Morgunn - 01.12.1989, Blaðsíða 20
KENNINGAR SILVER BIRCH
MORGUNN
færum sem hann hefur nýtt til þess að afhjúpa andann mikla
sem býr innra með honum. Það er allt sem máli skiptir. Betra
er að búa yfir þekkingu en fákænsku en eini prófsteinninn er sá
háttur sem þú hefur lifað lífi þínu frá degi til dags.
Sp.: Sameinumst við aftur ástvinum okkar í framhaldslífinu
og yngjumst við upp? Jesús segir að þarna séu engin hjóna-
bönd eða hjónavígslur.
Sv.: Hvar sem verið hefur ást á milli manns og konu og sá
kærleikur hefur fært þau saman og gert þau að einni heild og
þau Iifað saman á andlega sviðinu í ykkar heimi þá mun
„dauðinn” ekki aðskilja þau. „Dauðinn” mun verða eins og
dyr sem opnar þeim leið til frekara frelsis fyrir sálir þeirra sem
þá geta verið nánar tengdar en þær voru í efnisheimi ykkar.
En ef tengsl þeirra eða hjónabandið, eins og þið kallið það,
var ekki hjónaband sálna heldur aðeins líkama og að sálir
þeirra dvöldu ekki á sama sviði, þá mun „dauðinn” skilja þau
enn frekar að, því hann mun vísa þeim til þeirra eigin andlegu
vídda. Ef kærleikurinn er fyrir hendi þá munu þau finna að í
heimi andans verða þau ekki yngri og ekki eldri, en munu
reyna vöxt, þróun og þroska. Þetta eru atriðin sem tengjast
sálinni en ekki líkamanum.
Þegar Nasaretmaðurinn sagði að þar væru engin hjónabönd
eða hjónavígslur þá var hann að vísa til giftingar líkamanna,
ekki giftingar sálnanna.Því að það sem þið kallið karlmann og
kvenmann hefur hvort fyrir sig eitthvað hinu að færa. Konan er
manninum nauðsynleg og maðurinn konunni. Andinn mikli
líkamnar þessar tvær meginreglur í fullkomnun. Eftir því sem
þið þróist á sviðum andans því minni og minni verður munur-
inn.
Sp.: Er mögulegt að syndga fyrir handan? Ef svo er, í hvaða
formi er algengasta syndin?
Sv.: Að sjálfsögðu er hægt að syndga í okkar heimi. Syndir
okkar heims eru syndir sjálfelsku en í okkar heimi eru þær af-
hjúpaðar mjög fljótt. Það er vitað um þær um leið og hugsunin
verður til í huganum og afleiðingin kemur mun fyrr í ljós en í
efnisheimi ykkar. Hún skráist á þann sem framdi syndina og
færir hann á lægra svið andlega en hann var á áður. Það er erfitt
18