Faxi - 01.01.1993, Blaðsíða 27

Minning
Kristján Sigmundsson
málarameistari
Fæddur 12. janúar 1916 - Dáinn 18. janúar 1993
Kristján Sigmundsson lést mánu-
daginn 18. janúar 1993, rétt sjötugur
að aldri.
Kristján fæddist 12. janúar 1916 í
Fíflholtum, Hraunhreppi, Mýrasýslu.
Foreldrar voru Sigmundur Guð-
mundsson bóndi þar, f. 28. apríl 1876
í Hjörsey, d. 2. janúar 1952 og kona
hans, Soffía Kristjánsdóttir, f. 29.
júní 1877 að Kaldárbakka í Kol-
beinsstaðahreppi, Hnappadalssýslu,
d. 13. maí 1968.
Eins og að líkum lætur ólst Kristj-
án upp við öll algeng störf til sveita á
þeim tíma og kynntist þar eð vinnu-
aðferðum, vinnusemi og dugnaði,
sem fólk fætt á síðustu öld flutti með
sér yfir á tuttugustu öldina.
Fljótlega eftir fermingu stundaði
Kristján ýmis önnur störf, svo sem
vegavinnu á sumrin og sjóróðra
haust og vetur, enda öðlaðist hann
haldgóða verkkunnáttu í hvívetna og
var sama að hvaða verki hann gekk.
Árið 1945 urðu þáttaskil í starfs-
ævi Kristjáns, en þá hóf hann málara-
nám í Keflavík hjá Guðna Magnús-
syni málarameistara, mætum heiður-
smanni, sem óhætt var að taka til fyr-
irmyndar í hvívetna.
Hann lauk síðan prófi frá Iðn-
skólanum í Keflavík og sveinsprófi
1949 eins og til stóð. Að nárni loknu
stundaði Kristján iðn sína, svo að
segja til hinstu stundar.
Árið 1957 urðu aftur nokkur þátta-
skil í starfsævi hans, en þá stofnuðu
málarameistarar á Suðumesjum með
sér hlutafélag sem hlaut nafnið
Málaraverktakar Keflavíkur hf. og
starfaði Kristján á þeim vettvangi
eftir það og síðast sem lagerstjóri hjá
því fyrirtæki sem kallast í daglegu
tali M.V.K.
Okkur sem starfað höfum með
Kristjáni síðustu 30 til 50 árin er vel
Ijóst að hann var mörgum góðum
hæfileikum gæddur, þó svo að hann
flíkaði því ekki við alla.
Það vita fáir af þeim sem hafa
kynnst honum seinni árin að hann
var með gott tónlistareyra og lék á
hannoniku á sínum yngri árum, þeg-
ar því var að skipta, þó lífsbaráttan
gæfi honum ekki kost á að læra til
slíkra hluta.
Fljótlega eftir seinni heimsstyrjöld
eða rétt fyrir 1950 Outtist mikið af
fólki víðsvegar að til Suðvesturlands
og Suðumesja.
Kristján og við sumir af félögum
hans urðunt þeimar ánægju aðnjót-
andi að starfa með hagyrðingum
bæði úr Þingeyjarsýslu, Skagafirði
og frá Snæfellsnesi. Þá kom í ljós að
Kristjáni var létt um að kasta fram
vísu, þegar hagyrðingamir beindu
skeytum sínum hver að öðrunt, en
náttúrulega var ekki alltaf dýrt kveð-
ið.
Mér er minnisstæð ferð, sem við
fómm 6 vinnufélagamir á hesta-
mannamót í Skagafirði 1953 eða
1954, í boði Jóhanns Magnússonar
frá Vannalæk, sem var góður hag-
yrðingur eins og margir í hans ætt. Þá
urðu margar vísur til, flestar týndar
en Kristján tók þátt í því nteð góðum
árangri.
Það er margt fleira sem kemur upp
í hugann, en því verður ekki gerð skil
í stuttri grein.
Kristján var hamingjusamur mað-
ur. Hann gekk að eiga eftirlifandi
konu sína, Kristínu Guðmundsdótt-
ur, 1943 og eignuðust þau fjögur
mannvænleg böm. Haft er fyrir satt
að böm þarfnist frekar fyrinnyndar
en gagnrýnenda. Það höfðu bömin
þar sem Kristján var, en stundum
veitir maður svo sjálfsögðum hlut
litla athygli í önnum dagsins.
Við félagamir í M.V.K. söknunt
vinar í stað og áttum ekki von á svo
snöggum umskiptum. þótt enginn
viti hvenær kallið kemur.
I>að kveða við klukkur ífjarska.
I>að kalla mig dulin völd.
Nrí lieyri ég hljómana líða
ég hringist til guðs í kvöld.
(Stefán frá Hvítadal).
Við þökkum allar ánægjustundim-
ar með vini okkar og vitum að minn-
ingin unt eiginmann, föður og afa
varpa birtu fram á ófama braut ykkar
sem lifið.
Okkar innilegustu samúðarkveðj-
ur. Blessuð sé minning um góðan
dreng.
Þorbergur Friðriksson.
MUNIÐ
ORKU-
REIKNDIGANA
Eindagi orkureikninga er
15. hvers mánadar.
Látið orkureikninginn
hafa forgang
Suðurnesja
FAXI 27