Morgunn - 01.12.1978, Blaðsíða 38

132
MORGUNN
gulmáluð stafnþil í iðgrænu túni. En svo varð honum litið á
Dalsbjargsbrúnina, austur frá bænum, og var eggin kolsvört
og skuggaleg að sjá og skaut hún honum óljósum skelk í
bringu. Helgi spurði hvernig honum litist á nýja dvalarstað-
inn, og svaraði Sigurður hikandi, að hér væri staðarlegt heim
að líta, „en brúnin á dalnum er óþolandi esp.“ Helga þótti
svar drengsins undarlegt og skildi það ekki, og Sigurður gat
þá ekki útHstað það nánar.
Nú leið og beið og var útengjasláttur byrjaður fram á Inn-
dalnum. Þá var rigningatíð. Kýrnar héldu sínum vana að
láta leita að sér á hverju kveldi. Eftir einn rigningardaginn
fór Sigurður holdvotur að leita þeirra. Skyggni var slæmt og
varð hann að fara víða og kom ekki heim með þær fyrr en
klukkan tvö um nóttina. Guðrún vinnukona beið eftir honum
og var nú í illu skapi og húðskammaði hann fyrir leti og
ómennsku. Sigurður svaraði henni engu. Hann var skjálfandi
af kulda og flýtti sér heim og inn í baðstofu. Ætlaði hann að
snarast sem fyrst úr bleytunni og komast upp i mjúkt og volgt
rúmið. En rétt í því að hann byrjar að rífa af sér blautu fötin,
sá hann bregða fyrir hjá rúmgaflinum hryllilegri mynd af
mannshöfði. Var andHtið nábleikt og teygt, eins og það væri
afmyndað af óstjórnlegum kvölum. Við þessa sýn greip Sigurð
geigvæn hræðsla, svo að hann hentist í loftköstum aftur að
gaflaði baðstofunnar og faldi hann sig i skoti sem þar var.
Þar áttaði hann sig að nokkru, herti upp hugann og gekk aftur
að rúminu. En þar blasti við honum sama afmyndaða andlit-
ið sem áður og jafnvel enn hræðilegra en fyrr. Sigurður hent-
ist. þá í ofboði aftur í skotið og beið þess þar skjálfandi og titr-
andi af kulda og hræðslu, að Guðrún kæmi inn, en þá hugs-
aði hann sér að komast í rúmið hundanna, sem var aftan við
rúm Guðrúnar, þvi að þar myndi hann hafa næga hlýju af
hundunum.
Þegar Guðrún kom inn, hóf hún þegar að afklæðast. Þá
skreiddist Sigurður fram úr skotinu, og er hún sá hann, féll-
ust henni fyrst orð og hendur af hræðslu. Þegar hún sá hver