Búfræðingurinn - 01.01.1948, Blaðsíða 83
BÚFRÆÐINGURINN
81
Ekki dvöldum við lengi við að atlauga sýninguna að þessu
sinni. Samsýslungar okkar í Reykjavík buðu okkur að dvelja
með sér um stund, í einu af veitingahúsum bæjarins, og var því
boði vel fagnað. Hér hittust frændur og vinir og hófust brátt
fjörugar samræður. Hér var setzt að veitingum og margar ræð-
ur fluttar undir borðum. Þá var og sungið og lesin kvæði. Að
því búnu hófust samræður, því að margir þurftu að spyrja frétta
og ræða við góðkunningja sína. Mörgum þótti stundin naum,
er við sátum hér enda var hún hin ánægjulegasta. Mörg hlý orð
féllu í garð Skagafjarðar í samsæti þessu, og sannaðist hér enn
hið fornkveðna, að „römm er sú taug, er rekka dregur föður-
túna til“.
Að samsætinu loknu kvöddum við bæjarmenn og þökkuðum
ágætar móttökur. Var nú enn stigið í bílana og ekið til Hafnar-
fjarðar. Þar sáum við skrúðgarð þeirra Hafnfirðinga, Hellis-
gerði. Hafnfirðingum er sómi að skrúðgarði þessum. Okkur
þótti mikið yndi að sjá beina og sterka bjarkarstofna breiða
laufkrónur sínar liátt yfir berar klappir, sem víða eru á milli
trjánna. Fjölbreyttur gróður er í gerðinu, og er það prýðilega
hirt og ágætlega umgengið. Þegar við höfðum litazt um eftir
vild í Hafnarfirði, ókum við aftur til Reykjavíkur.
Næsta dag var hópurinn dreifður, og kann ég fátt að greina
af störfum eða skemmtunum samferðafólksins þennan dag.
Margir munu þó hafa farið að skoða búnaðarsýninguna. Þar
var nóg verkefni, þó að þar hefði verið dvalið allan daginn.
Svo segja fróðir menn, að mikill munur hafi verið á sýningu
þessari og þeirri, sem haldin var 1921. Lætur það mjög að lík-
indum, því að miklu betri skilyrði voru nú en þá. Mun það
einmælt, að sýning þessi hafi vel tekizt. Vonandi líður ekki
fjórðungur aldar þangað til að næsta sýning verður haldin. Og
vonandi verður þá sýning þessi metin sem árroði nýrra tíma, er
fært hafa þjóðinni stórvirkar umbætur og vaxandi búnaðar-
menningu.
Við höfum nú dvalið tvo daga í Reykjavík og mátti það ekki
lengur vera. Nú var kominn fyrsti júlí, heimferðardagur og
ferðalok. Við áttum öll að mæta hjá Búnaðarfélagi íslands um
morguninn, og tókst það sæmilega stundvíslega. Góða liðsemd
6