Faxi - 01.04.1991, Blaðsíða 30

He/ga Óskarsdóttir:
FAXI GEYMIR
VALIÐ EFNI
IAGÆTUM FRAGANGI
Eftir að hafa lesið FAXA í gegnum árin, tel ég ástæðu til á tímamótum,
þegar Faxafélagið er orðið hálfra alda gamalt svo og tímaritið FAXI 50
ára, að láta í ljós þakklæti til forráðamanna blaðsins fyrr og nú fyrir merki-
legt framlag.
Ég tel það virkilega þess virði að vera kaupandi að slíku blaði, sem hef-
ur gildi.
Blaðið geymir sögulegan fróðleik frá Suðumesjum ásamt mörgu öðru
uppbyggilegu og forvitnilegu efni sem vert er að gefa gaum. Eflaust munu
einhvetjir vera mér sammála um að sum tölublöð séu áhugaverðari en önn-
ur, það fer eftir því hvað lesandinn er að leita eftir og hvaða kröfur hann
gerir til ritaðs máls.
Að fletta í gegnum gömul blöð FAXA og fram til dagsins í dag koma
glögglega í ljós þær gífurlegu breytingar sem hafa orðið á kjörum og lífí
fólks og um leið hvað tíðarandinn hefur breyst. FAXI er ágætis blað til að
leita að heimildum í ritgerðarefni. Ég geta talað af eigin reynslu. Til þess
að FAXI verði gott heimildablað fyrir Suðumesin verður ritnefndarfólk að
vera vel vakandi nú sem áður fyrr.
Ein af þeim stórkostlegu breytingum sem hafa orðið á Suðumesjum á
síðari árum er tilkoma Fjölbrautaskóla Suðumesja. Innan veggja hans fer
fram áhugaverður fróðleikur. Oft hef ég hugsað um hversu spennandi væri
að birta einstakar ritgerðir nemenda en ég er sannfærð um að ýmislegt efni
frá þessu unga skólafólki af Suðumesjum ætti virkilega erindi í FAXA. Ég
tel ástæðu til að vekja athygli á þessum möguleika.
Alltaf er eitthvað nýtt að gerast frá ári til árs. Ég sé FAXA fyrir mér með
svipuðu sniði og verið hefur, vil leggja sérstaklega áherslu á góð tengsl við
skólana, atvinnulífið, huga að tómstundum fólks. Þá hef ég í huga bæði þá
sem yngri eru og eldri. Listsköpun hvers konar, t.d. tónlist, ljóðlist, mynd-
list og byggingalist. Þá má nefna viðtöl við eldri borgara, margur maður-
inn býr yfir dýrmætri reynslu og um leið fróðleik sem bagalegt er að glat-
ist.
Einnig er náttúm- og umhverfisvernd mjög áhugaverð efni í okkar ágæta
blað FAXA svo sitthvað sé nefnt.
Ágætu Faxafélagar, þakka samfylgdina gegnum árin og óska ykkur góðs
gengis.
Með vinsemd,
Helga Óskarsdó
KEFLAVÍK
Gæsluvellir
Gæsluvellir Keflavíkurbæjar við Mið-
tún, Ásabraut og Heiðarból verða
opnir á tímabilinu 2. maí til 15. sept-
ember kl. 9-12 og 13-17 alla virka
daga nema laugardaga.
Börnum er heimilt að hafa með sér
drykkjarföng, þó ekki gosdrykki.
Félagsmálastofnun Keflavíkurbæjar
9Útivistasrtími
barrta
Samkvæmt lögum um útivistartíma barna
á tímabilinu 1. maí til 1. september, er
börnum 12 ára og yngri ekki leyfilegt að
vera á almannafæri eftir kl. 22 nema í
fylgd með fullorðnum.
Sömuleiðis er börnum yngri en 15 ára
óheimil útivist eftir kl. 23 nema í fylgd
með fullorðnum eða á heimleið frá
viðurkenndri æskulýðsstarfsemi.
Félagsmálastofnun Keflavíkurbæjar
98 FAXI