Ármann - 01.12.1965, Blaðsíða 5
Ragnar Guðjnundsson
þjálfara, Þorkel Steinar Ellertsson, og yngri og eldri frjálsíþrótta-
menn Ármanns tóku höndum saman við hann til að auka veg frjálsra
íþrótta í félaginu.
Þátttaka í æfingum var ágæt allan sl. vetur og sumar. Áhugi fór vax-
andi og árangurinn kom greinilega í ljós á sl. sumri, þegar Ármenn-
ingar tóku að láta verulega á sér bera í frjálsíþróttamótum, eftir nokk-
urt deyfðartímabil. Á Meistaramóti Islands í frjálsum íþróttum hlutu
Ármenningar 6 meistaratitla, og verður það að teljast mjög góður ár-
angur. Ragnar Guðmundsson varð meistari í 100 m hlaupi og lang-
stökki, Kristján Mikaelsson í 400 m hlaupi og 400 m grindahlaupi. Þá
sigruðu sveitir Ármanns bæði í 4x100 m og 1000 m baðhlaupi. Hinn
ötuli þjálfari, Þorkell St. Ellertsson, var í báðum boðhlaupsveitunum.
Hinn ungi og efnilegi frjálsíþróttamaður Ragnar Guðmundsson er
sonur hins góðkunna Ármennings, Guðmundar Lárussonar, sem var í
hópi okkar fræknustu frjálsíþróttamanna, er mikill ljómi stóð um
iyrir um 15 árum, en þá áunnu íslenzkir frjálsíþróttamenn landi sínu
mikinn sóma á alþjóðavettvangi. Guðmundur á enn Islandsmetið í
400 m hlaupi, 48,0 sek., sem hann setti á Evrópumeistaramótinu í
Briissel 1950.
Kristján Mikkaclsson
Á. sl. vetri gekkst frjálsíþróttadeildin fyrir námskeiði fyrir drengi, og
var kennt í Miðbæjarbarnaskólanum. Námskeiðið stóð frá nýári til
vors og tókst með ágætum. Kennari var Einar Hjaltason, einn af hin-
um efnilegustu ungu frjálsíþróttamönnum Ármanns.
Nú. í haust hætti Þorkell St. Ellertsson störfum hjá félaginu, en hann
fluttist austur á Hérað og tók við skólastjórn á Eiðum. Ármenningar
þakka honum frábær og ómetanleg störf í sínum hópi, og óska honum
allra heilla í nýju starfi.
Nýr þjálfari var því ráðinn til frjálsíþróttadeildarinnar í haust, og má
segja að aftur hafi gæfan orðið okkur hliðholl, því til starfsins var
ráðinn vel menntaður og hæfileikamikill þjálfari, Jóhannes Sæ-
mundsson, en hann er nýkominn heim frá löngu íþróttanámi í Banda-
ríkjunum. Hyggja Ármenningar gott til samstarfsins við Jóhannes, og
vænta þess að fá sem lengst að njóta starfskrafta hans.
ÁRMANN
5