Frjáls verslun - 01.04.2004, Blaðsíða 36

Ingibjörg
Óðinsdóttir, ráðgjafi hjá Mannafli. „Fólk er ekki að æviráða sig
í dag."
Mynd: Geir Ólafsson
Að skipta ört um starf!
Áður fyrr voru menn litnir hornauga og taldir vafasamir ef þeim hélst ekki á starfi.
I dag er enginn æviráðinn. Nú þykir sjálfsagt að skipta reglulega um vinnu.
Samantekt: Guðrún Helga Sigurðardóttir
Viðhorf starfsmanna og atvinnurekenda eru að breytast
og um leið umhverfið á vinnumarkaðnum. Áður fyrr var
reglan sú að menn voru á sama vinnustað árum eða ára-
tugum saman, allan tímann jafnvel í sama starfinu. Nú á
tímum skipta stjórnendur og starfsmenn reglulega um vinnu-
stað. Ingibjörg Oðinsdóttir, ráðgjafi hjá Mannafli, kannast við
þessa þróun. Hún segir að fólk sé skemur í starfi nú en fyrir
tíu til fimmtán árum.
„Þegar fyrirtækin ráða fólk nú um stundir er ekki víst að
um framtíðarstarf sé að ræða. Það er stærsta breytingin. Við
finnum líka breytingu á viðhorfi einstaklinga og fyrirtækja.
Það viðhorf er áberandi að fyrirtæki eru ekki að ráða fólk til
langs tíma, sérstaklega ekki stjórnendur og sérfræðinga.
Áður fyrr þótti jákvætt og eðlilegt að vera í stjórnunarstörfum
í 10-20 ár. Það þykir ekki endilega jákvætt í dag,“ segir hún.
Eftirspurn eftir fersku fólki Ingibjörg tengir þróunina við
aukna menntun. Hún segir að stöðugt fleiri fari í framhalds-
nám, læri um nýja strauma og stefnur og vilji geta heimfært
sín nýju fræði á fyrirtækin þegar komið er til baka. „Stjórn-
endurnir vilja líka fá inn ný viðhorf. Þeir vilja fylgjast með og
fá öfluga aðila sem hafa einhveiju að miðla. Samkeppnin er að
aukast. Menn verða stöðugt að vera vakandi í rekstri. Þess
vegna er eftirspurn eftir fólki sem er ferskt og kemur með
nýjar hugmyndir úr nýju umhverfi," segir hún. Tryggð við
vinnuveitanda er mæld í öðru en viðveru og starfslengd í ára-
36