Morgunn - 01.06.1981, Síða 50

48
MOIÍGUNN
inn gæti einfaldlega verið að tilkynna tannrótarbólgu á
byrjunarstigi, eða eitthvað i þá áttina. Vitaskuld er svo mis-
jafnt hversu lagið fólk er við greininguna og við það ein-
faldlega að muna drauma sína, eins og gengur og gerist
með allt annað í þessu lífi.
1 því sambandi ráðleggur hann sitt af hverju. Viljann til
þess að muna drauma segir hann skipta mestu máli. Á þann
hátt uppgötvi þeir, sem segjast aldrei dreyma neitt að þannig
er því nú ekki varið. Síðan róðleggur Steinberg fólki að hafa
hjá sér sérstaka bók til þess að skrá draumana í og skrifa
dagsetninguna á hverju kvöldi áður en lagst er til svefns.
Hann segir það hvetjandi til þess að muna draum eða drauma.
Einnig má hafa kassettutæki, en tala verður þá inn dagsetn-
inguna fyrir svefninn. Þá er komið að því að verja einni til
þrem mínútum í að endurtaka við sjólfan sig eitthvað á þessa
leið: Nú ætla ég að muna greinilega og í smáatriðum einn eða
fleiri drauma. Þegar maður vaknar, á að skrá drauminn
eða draumana umsvifalaust og eins nákvæmlega og frekast
er unnt. Gæta verður þess vandlega að gera það við eins veika
birtu og hægt er, því annars geti styrkleiki ljóss gert manni
hverft við, svo að minningarnar máist. f framhaldi af því
er auðvitað ekki sama hvernig fólk vaknar. Það er ekki hvetj-
andi til draumaskráninga að vera vakinn með látum og masi.
Þar eð þetta gengur nú allt saman misjafnlega, þá hvetur
Steinberg fólk til þess að reyna í minnst mánuð, og á þá við
þá sem telja sig lítið sem ekkert dreyma.
Ekki er það ætlunin hér að gera tækni Steinbergs nein
ýtarleg skil, enda eru námskeið hans til þess, heldur að kynna
manninn lítillega. Það sem hann hefur að segja er athyglis-
vert, skynsamlega framsett og vel rökstutt. Hann hefur skrif-
að bók er nefnist Re-Dreaming and Figure Identification -
An In-Depth Therapeutic Technique, og er að vinna að ann-
arri, sem á að koma út bráðlega. Þeim, er vilja kynna sér
tækni hans, bendi ég því á ofangreint verk og hið væntan-
lega. Nánari upplýsingar veitir: Jerry D. Steinberg, 2043
C Avenue Rd., Apt. 1, Toronto, Ontario M5M 4A7, Canada.