Búfræðingurinn - 01.01.1948, Blaðsíða 65

BÚFRÆRINGURINN
63
sem Matthías orti eftir konu sína, er hann missti hér, sé guð-
dómlegasta kvæði, sem til er á íslenzku. Sjaldan er lrugsað um,
hvað dýrustu perlur bókmenntanna hafa kostað þá, sem skópu
þær. En það er enginn tími til að hugsa um þetta nú. Við erum
á skemmtiferð og skulum njóta stundarinnar sem líður.
Nú erum við í Mosfellssveit. Ekki þykir mér þar landslagið
fagurt, en þar er þéttbýli, byggingar miklar og töðuvellir stórir.
Þegar við komum að Brúarlandi, var þar fyrir hópur bænda úr
nágrenninu, er tók á móti okkur. Þar var Bjarni Ásgeisson
búnaðarmálaráðherra, Kristinn Guðmundsson bóndi á Mos-
felli, formaður Búnaðarsambands Kjalarnesþings og fleiri nafn-
kunnir menn. Hér var okkur boðið til veizlu og sátum við
liana í boði sambandsstjórnar Kjalarnesþings. Hér voru margar
ræður fluttar. Fyrstur talaði formaður sambandsins. Bauð hann
Skagfirðinga velkomna til Kjósarsýslu. Hann kvað sér það á-
nægju að taka á móti þeim, og lét þess getið, að þeir væru sér að
góðu kunnir frá dvöl sinni í Skagafirði. Hann ræddi nokkuð um
nauðsyn bændaferða, og einnig um erfiðleika þá, sem á því
væru að fara för slíka sem þessa, þar sem bændur væru mjög
störfum hlaðnir, og ættu síður heimangengt en aðrar stéttir
þjóðfélagsins. Hér töluðu og fleiri bændur úr nágrenninu.
Gátu þeir um hinar fjölmennu ferðir Norðlendinga, fyrr á tíð,
er þeir sóttu til sjóróðra á Suðurnes, en Sunnlendingar fóru
norður í kaupavinnu á sumrin. Ræðumenn gátu um að í ferð-
um þessum hefðu oft verið þrekraunir miklar, en þó hefðu
þær mörgum reynst mikils verður skóli, og að þeim orðið land-
kynning góð. Búnaðarmálaráðherra talaði um gagnsemi bænda-
ferða, og gildi samvinnunnar fyrir þróun landbúnaðarmála.
Kvað hann svo að orði, að þó einstaklingshyggjan gæti verið
að mörgu leyti góð, þá hlyti liún þó að þoka að nokkru fyrir
félagshyggju og samhug. Þorbjörn bóndi á Geitaskarði kvaddi
sér hljóðs. Hann ræddi um mikilvægi bændasamtaka. og nauð-
syn jjess að jiau stæðu vel á verði, um að fylkja liði gegn erfið-
leikum og öflum þeim, er landbúnaðinum gætu orðið að skaða.
Jón á Reynistað jjakkaði ræðurnar og hinar liöfðinglegu mót-
tökur sambands Kjalarnesþings.
Steingrímur búnaðarmálastjóri og Gísli Jónasson kennari