Morgunn - 01.06.1981, Side 80

78
MORGUNN
„Framsýni“.
Eitt af aðaláhugamálum okkar á sviði yfirskilvitlegrar
skynjunar er framsýni, „precognition“. Einnig á því sviði
miðar okkur hægt. Jafnvel þeir, sem eru þeim gáfum gæddir
að geta sagt fyrir um framtíðina að einhverju marki, eiga
erfitt með að ná valdi á hæfileikanum og nýta sér hann.
Svo dæmi sé tekið, þá hafa fjárhættuspilarar sumir hverjir
haldið því fram, að þeir geti þakkað velgengni sína við
græna borðið einhvers konar innsæi eða framsýni, en þegar
á liður reynist flestum erfitt að höndla þá gáfu og missa oft
tökin að lokum.
En gagnið sem mannkynið gæti haft af þvi að geta sagt
fyrir um óorðna hluti, væri ómetanlegt,“ sagði Beloff, þegar
blaðamaður gerðist svo djarfur að spyrja um þá hlið málsins.
„Takist að beisla hugarorku, má nota hana til lækninga, og
framsýni gæti komið að notum við uppljóstrun sakamála svo
eitthvað sé nefnt.
Þá væri einnig hægt að segja til um náttúruhamfarir áður
en þær ættu sér stað og gera viðeigandi ráðstafanir i tíma.
Slysum, svo sem stórum flugslysum, mætti afstýra með því að
kyrrsetja flugvélina, ef sýnt þætti að hún færist ella. Ég er
ekki forlagatrúar. Ég fæ ekki betur séð en hægt sé að forð-
ast þá atburði, sem hægt er að segja fyrir um“
„Eftir eina öld“.
„Það hefur stundum verið haft í flimtingum hvað við i
Edinborg erum duglegir við tilraunir, sem hafa í för með
sér lítinn sýnilegan árangur,“ sagði Beloff að lokum. „En
kemst þótt hægt fari. Við nálgumst óðum viðurkenningu
hefðbundinna vísindagreina og ég er mjög bjartsýnn á fram-
tíð dulsálarfræðinnar til langframa. Þetta er ung grein. Rann-
sóknir í því formi sem þær eru stundaðar nú hófust elcki
fyrr en á þriðja tug aldarinnar og það gæti tekið aðra öld
að komast þangað sem við ætlum okkur.“