Morgunn - 01.12.1979, Side 42

120
MORGUNN
hennar hjónin Eileen og Robert Ison, tóku á móti hópnum.
Var skoðuð hin fræga kapella, þar sem gat að líta hið fræga
málverk Rúbens af hinni „heilögu fjölskyldu", en það er
metið á tvær milljónir sterlingspunda. Háskólinn frægi og
margar byggingar hans voru skoðaðar.
Kvöldið var helgað Islandi — öðru sinni á þessu móti. I
þetta skiptið var það Guðmundur Einarsson, verkfræðing-
ur, fyrrverandi forseti Sálarrannsóknafélags Islands, sem
hélt erindi, sem hann kallaði: „Framtíð alþjóðlegra sálar-
rannsókna“.
Hóf hann mál sitt með því að ræða út frá spurningunni:
„Hvers vegna skal það vera spíritismi?“ Sömuleiðis ræddi
hann um persónulega reynslu við sálrænar rannsóknir. Þá
minntist hann á framtíð sálarrannsókna á alþjóðlegum vett-
vangi og kom víða við.
Síðast kom hann við það efni, sem virtist lyfta áhejrrend-
um upp úr stólunum, svo spenntir urðu þeir, en það efni
mætti orða: „Listin að lifa lífinu á réttan hátt“. Er það hlut-
ur, sem allir þekkja, en svo margir gleyma hversdagslega.
Var erindi Guðmundar Einarssonar mjög vel tekið. Heyrði
ég það á tali manna á milli á eftir, að þeir undruðust, hve
víða heima á sviðum sálarrannsókna ræðumaður væri, en
sú staðreynd endurspeglaðist i gegn um erindi hans.
Það er sanna, að Guðmundur er heill hafsjór af fróðleik
um hin óskildustu efni á sviði sálarrannsókna. Og stálminni
virðist hann hafa.
Fimmti dagur seinni starfsviku hófst með kennsluerindi
frú Eileen Roberts, sem hún kallaði „Sálrænt: eða huglægt
næmi“ og hvemig hjálpa skal öðrum að þróa það. Frúin er
Islendingum að góðu kunn, því hún kom til Islands í nóvem-
ber á sl. ári og starfaði að námskeiðum á vegum Sálarrann-
sóknafélags Islands, um þriggja vikna skeið.
Eftir hádegisverð hélt Tom Johanson fyrirlestur, sem kalla
mætti „Hugveiki — Lækning“. Var fyrirlestur hans mjög
athyglisverður og ætti skilið að vera gerð sérstök skil með
því að birta hann i heild. Innihald skoðana hans er, að fjöldi