Faxi - 01.12.2006, Blaðsíða 17

irminnilegur, tók í nefið og var nokkuð sérvit-
ur. Hann byggði sér glæsilegt hús á þeim stað
er áður er nefndur. Á jarðhæð var gert ráð fyrir
tveimur verslunum og hóf Sölvi kaupmaður
að versla þar með matvöru en Sigríður, kona
Halldórs, verslaði með vefnaðarvöru. Halldór
vann uppi á flugvelli og var sagður hafa góð
sambönd, bæði þar og í banka í Reykjavík.
Hann virtist oft vera flott á því og bar sig eins
og maður sem hefur úr nógu að spila. Hann var
gæðadrengur þrátt fyrir misjafnt skap.
Uti á homi í næsta húsi við dugnaðarmanninn
Jón í Garðshomi bjó Einar í sjoppunni ásamt
konu sinni Ástu Júlíusdóttur og sonunum Júlí-
usi og Bjarna, sem ég minnist sérstaklega.
Við Bjarni voram góðir leikfélagar en Júlíus
var nokkuð eldri og því ekki í okkar hópi.
Hann hjálpaði hinsvegar oft föður sínum við
afgreiðslu í sjoppunni og útréttaði fyrir hann
því Einar faðir hans var bundinn við hjólastól.
Þessi sjoppa lífgaði mjög upp á götuna og var
eina sjoppan í Keflavík.
Það er ánægjulegt að líta til baka og sjá hvað
þetta góða og duglega fólk gerði mannlífið
skemmtilegt á þessu litla svæði, sem iðaði af
öllum tegundum rekstrar og búsetu. Þama var
útgerð Jóns í Garðshorni neðan götunnar og
lítil bryggja þar skammt frá. Vestar í götunni
bjó skósmiðurinn Gunnar Árnason og gerði
við það sem aflaga fór undir fótum íbúanna.
Á horninu skammt frá skáhallt gegnt Klamp-
enborg vestanmegin bjó Helgi læknir ásamt
ijölskyldu sinni. Sonur hans, Mundi lækn-
isins, var einn af vinsælli mönnum í Keflavík.
Hann tók þátt í útgerð og keyrði leigubifreið
í hjáverkum. Hann var einstaklega hjálpsam-
ur og átti það til að keyra fólk án endurgjalds
ef illa stóð á. Á móti þeim bjó Friðmundur
skipstjóri og útgerðarmaður ásamt fjölskyldu.
Skáhallt gegnt honum hinumegin götunnar
bjó Sverrir Júlíusson, útgerðarmaður og síðar
alþingismaður. Handan Aðalgötunnar austur af
sjoppu Einars var svo Skúlabílastöðin. Skúli sá
er stöðin var kennd við keyrði áætlunarbílinn
til Reykjavíkur í samkeppni við Steindórsbíl-
ana sem stoppuðu hjá Ingimundi kaupmanni
í Hafnargötunni, næstu götu fyrir neðan Tún-
götu.
Keflavík og New York
Eg vil að þú sem lest þessar línur áttir þig á
því að þegar ég var lítill gutti í Keflavík fannst
mér sem ég byggi í borg. Mér fannst það sama
er ég bjó í Keflavík þrisvar sinnum í skamman
tíma í senn, síðast árið 1974, og þetta finnst mér
enn þann dag í dag. Samt sem áður var Kefla-
vík þorp í eðli sínu er ég man fyrst eftir mér
á stríðsárunum með þeim góðu kostum er því
fylgdu. Húsum var ekki læst að nóttu, mjólk-
urbrúsinn var úti á tröppum, hestar á túnum og
blettum og fiskur breiddur við bæjardyrnar. En
saml vantaði ekkert sem borg hefur upp á að
bjóða. Listalíf blómstraði undir dyggri forystu
skátahöfðingjans Helga S. Jónssonar. Kvik-
myndahús vantaði ekki heldur, gott ef þau voru
Milli 60 og 70 marns sótiu minningarathöfnina í Útskálakirkjugarði og kaffisamsæti œttingj-
anna í Flösinni. A myndinni er Einar G. Olafsson ásamt dætrum og öðru skylduliði að lokinni
athöfn. Ljósm. Faxi.
ekki tvö. Á ég þar við svokallað Verkó. Þetta
myndarlega kvikmyndahús sem öllu tók fram
var rekið af athafnamanninum Eyjólfi Ásberg.
Þar var líka matsala sem Kristján Gíslason úr
Þykkvabæ stjómaði. Mér er einnig kunnugt
um að í Ungó, þ.e.a.s. Ungmennafélagshúsinu,
aðalskemmtistað Keflvíkinga á þessum árum
stjórnaði Margeir Jónsson einnig kvikmynda-
sýningum. Margeir rak litla reiðhjólaverslun
og gerði við reiðhjól okkar krakkanna. Þetta
verkstæði var staðsett ofarlega á Hafnargöt-
unni. Margeir var afar vinsæll maður, barn-
góður og hjálpsamur, ekki bara þá heldur alla
tíð, einnig eftir að hann varð allumsvifamikill
útgerðarmaður og fiskverkandi í Keflavík. I
Keflavík var einnig leigubifreiðastöð sem opin
var allan sólarhringinn.
Mat mitt er að sumu leyti huglægt en samt
ekki að öllu leyti. Því fer ljarri. í Keflavík varð
ég aldrei var við smáborgarabrag eða neins-
konar undirlægjuhátt, menn tóku fljótt saman
höndum eftir kosningar, rétt eins og þær hefðu
ekki farið fram. Það er ef til vill djarft til orða
tekið en mér finnst alltaf eitthvað líkt með
Keflavík og New York.
Einar G. Ólafsson
Oskum öllum
Suðurnesjamönnum
gleðilegra jóla
ogfarsœls komandi árs,
með þökk fyrir það liðna.
GRÓFIN 13c - KEFLAVÍK - SÍMI 421 4388 - FAX 421 1180
FAXI 17