Búfræðingurinn - 01.01.1951, Side 130

Frá Bændaskólanum á Hvanneyri
1947—1951
Kennsla og kennaralið hefur verið með svipuðum hætti og áður að'
því fráskildu, að stofnuð var framhaldsdeild fyrir búfræðinga haustið
1947. Vísast um það efni til uppsagnarræðu, sem birt er framar í þessu
riti. í sambandi við framhaldsnámið var ráðinn nýr kennari við skól-
ann, Stefán Jónsson búnaðarkandídat, og hefur hans verið minnzt í 14.
árg. þessa rits. Aðrir starfsmenn hafa verið þeir sömu öll þessi ár,
ráðsmaður: Guðmundur Jóhannesson, fjósameistari: Ingólfur Magn-
ússon og heimilissmiður: Haraldur Sigurjónsson.
Nemendur. Veturinn 1947—1948 voru nemendur alls 36, þar af 8 í
framhaldsdeild, 19 í eldri deild og 9 í yngri deild. Veturinn 1948—
1949 voru nemendur alls 50, þar af 8 í framhaldsdeild, 15 í eldri deild
og 27 í yngri deild. Veturinn 1949—1950 voru tilsvarandi tölur 60, 6,
35 og 19 og veturinn 1950—1951 voru þær 55, 7, 30 og 18. Aðsókn
hefur því verið góð þessi ár. Fæðiskostnaður hefur verið þessi: 1947
—1948 kr. 15,95 á dag, 1948—1949 kr. 16,10 á dag, 1949—1950 kr.
19,25 á dag og 1950—1951 kr. 21,50 á dag. í þessu er innifalin þjón-
usta og öll vinna, því að piltar hjólpa aðeins að mjög litlu leyti til við
þjónustu eða matreiðslustörf.
Félagsskapur hefur verið með líku sniði og áður. Málfundafélög
starfa þrjú, eitt fyrir allan skólann, eitt fyrir yngri deild og það þriðja
fyrir eldri deild sérstaklega. Flestallir nemendanna taka til máls á
þessum fundum meira eða minna. Axel Andrésson og Kjartan Berg-
mann eru hér oftast um tíma á hverjum vetri til þess að kenna nem-
endum knattspyrnu og glímu.
Skemmtani.r eru fyrir heimafólk um flestar helgar. Aðalskemmtunin
hefur fallið niður 2 eða 3 undanfarna vetur. Þrjá síðastliðna vetur hef-
ur ekkert boð verið milli skólanna Hvanneyrar og Reykholts. Nemend-
ur Reykholtsskóla eru nú yngri en áður var og þykir því ekki jafnræði