Faxi - 01.04.1993, Blaðsíða 16

Ásgeif Einarsson sjötugur
Hinn 4. maí s.l. varð Ásgeir
Hálfdán Einarsson skrif-
stofustjóri sjötugur. Að því
tilefni bauð hann vinum og vanda-
mönnum til afmælisfagnaðar í húsi
frímúrara í Njarðvík. Veislan var
fjölmenn og í alla staði hin ánægju-
legasta, enda fjölskylda Ásgeirs stór
og vinir hans margir. Barst honum
fjöldi ámaðaróska og gjafa í tilefni
þessara tímamóta í lífi hans.
Ásgeir fæddist hinn 4. maí 1923 á
Isaftrði, fjórði í röð sjö systkina. For-
eldrar hans voru Einar Guðmundur
Eyjólfsson fiskmatsmaður og Helga
Margrét Jónsdóttir. Hann ólst upp á
ísafírði en hélt síðan til náms við
Verslunarskóla Islands og lauk það-
an verslunarpróft vorið 1945. Hinn
16. júní sama ár kvæntist hann eigin-
konu sinni Guðrúnu Katrínu Jónínu
Ólafsdóttur f. 9. október 1926, dóttir
Ólafs Sólimanns Lámssonar útgerð-
armanns og konu hans Guðrúnar
Fanneyjar Hannesdóttur. Eiga þau
Ásgeir og Guðrún sex dætur og tvo
syni. Þau eru: Guðrún f. 1945, Ólöf
Birgittaf. 1947, Ása Margrét f. 1948,
Auður. f. 1949, Hulda Sjöfn f. 1951,
Ólafur Sólimann f. 1953, Ásgeir f.
1955 og Svafa Hildur f. 1956.
Það er mikil nauðsyn hverju bæj-
arfélagi að sem hæfastir einstakling-
ar fáist til að starfa að hinum ýmsu
málaflokkum í byggðarlaginu. Við
Keflvíkingar áttum því láni að fagna
að Ásgeir Einarsson gaf kost á sér til
starfa fyrir bæjarfélagið. Hann var
varabæjarfulltrúi í Keflavík árin
1950-1952 og bæjarfulltrúi 1952-
1958, í bæjarráði 1952-1954. Hann
átti sæti íNiðurjöfnunamefnd og síð-
ar í framtalsnefnd 1950-1990. I
stjóm Sérleyfisbifreiða Keflavíkur
1950-1990. í stjóm Rafveitu Kefla-
víkur 1952-1954. í yfírkjörstjóm
bæjarins 1958. í yfirkjörstjóm
Reykjaneskjördæmis 1959-1970.
Formaður fulltrúaráðs Alþýðu-
flokksins í Gullbringu- og Kjósar-
sýslu 1955-1959 og síðan Reykja-
neskjördæmis til 1969. í flokksstjóm
Alþýðuflokksins 1976-1978. For-
maður bæjar- og héraðsbókasafnsins
í Keflavík 1961-1970 og 1974-1978.
Ásgeir átti sæti í byggingamefnd
flugstöðvar til að sjá um undirbúning
og byggingu nýrrar flugstöðvar á
Keflavíkurflugvelli 1970-73 og frá
1978 til 1991 er nefndin hætti störf-
um. Hann var ennfremur fram-
kvæmdastjóri byggingar Flugstöðvar
Leifs Eiríkssonar frá 1988-1991.
Mér em störf Ásgeirs í sérleyfis-
nefnd minnisstæðust, en í þeirri
nefnd átti hann sæti samfellt í 40 ár
og var formaður síðustu fjögur árin.
Sérleyfið eða SBK eins og við köll-
um það daglega hefur átt sína góðu
daga og einnig erfiða tíma. Það er al-
veg víst að traust stjóm Ásgeirs og
samnefndarmanna hans átti stóran
þátt í því að fyrirtækið hélt velli þeg-
ar erfiðast gekk. Samheldni nefndar-
manna og starfsfólks fyrirtækisins
var með ágætum þegar mest á reyndi
og fleytti því í gegnum eifiðleiktíma-
bilin. Þar naut Ásgeir þeirra hæfi-
leika sinna; þrautseigju og baráttu-
gleði sem duga til að yfirstíga erfið-
leikana.
Að loknu námi vann Ásgeir við
skrifstofustörf í Reykjavík til ársins
1947, en þá flutti fjölskyldan til
Keflavíkur. Hann rak efnalaug í
Keflavík 1947-50. Var aðalbókari
Kaupfélags Suðumesja 1950-55.
Rak síðan eigin verslun í Keflavík
1955- 56. Frá árinu 1957 hefur Ás-
geir gegnt stöðu skrifstofustjóra
Flugmálastjómar á Keflavíkurflug-
velli. Það starf hefur Ásgeir leyst af
hendi með miklum ágætum eins og
annað, sem hann hefur tekið sér fyrir
hendur. Víst er að margir munu
sakna hans á þeim vettvangi þegar
hann verður að láta af störfum síðar á
árinu vegna aldurs, samkvæmt lög-
um, þó svo að starfsþrekið sé enn
með ágætum. Um árabil aðstoðaði
Ásgeir fjölda fólks við gerð skatt-
framtala, einnig var hann lengi end-
urskoðandi Sjúkrasamlags Keflavík-
ur, Hraðfrystihúss Keflavíkur hf„
Verkalýðs- og sjómannafélags Kefla-
víkur og nágrennis og Kaupfélags
Suðumesja þar sem hann er enn fé-
lagslegur skoðunarmaður.
Ásgeir Einarsson hefur alla tíð
verið ötull baráttumaður jafnaðar-
stefnunnar. Hann var einn af stofn-
endum Félags ungra jafnaðannanna í
Keflavík árið 1949 og átti sæti í
fyrstu stjóm þess. Hann tók við for-
mennsku síðla sama árs og gegndi
henni til 1955. Hann átti síðan um
árabil sæti í stjóm Alþýðuflokksfé-
lags Keflavíkur. Þau hjónin önnuðust
um 14 ára skeið dreifingu Alþýðu-
blaðsins hér í bæ og var það starf oft
æði tímafrekt.
Allir sem starfað hafa með Ásgeiri
þekkja samviskusemi hans og dugn-
að. Hann hefur ávallt verið reiðubú-
inn til að starfa fyrir byggðarlag sitt.
Og öll sín störf hefur hann leyst af
hendi með stakri prýði eins og þeir
sem hafa unnið með honum vita best.
Fyrir allt þetta erum við Ásgeiri afar
þakklát.
Síðastliðin tvö og hálft ár hafa þau
Ásgeir og Guðrún búið í Reykjavík,
en taugamar til Keflavíkur eru sterk-
ar og þau munu nú á næstunni flytja
hingað á ný og setjast að í nýrri íbúð
að Kirkjuvegi 14. Unt leið og ég býð
þau hjartanlega velkomin óska ég af-
mælisbarninu og fjölskyldu hans
allra heilla á komandi tímum.
Guðfinnur Sigurvinsson.
Þúfærð ríflegan
skattaafslátt og ríkulega
raunávöxtun á Sparileið 5
Sparileið 5 er tvímœlalaust ein arðvœnlegasta
sparileiðin á fjármagnsmarkaðinum.
Leið að eigin húsnœði.
Leið að eigin varasjóði.
Leið til lœkkunar á sköttum.
Því ekki að líta við
ogfá nánari
upplýsingar. ÍSLANDSBANKI
Upplýsingar um allar ferðir í
SÍMSVARA
11590
Sérleyfisbifreiðir Keflavikur
Sími 92-15551
80 FAXI