Morgunn - 01.06.1981, Side 75

HVAR ER MANNKYNIÐ Á VEGI STATT?
73
kenningu, að mannkynsfræðarinn sé á leiðinni og muni end-
urbirtast á síðasta fjórðungi þessarar aldar.
Vel mætti hugsa sér, að efling þeirra illu og ábyrgðarlausu
hneigða, sem fyrrgreind upptalning ber vitni um, stafaði
að nokkru af þessu tilstreymi öflugrar, en hlutlausrar orku.
Efling hins góða, sem líka má sjá svo mörg merki um á þess-
um árum, væri þá á sama hátt afleiðing þess. Hvort af þessu
tvennu verður ofan á? Það er spurningin mikla. Þar getur
sérhvert okkar lagt sitt lóð i vogarskál hins góða, bæði í verki,
orði og hugarfari. Heimurinn er í hættu. Honum þarf að
bjarga. Ef til vill er mannkynið þess ekki umkomið, þrátt
fyrir allt, að bjarga sér sjálft. Ef til vill verður það að treysta
á endurkomu meistarans.