Búfræðingurinn - 01.01.1948, Blaðsíða 87
BÚFRÆÐINGURINN
85
að ekki er hægt lengur að bíða endurbóta, hefðu forréttindi til
lántöku. Og það væri æskilegt, að þeir, sem enn geta beðið í eitt
eða tvö ár, drægju sig í hlé vegna hinna.
Fram til síðustu tíma hefur mikill hluti útihúsa og penings-
húsa verið skipulagður án uppdrátta eða fyrirsagna sérfróðra
manna. Þetta er líklega eðlilegt framhald af venjum frá gamalli
tíð. Engum manni datt í hug að byggja torfhús eftir uppdrætti.
Það þurfti heldur enginn að leita upplýsinga um skiþulag
þeirra bygginga. Þau voru reist í samræmi við aldagamalt bú-
skaparlag og aldagamlar byggingavenjur. En þessi gamli siður
gafst ekki eins vel, þegar búskaparhættir breyttust og ný bygg-
ingaefni komu til sögunnar. Menn eru ekki búnir að átta sig
fyllilega enn.
Með nýju lánalögunum komu strangari ákvæði um fyrir-
komulag og vöndun útihúsa. Áður en bygging hefst verða menn
nú að hafa samþykkta uppdrætti í höndum. Ef þessa er ekki
gætt getur það orsakað missi á rétti til lántöku, eða orðið þess
valdandi að lánið verði lægia og óhagstæðara, en annars hefði
þurft að vera. Sérstök ástæða er til að benda mönnum á að
gleyma ekki þessum nýju skilyrðum. Það er ekki skilyrði að
uppdrættirnir séu gerðir á teiknistofu landbúnaðarins, en þeir
verða að vera fyrir hendi og sendir þangað til samþykktar áður
en hús er reist.
Vönduð steinsteypuhús munu standa um langan aldur. Það
skiptir því miklu máli, að skipulag þeirra og svipmót sé eins
gott og verða má. Gamall málsháttur segir: „Betur sjá augu en
auga“. Bóndinn kemur með tillögur sínar og þarfir til sérfræð-
ingsins, en hann gerir athugasemdir og viðbótartillögur. Smátt
og smátt verður húsið til á pappírnum, síðar verður Jrað að
veruleika. Sérfræðingurinn er i stöðugu sambandi við aðra fag-
menn um allt það nýjasta og markverðasta í hverri grein, sem
varðar hverja tegund eða gerð húsa. Þegar um fjósbyggingar er
að ræða leggur dýralæknirinn, búfræðingurinn og mjólkur-
fræðingurinn sinn hlut til. Ef til vill hefur þó bóndinn lagt
okkur, sem vinnum á Teiknistofu landbúnaðarins, til stærsta
hlutinn. Hann hefur rniðlað okkur af fjölbreyttri reynslu sinni
við margs konar skilyrði. Okkar hefur síðan verið að velja og