Búfræðingurinn - 01.01.1951, Side 123

Fyrsti Hvanneyringurinn
Um krossmessueytið árið 1889
liófst kennsla við Bændaskólann á
Hvanneyri. Aðeins einn nemandi
sótti. — Tímarnir voru erfiðir á
tveimur síðustu áratugum 19. ald-
arinnar. Það hefir því þurft bjart-
sýni og kjark til að hefja skóla-
starf með einum nemanda. Og
sennilega hefðu margir nemendur
guggnað og tekið aftur umsókn
sína við slíkar aðstæður. Síðan
hafa komið í Bændaskólann á
Hvanneyri um 1150 nemendur.
Fyrsti nemandi Bændaskólans á
Hvanneyri var Hjörtur Hansson.
Hann var fæddur að Hækingsdal
í Kjós 19. okt. 1863, og bjuggu
íoreldrar lians þar. Hann missti föður sinn ungur, kom í Borgarfjarð-
arhérað 25 ára gamall og dvaldist þar síðan alla ævi. Hann útskrif-
aðist frá Hvanneyri 1892. Árið 1895 kvæntist hann Gróu Símonar-
dóttur frá Ásgarði, keypti jörðina Grjóteyri í Andakílshreppi 1896 og
byrjaði búskap þar 1901. Hann hætti búskap 1931. En þá tóku börn
hans við jörðinni og búa þar enn, þau Óskar, Aðalsteinn og Kristrún.
A Akranesi búa Sigríður og Torfi og Gústaf í Reykjavík.
Hjörtur Hansson andaðist að heimili sínu 19. apríl 1950 og var jarð-
settur að Hvanneyri 1. maí. Fyrsti nemandi bændaskólans hér hvílir
því í Hvanneyrarmold.
G. I.