Búfræðingurinn - 01.01.1948, Blaðsíða 26

24
BÚFRÆÐINGURINN
kjötsframleiðslan á mann, sem starfað liefur að landbúnaði,
hefur því þrefaldazt á þessum 45 árum. Tala sauðfjár í landinu
hefur hinsvegar breytzt fremur lítið.
Árið 1901 var sauðfé talið 482 þúsund, en 1945, var það 532
þúsund. Flest hefur það orðið 1933, 728 þúsund.
Sýnir þetta hve afurðir hverrar kindar hafa vaxið á þessu
tímabili og má þakka það bættri fóðrun samfara kynbótum.
Talið er að framleiðsla af öðru kjöti en kindakjöti hafi 1901
numið 1.050 smálestum, en 1945 nam hún 3,839 smálestum og
hefur því næstum fjórfaldazt á þessu tímabili. Framleiðsla
annars kjöts en kindakjöts á mann, sem hefur unnið að land-
búnaði, hefur því næstum því fimmfaldazt á þessu tímabili.
Nautgripum hefur fjölgað mikið. Árið 1901 voru 25,674
nautgripir í landinu en 1945 voru þeir 37,196, og nú eru kálfar
víða aldir til slátrunar þar til þeir eru 1/2— U/£ árs gamlir.
Mjólkurframleiðslan liefur aukizt úr 38 þúsund smálestuin
1901, í 80 þúsund smálestir 1945 eða ineira en tvöfaldazt.
Ullarframleiðslan hefur vaxið úr 600 smálestum 1901 í 665
smálestir 1945, en varð mest um 1930 eða 863 smálestir.
Eggjaframleiðslan hefur á sama tíma vaxið úr 22 smálestum
í 539 smálestir, enda hefur alifuglum fjölgað mjög á þessu
tímabili.
Þessar fáu tölur sýna, hve þróunin hefur verið mikil og ör
á sviði búfjárræktarinnar, það sem af er þessari öld. Hér fer
saman stórkostleg framleiðsluaukning eftir hvern mann, sem
landbúnað stundar, og eftir hverja skepnu, sem nytjuð er.
Ekki er hægt að tala svo um þróun búfjárræktarinnar, að ekki
sé um leið rætt um þær miklu framfarir, sem orðið hafa í allri
meðferð og nýtingu búfjárafurða á þessu tímabili.
Fyrr á öldum og fram yfir síðustu aldamót var verkun,
geymsla og öll meðferð búfjárafurða hér á landi misjöfn og sum-
staðar slæm.
Á betri heimilum var ávallt gerður góður matur úr búfjár-
afurðunum og unnið úr ull og skinnum. En aðstaðan til mat-
vælageymslu var ill. Smjör og skyr var geymt súrt, kjöt, sem
ekki var notað nýtt í sláturtíð, var reykt eða saltað,, en oft munu