
ferð var farin. Boddý var hús úr
timbri en enginn botn. Bílpallurinn
var botninn en trébekkir þvert yfir
pallinn og oft ein eða tvær rúður
fyrir útsýnið. Hurð var á hliðinni, en
ef boddýið var með bekkjum til
beggja hliða var hurð að aftan og í
báðum tilfellum notuð þriggja
þrepa trapþa við inngang.
Um 1930 voru vörubílar hér um
slóðir notaðir til að flytja fiskvinnslu-
fólk aö og frá vinnu og einnig að og
frá vinnu í matartíma en þá voru
venjulega aðeins notaðir bekkir
þvert yfir pallinn en engin yfirbygg-
ing. Þegar stuttar ferðir voru farnar
svo sem til kirkju á skemmtanir,
fundi, mannamót og berjaferðir
voru oft aðeins notaöir bekkir.
Allir bændur komu með mjólkina
í mjólkurbrúsum aö þjóðveginum,
ýmist á ákveðinn stað á klöpp eða
þá í kofa sem ýmist voru gerðir úr
torfi og grjóti. Þannig var þetta þar
til skipað var að hafa brúsana ekki
úti heldur þar sem sól kæmist ekki
að þeim um sumartímann því þá
vildi mjólkin súrna. Að því kom að
sumir bændur sameinuðust um aþ
steypa lítil hús þar sem líka væri
unnt að láta inn matvæli svo snjór
og regn yrði ekki til skaða. Ekki
mátti koma með mjólkina að kvöldi
aö þjóðveginum heldur geyma
liana heima á köldum stað í vatns-
bóli. Ekki voru brúsapallar i minni
tíð en um þá frétti maður að þeir
væru komnir til sveita þar sem mikil
mjólkurframleiðsla var og þá oft
notaðir 501 brúsar, en þegar tankbíl-
ar komu til mjólkurflutninga varð á
mikil breyting til bóta og þá um likt
leyti kælitækin sem gerði mjólkina
verðmeiri fyrir bændur.
í minni mjólkurbílatíð var öll
mjólk flutt frá búinu á Selfossi í 50 1
brúsum til samsölunnar í Reykjavík.
Var nokkur eftirspurn eftir slíkum
brúsum til landabruggunar sem í þá
tíð var vítt og breytt um landið,
þóttu svona stórir brúsar hentugir
til að sjóða í eða eima gerjunarlög-
inn. Kunna margir eldri bílstjórar
ýmsar sögur frá viðskiptum sinum
við bruggara og þá gjarnan í sam-
bandi við ríkisembættismanninn
Björn Blöndal, sem 1930-^40 var
opinber starfsmaður dómsvalds Is-
lands og var hans aðalverkefni að
fara um allt Island til að hafa uppi á
bruggurum og koma þeim í lögreglu
eða sýslumannahendur. Var það
fyrsti og síðasti embættismaður í
slíku starfi, sem síðan færðist ein-
göngu til lögreglunnar. Mætti margt
skrifa um viðskipti Björns við
bruggara á fjórða áratugnum. Þar
voru bílstjórar, og sér í lagi mjólkur-
bílstjórar hér á Suðvesturlandi, í
stóru hlutverki. Þeir voru þó oft
miðlarar („miðill") fyrir þá sem lítt
þekktu framleiðendur, en allir
græddu sinn með hverjum hætti.
Það var talinn ókurteisi ef vínandi
0
SAMVINNUBANKI
ÍSLANDS HF.
UMBOÐ ÚRVAL - ÚTSÝN HF.
í KEFLAVÍK Oa NÁGRENNI
Við veitum alla innlenda ferðaþjónustu innan lands sem utan
SOLARLANDAFERÐIRNAR LANDSKUNNU
EINSTAKLINGSFERÐIR
SÉRSTAKAR HÓPFERDIR
GOLF- OG ÍÞRÓTTAFERÐIR
FERDARÁÐGJÖF
■/ HELGI
Hafnargötu 79 - 230 Keflavik - Simi 92-15660 - Kennit. 18.03.41-5799
FAXI 25