Búfræðingurinn - 01.01.1951, Side 11
BÚFUÆÐINGURINN
9
II. Girðingalög (nr. 66, 22. nóv. 1913).
Hér verður aðeins getið nokkurra helztu atriða girðingalaganna.
1. gr. Styrkhæfar girðingar skulu að minnsta kosti vera 1 m á hæð.
Þó skulu girðingar fyrir kynbótagripi ekki vera lægri en 1.12 m.
Á jafnsléttu skal vírgirðing vera . ;........................... 5 strengja.
Sé hlaðinn 30 cm hár garður, skulu vera......................... 4 strengir.
2. gr. Milli stuðla (staura) má vera allt að 6 m.
3. gr. Ræktunarsjóði er heimilt að lána fé til girðinga.
4. gr. Sé tekið lán, skulu úttektarmenn taka girðinguna út og senda
stjórnarráðinu vottorð um, að hún sé gerð samkvæmt lögum.
5. gr. Þeir, er lán hafa fengið, skulu halda girðingunum vel við.
6. gr. Girðing, sem lán hefur verið veitl til, skal fylgja viðkomandi
jörð.
7. gr. Fari jörð í eyði, skal jarðeigandi greiða þau lán að fullu, er á
girðingum hvíla.
8. gr. Vilji ábúandi eða jarðeigandi girða á mörkum milli jarða og
samkomulag fæst ekki um girðingarkostnaðinn, er þeim, er vill girða,
það heimilt, og getur hann kvatt úttektarmenn hreppsins til að meta
notagildi girðingarinnar fyrir báða, og skal þá skipta kostnaðinum
eftir ])ví mati. Sá, er girðir, skal þó aldrei hafa rétt til meiri endur-
greiðslu, en sem svarar helmingi girðingarkostnaðar.
9. gr. Ef landamerki eru smákrókótt og ekki næst samkomulag um
beina girðingu, má til kveðja úttektarmenn, og skulu þeir þá ákveða
girðingunni stað. Girðing breytir ekki landamerkjum, nema um það
sé fullt samkomulag á milli hlutaðeigenda.
10. gr. Girðingu má ekki setja nær alfaravegi en svo, að 65 cm séu
milli vegarins og girðingarinnar. Gaddavírsgirðingu má ekki setja nær
alfaravegi en svo, að 5.65 m séu frá miðjum vegi til girðingar, og ekki
nær en svo, að 3.75 m séu frá vegarjaðri til girðingar.
11. gr. Eigi má gera girðingu yfir alfaravegi, nema hlið sé á fyrir
veginum.
12. gr. Ef girðing er illu strengd eða í vanhirðu, svo að fénaður
festist i henni eða hlýtur meiðsl af, skal girðingar eigandi sæta sektum
og auk þess greiða skaðahætur.
L