Faxi - 01.01.1991, Blaðsíða 30

Sú skemmtilega staða er nú í Úr-
valsdeildinni í körfuknattleik, að
Suðurnesjaliðin eru í efstu sætun-
um. Njarðvík leiðir A riðilinn með
30 stig eftir 19 leiki og Kefalvík leið-
ir B riðilinn með 30 stig eftir 19 leiki.
Þá er Grindavík í þriðja sæti í sínum
riðli.
Keppnin í vetur hefur ekki verið
frábrugðin fyrri vetrum, hvað það
snertir, að fljótlega skáru nokkur lið
sig úr og skildu keppinauta sína eftir
svo að segja í starthoiunum. Fimm
lið eru í hvorum riðli og eftir að
riðlakeppninni lýkur fara tvö lið í úr-
slitakeppnina. í A riðli tók Njarðvík
strax forystuna og hefur aðeins tap-
-að fjórum leikjum, en KR og Haukar
hafa barist um annað sætið. Stendur
KR þó betur að vígi með 22 stig á
móti 18 stigum Hauka. Allt getur þó
gerst í þeim leikjum sem eftir eru og
treysti ég mér ekki til að spá í þau úr-
slit.
í B riðlinum hefur keppnin verið
enn harðari. Tindastóll hefur verið
það lið sem mest hefur komið á
óvart í vetur. Snemma vetrar gekk
Pétur Guðmundsson fil liðs við liðið,
ásamt ágætum.tékkneskum leik-
manni og einnig Einari Einarssyni
frá Keflavík. Liðið fékk fljúgandi
start og trónaði á toppi riðilsins um
áramót. Keflavík og Grindavík
fylgdu þó fast á eftir.
í fyrstu leikjunum eftir áramótin
komu alvarlegir brestir í leik Tinda-
stóls, þegar Pétur gat ekki leikið
með í nokkrum leikjum vegna
meiðsla. Kom þá í ljós, að hann leik-
ur það mikilvægt hlutverk í liðinu,
að það er enginn sem getur komið
í hans stað. Á sama tíma náði Jón Kr.
Gíslason, þjálfari ÍBK frábærum ár-
angri með lið sitt og hefur það unnið
síðustu fimm leiki. Grindvíkingar
hafa staðið sig vel í vetur og undir
stjórn Gunnars Þorvarðarsonar eru
þeir líklegir til að komast í úrslita-
keppnina. Jóhannes Kristbjörnsson
gekk til liðs við liðið í vetur og hefur
það haft mikið að segja.
Hér verður ekki tíundaðaður ár-
angur einstakra leikmanna, það
verður látið bíða, þar til úrslita-
keppnin hefur farið fram. Rétt er að
nota þetta tækifæri til að hvetja fólk
til að mæta á þá leiki sem eftir eru
í vetur, því oft á tíðum má sjá góðan
körfuknattleik og í flestum tilfellum
eru leikirnir gífurlega spennandi.
HH.
30 FAXI